TAITƆSI 2:15 - Yataa 'a Dɔbɛnɛ Nama

¹⁵ Yataa 'a gbasaya ɛ i boo ɔ gbɛ, i ni koe chɛ n gbɛɛ ɔ yian mɔɛ n na, i ni dasi be, i ni an 'na ko yama fɔ an ye. I ma a ma mɔ ɔ mɔ ni baa bɔ i ma.

TAITƆSI 2:15 ပူးပေါင်းရင်းမြစ်များ

MATIU 7:29

Koe min na mu, a nii ma an kan ni, yɔ Chu n 'na sawa kan mɔɛ chɛ n ni an kan buɛ min dɔ. Chɛɛ a tana, a‑a an kan gbasaya wa an na.

MAKI 1:22

A‑a miin kan ka, an da ɔ gbaa‑a wan, a 'a kan chɛ buɛ a. A ta kanɛ, gbasaya wa, an ni a ɔ, a ben mɔɛ chɛ n ma, miin ni Chu n 'na sawa kan.

MAKI 1:27

Mɔɛ miin gbɛɛ ni nɔ, an da ɔ gbaa‑a wan. An bun‑da a fɔ‑a, an nyɔn ye, an dɔ, “Fen koe e nɛ? Kan chɛ buɛ nama an nɛ. Ɛ a fɔ wan nyina yama n bɛɛ ye, an mbe koe min ma. An sin, a 'a gbasaya chɛ, an mbe a ya wan.”

DUKU 4:36

Mɔɛ chɛ n gbɛɛ da a fa‑a wan a a, mbɛ an dɔ, “Kan chɛ buɛ nyɔn sima minan mbe nɛ? Ɛ gbasaya din fan nyina yama n bɛɛ ma, an ni ka mɔɛ fɛ. An sin mbe a da a kuiɛ a min fan, mbɛ an ka‑a an fɛ.”

GBOO SAA KƆYINDI KO A 16:11

Chɛ ko a, wo ma dɔn mɔ ɔ mɔ wo tɛ ɔ, a ni baa bɔ a ma. Chɛɛ wo ni basan a ma, a ni a 'a tachɛ a tun a ma, faachima ɔ. Chɛ ɛ a ma‑a wan, a ni yɛ to nɛ, n tena. Koe min na mu, n mbe ma tena wan, a ya ɔ fɛn‑da nɛ, an bɛ mmɔ suun ma nyɔɛ chɛ n na Chasi ɔ.

1 TIMOTI 5:20

Tea fɔ an ye fanka ɔ, an fɛn mbe ko yama ma‑a, min mbe a ma, mɔɛ tɔɛ n ni chian.

2 TIMOTI 4:2

Sakana bai chɛ ɔ yian mɔɛ n na, tee kɔɔ sona kɔɔ, i ma bɛn a ɔ yian koe a. Mɔɛ n yiima mun, an‑na ko yama fɔ an ye, mbɛ i‑a an faa ma nande, e ta‑a i faa bia‑a an na, ni i ma‑a an kan‑da.

TAITƆSI 1:13

A‑a tea bai an fɔ ka. Chɛ an fɛ mu, an tɛn dɔ tɛ chɛndɛ chɛ, min mbe a ma, an na ni ten Chisian danaya ɔ.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.