TAITƆSI 3:14 - Yataa 'a Dɔbɛnɛ Nama

¹⁴ A yɛ to, mmɔ 'a mɔɛ n ni an mayan ko chɛndɛ ma bia koe a an boo fea a, min mbe a ma, an ni che an fandi deman‑da ko gbɛa tima a, an ma na ma tataya tɔɛ n na.

TAITƆSI 3:14 ပူးပေါင်းရင်းမြစ်များ

MATIU 21:19

Mbɛ a‑a gbɔ kɔn dɔndɔ yen, min tɔ ni fiki, ɛ sɔ ɔ chia fɛ. Mbɛ a ta‑a kɔn chɛ tena, chɛɛ a nii ma a gbɔ kan kɔ kan tan ni a a, mɔɔ a yamba min na gbiien ni. Chɛ fɛ, a‑a a fɔ wan kɔn chɛ ma, a ɔ, “Mɔ ɔ mɔ ee i gbɔɛ daun‑da to kuɔ fɔ.” Mbɛ kɔnɛ gbu gbaa‑a a ya kɔɔɛ a.

MATIU 7:19

A chia dɔndɔ gbe chɛ a, an gbonka chɛ mɔɛ chɛ n mbe miin ma‑a, an fan mbe a ɔ yian‑da wo a, an mbe buɛ min dɔ. Chɛ an‑na a fɔ, kɔn kan kɔ kan, min ma gbɔ chɛndɛ be ni, a ɛ tɛ‑a wan, mbɛ a a dɛ‑a ta ɔ.”

CHƆN 15:16

Wo wan ma n ya ni, ma koe a wo kan mɔ a, chɛɛ n fan‑na wo ya, ma koe a n fɛ mɔɛ n na. N fan‑na wo ya, mbɛ n‑na wai be wo ma, wo ni ta, wo chɛ chɛ wai ni koa. Wo chɛ chɛ wai chɛ n sin, an ni ma kuɔ fɔ wai n na. Ni wo‑a chɛ ma, Fa ɛ fen kɔ fen be‑a wan wo ma, wo e a ɔ tisa‑a min ko a, n tɔɛ ɔ.

CHƆN 15:8

Wo e ko chɛndɛ min ma‑a, ni an da a koa‑a, wo e ma‑a ka a ɔ yian fan na, mbɛ n fɛ denɛ mu wo a. An ko chɛndɛ chɛ n sin mbe a ɔ yian‑da wan to mɔɛ n na, Fa kamayaen mu buɛ min dɔ.

CHISƆSI 'A SƆ MƆƐ NU 18:3

mbɛ an bɛ ni wan an na. Koe min na mu, an bɛ ni wai dɔndɔ gbe an chɛ. Pɔɔ ni a 'a daun fenɛ ma sɔn tɛndi nyan wai an dɔ, yɔ Akuida wɛɛ, an fea a 'a musu a.

CHISƆSI 'A SƆ MƆƐ NU 20:35

N‑na a ɔ yian fan wo a, chia ɔ chia a, mɔɛ ɛ wai chɛ buɛ min dɔ a boo a, basan koe a mɔɛ n ma, boo ee miin ma, an ma koe chɛ koe a. Mmɔ yii ɛ ma‑a wan bai chɛ kɔ, Mansa Chisɔsi na‑a min fɔ, a ɔ, ‘Dua ɛ fenɛ be mɔɛ ma kaka, a ni ben a bia mɔɛ ma.’ ”

GBOO DOMI KO A 12:13

Ni Yataa 'a mɔɛ n ma‑a yakɔɔtawa ɔ, an kɔ i boo fenɛ dɔ ɔ. Ni ben sonda na‑a i waa tima ɔ tima ko a, i boo si a kɔɔ i 'a chenɛ a.

GBOO DOMI KO A 15:28

N‑na an kɔpɔɛ chɛ ma kain fan, n sin mbe ka an be‑a an ma. Ni n ban‑da a be‑a an ma gbae, n mbe na‑a wan. N mbe bɔ‑a wo tena chia wan, mbɛ n ta‑a Sipen.

Gboo Ɛfisɔsi Ko A 4:28

Mɔɛ min mbe kanka chɛ, a ma a chɛ to. Chɛɛ ɛ min ma, a ni a gboo be wai chɛ koe a. A ni wai chɛ tea chia a, a boo fea a. Chɛ an mbe a ma‑a, a bɔɛ chɛ nu, fen mbe ee miin boo ɔ, a ni kun basan koe an ma.

Gboo Fiipai Ko A 1:11

Chisɔsi Chasi 'a gbasaya ɔ, wo sɔnɛ a dondandenɛ ni ma. Chɛ an mbe ma tando a, Yataa tena, a basan basɔmaya a.

Gboo Fiipai Ko A 4:16

Koe min na mu, Tɛsadonika duu ɔ nan fan bɛɛ, n ni nɔ tima min na, wo ni wo boo fenɛ a ta wan n ye, gba sɛsɛ ko a.

Gboo Fiipai Ko A 4:17

An ma a fɔ ni, mbɛ n toen mu dechee wo boo fenɛ n fan ma sɔn koe a. Chɛɛ n toen mu n ni a ɔ yen, Yataa ni wo deman, basan koe chɛ a n ma.

Gboo Kɔdɔsai Ko A 1:10

Chɛ ɛ a ma‑a wan, wo ni kosan tachɛ‑a fɔɛ ɔ, min mbe nyan Mansa Chisɔsi tena, a faa ni chima a da faenɛ ɔ. Tima ɔ tima, wo e ko chɛndɛ sɛsɛ ma‑a wan. Wo 'a yiimatɛ ma ni mun‑da a si Yataa wakoe ma.

Gboo Saa Tɛsadonika Ko A 2:9

Nn suun ma nyɔɛ nu Chasi ɔ, wo wandi gbu‑a a ɔ sɔn fan, mbɛ nn‑na wai chɛ wan nn sɔɛ gbɛɛ a. Tima min na nn ni nɔ, su ɔ tee a nn‑na wai chɛ wan, nn fandi deman koe a. Nn nii ma to ni, nn 'na suunɛ ni ma si ɔ wo kun ma, nn mbe ma Yataa 'a sakana bai chɛndɛ chɛ sa‑a.

GBOO FEAN BƆƐ TƐSADONIKA KO A 3:8

Nn nii ma dɔn ni, nn ni fen kɔ fen bia mɔ ɔ mɔ boo ɔ, gbama gbama a. Nn na‑a wai chɛ wan nn sɔɛ gbɛɛ a, su ɔ tee a, min mbe a ma, nn ma koe ma na si wo dɔndɔ wɛɛ kun ma.

TAITƆSI 2:8

I da a bai tandenɛ ni ma, mabɔ ee ma min ma. Chɛ ɛ a ma‑a wan chɛɛ ma nyɔɛ n ni mau, bai yama ee ma‑a an da ɔ a fɔ koe a a si mmɔ ma.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

2 PITA 1:8

Ni sɔn chɛ n ma‑a wo ɔ chɛndɛ chɛ, a ɔ benden ba a, wo e mmɔ 'a mansa Chisɔsi Chasi sɔn‑da wan chɛndɛ chɛ. Chɛ sin mbe na‑a ma‑a ko chɛndɛ an na wo 'a fɔɛ ɔ.