TAITƆSI 3:11 - Yataa 'a Dɔbɛnɛ Nama

¹¹ Koe min na mu, i‑a a ɔ sɔn fan, mbɛ mɔ bonda chɛ ma tan ni, a sin na ko yama maenɛ an mbe a ma konan tena Yataa tena.

TAITƆSI 3:11 ပူးပေါင်းရင်းမြစ်များ

DUKU 19:22

Mansa chɛ ɔ, ‘I wan, wai chɛ mɔ yama mu i a. I wandi gbu da a kuiɛ chɛ, n mbe an ya‑a, mbɛ n‑na chiti tɛ i wakoe ma. I‑a a fɔ, i ɔ, i na‑a a ɔ sɔn fan, mbɛ n faa a kɔɔen ba mu, mbɛ n mbe mɔɛ n kuu kɔ gba an ma n ta a, mbɛ n mbe ee chin fenɛ min chin, n mbe an ya.

DUKU 7:30

Chɛɛ Chu mɔɛ chɛ nu miin ni Fayisii n na, an bɛ Chu n n 'na sawa kan mɔɛ n na, an ban‑da bɔ koe a chia chɛ a, Yataa toen ni an ni bɔ min na. Koe min na mu, an ban‑da Chɔn ye yii chɛ koe a an kunɛ ɔ, Yataa chia a.

CHƆN 3:18

Mɔ ɔ mɔ min mbe a kai fa‑a a 'a Den chɛ a, Yataa ee kaa a tɛ‑a a wakoe ma, a ni tɔɔ. Chɛɛ mɔ ɔ mɔ min ma a kai fa ni a a, kaa a bandenɛ mu tɛ‑a a wakoe ma, a tɔɔ koe a, a mu min na, a ma a kai fa ni Yataa 'a Den dɔndɔ gbe a.

CHISƆSI 'A SƆ MƆƐ NU 13:46

Chɛɛ a tima gbu a ni gbɛ, Pɔɔ, an fea Banabasi a, an‑na bai sa faagbɛa a. An dɔ, “A ni nyin, nn ni Yataa da a bai chɛ ɔ yian wo pɛn na. Chɛɛ wo‑a wo boo sɔ wan a ya ɔ, wo‑a a ɔ yian wo sɔnɛ ɔ, mbɛ a ma nyin, wo ni kuɔ fɔ fɔɛ chɛ ma sɔn. A yen ko gbɛ, nn bɛɛ, nn‑na nn ya a yɛ chɛ n ma, miin ma Chu mɔ a.

CHISƆSI 'A SƆ MƆƐ NU 15:24

Nn‑na a a min, mbɛ mɔɛ n dɔ n bɔ‑a wan nn tɛ ɔ, an ta‑a wo tena, an‑na wo kɔndɔ fii an 'na kanɛ a, an mbe min chɛ tena. An gbu sin mbe ka min ma‑a, nn fan ma an sɔ ni.

CHISƆSI 'A SƆ MƆƐ NU 23:25

Mbɛ soya n kun ti chɛ, a‑a gboo sin nyɛn fan kɔfana chɛ tena, a si Pɔɔ ma.

GBOO DOMI KO A 3:19

Mmɔ‑a a ɔ sɔn gbɛ sanche, mbɛ sawa chɛ‑a min gbɛɛ fɔ, a sien mu chɛ n fan ma, miin mbe sawa gbu kɔɔ. An mbe a ma, an mbe ee kafai kan kɔ kan be ko yama ma koe a. A sin to, ɛ a ma‑a wan Yataa ni kaa a tɛ, a si mmɔ gbɛɛ a ko yama ma.

2 TIMOTI 2:14

Chɛ puin i 'a mɔɛ n yii ma, mbɛ i‑a dasi gbau gbau be an ma Yataa chen kɔɔ, i ɔ an ma koɔ kɔnɔ bai kun ma. Chɛ ee den chɛndɛ suun an ye, chɛɛ ɛ chɛ n fan yɔn gbɔkɔɔ, miin mbe an too ma sɔ‑a a ma.

TAITƆSI 1:11

An da a ni tɔn, koe min na mu, an mbe chenɛ n dɔ chɛ chɛ tena wan, an mbe an ka‑a tea chia ma, an 'na kan yama chɛ chɛ a. Chɛ gbɛɛ sin kaen mu mau bandaya kɔpɔ yan chɛ an ma.

TAITƆSI 1:14

Mbɛ an sɛmbɛ‑a an too ma sɔ koe a Chu n 'na tai chɛ n ma, ni bai chɛ n ma, mɔɛ miin‑na an kan kɔ sɔ tea a, an mbe min fɔ‑a a ma koe a.

GBOO IBU MƆƐ N KO A 10:26

Mmɔ ban‑da ka buɛ min dɔ tea ɔ sɔn‑da, a si Chisɔsi ma, mmɔ ma ko yama ma bia to mmɔ boo fea a. Ni mmɔ‑a chɛ ma, yasi kan kɔ kan mbe ee ma‑a nɔ, min mbe a ma, Yataa ni a boo bɔ mmɔ 'a ko yama n dɔ.