TAITƆSI 3:10 - Yataa 'a Dɔbɛnɛ Nama

¹⁰ Mɔɛ chɛ tana, min mbe mɔɛ n na fasan tena, a‑a si gba fea gbe. Ni a ma sɛmbɛ ni, i boo bɔ a ma koe ɔ.

TAITƆSI 3:10 ပူးပေါင်းရင်းမြစ်များ

GBOO DOMI KO A 16:17

N bɔ Chisianɛ nu, n mbe wo disa tena wo ni wo kun ma fɛn mɔɛ chɛ n boo ɔ. Mɔɛ chɛ nu, miin mbe mɔɛ n dɔ fasan, an mbe sɔnkɔ sɔnkɔɛ a bea an tɛ ɔ. Mɔɛ chɛ nu, miin mbe an bɔɛ n ka tea chia ma. A yɛ to, wo kan‑da ko chɛndɛ miin ma, an mɔɛ chɛ n mbe wo kan ko dɔ gbɛɛ n na, miin mbe ee a chia ma. Wo ma gbɛn an mɔ bonda chɛ n ma.

GBOO SAA KƆYINDI KO A 11:19

Tɛnɛ ko ma chɛ a n tena. A gbu nyin fan, wo ni ma sɔ ɔ wo nyɔn kanɛ ɔ. Chɛ an mbe a ma‑a, tea ɛ miin boo ɔ, an ma ni gbɛ chɛndɛ chɛ.

GBOO FEAN BƆƐ KƆYINDI KO A 13:2

N‑na wo a si wan, n 'na gba fean bɔɛ ɔ, wo kɔndɔn‑da. N‑na wo a si wan, wo wɛn na‑a ko yama ma, a kɔma a, a basan mɔɛ tɔɛ n gbɛɛ a. Chɛɛ n mbe a fɔ‑a wan to sanche, mbɛ n mbe ee ka buɛ min dɔ wo tɛ ɔ, mbɛ n mbe na‑a to tima min na, mɔ ɔ mɔ kun mbe ee bɔ‑a tɔɔya ɔ.

Gboo Kadesia Ko A 5:12

Ɛ wan n yii ma, mbɛ mɔɛ miin mbe ka wo yiima ɔ basan basan tena, an mbe an fandi ma‑a wan kai busi a.

Gboo Kadesia Ko A 5:20

A mu to fenɛ n fai koe an na, fenɛ miin ma Yataa a, ni yawa gbasi, a basan chɛɛ ma nyɔncha a. A yɛ to, koɔ wa, toomaya, ni faa gbandiaya. A sin, an mbe to dechee an fandi an na, mbɛ an du‑a ben‑da gbambe ma.

GBOO FEAN BƆƐ TƐSADONIKA KO A 3:14

Mɔɛ ɛ ma‑a wan kɔɛ nɔ, min ban‑da koe chɛ n ma koe a, nn‑na koe miin nyɛn gboo chɛ ɔ wo tena. Ni ɛ ka wan, wo wo ya gba sa an mɔɛ chɛ ma. Wo sin gbu ma gbɛn a ma, min mbe a ma, a ni mau a wandi ma.

GBOO FEAN BƆƐ TƐSADONIKA KO A 3:6

Nn suun ma nyɔɛ nu Chasi ɔ, nn mbe chɛ fɔ tena wo ye gbau gbau, mmɔ 'a mansa Chisɔsi Chasi tɔɛ ɔ. Wo ma gbɛn suun ma nyɔɛ chɛ n gbɛɛ ma, miin mbe gboo ɔ fa bɔ tena an 'na fɔɛ ɔ. A sin, an mbe ee bea tena koe chɛ n fɛ, nn na‑a min fɔ an ye.

2 TIMOTI 3:5

An 'na Yataa koe ɛ an da ɔ wan, chɛɛ a ee an faa ɔ. Ka a mɔ bonda chɛ n bai ma.

2 PITA 2:1

Chɛɛ mɔ sɛsɛ n bɛɛ bɔ‑a wan suun, Isɔɛɛ mɔɛ n tɛ ɔ, an‑na fania fɔ, mbɛ Yataa 'a gbonka chɛ mɔɛ mu an na. A chia dɔndɔ gbe chɛ a mu, fania kan chɛ mɔɛ n mbe bɔ‑a wo wɛɛ tɛ ɔ. An mbe fania kanɛ chɛ‑a wan, min mbe na kasaa a. An mbe mansa chɛ kɔɔsa bia wan, a wɛn‑na an kun ka. Chɛ sin fan mbe a ma‑a, an ni na kasaa a an fandi kun ma.

2 CHƆN 1:10

Ni mɔ ɔ mɔ na‑a wo 'a chenɛ a, kan dɔ mende a min kaen mu Chasi ta ma, wo ma wo ya kɔɔɛ yian a mɔɛ chɛ a, wo gbu ma a kɔndɔn.