TAITƆSI 2:14 - Yataa 'a Dɔbɛnɛ Nama

¹⁴ A wɛn‑na a wandi be mmɔ ko a, mmɔ bɔ koe a ko yama n dɔ, mmɔ ni ma mɔ ma koenɛ n na. Mmɔ ni ma a ta mɔɛ n na tenchen, mmɔ ma bɛndenɛ ni ma ko chɛndɛ ma koe a.

TAITƆSI 2:14 ပူးပေါင်းရင်းမြစ်များ

MATIU 1:21

Ɛ den kainɛ suun‑da wan. A sin, ni a‑a a suun, a tɔɛ si, i ɔ, Chisɔsi. Koe min na mu, ɛ a 'a mɔɛ n bɔ‑a wan an 'na ko yama n dɔ.”

MATIU 20:28

Koe min na mu, n fan, Mɔ Gbu 'a Denɛ wɛɛ, n ma na ni, mɔɛ n ni wai chɛ n ko a. Chɛɛ n na‑a, min mbe a ma, n ni mɔɛ n ma wai n chɛ. A yɛ to, n ni yɛ, n ni n fɔɛ be mɔ gbu n kun ka koe a.”

MATIU 3:12

Ɛ mɔ gbu gbɛɛ gbɛmbo‑a wan. Ɛ mɔ gbu chɛndɛ n bɔ‑a wan a yama n ya a, yɔ sɛnɛ sa mɔɛ ɛ fenɛ ɔ fɛ buɛ min dɔ, a pofe bɔ koe a a chɛndɛ ya a. Ɛ a pofe a dɛ‑a wan, mbɛ a‑a a chɛndɛ si tena ɔ bɛn. Ɛ mɔ yama n tɔɔya‑a wan kuɔ fɔ ta ɔ, yɔ mɔɛ ɛ a fonɛ minda buɛ min dɔ ta a.”

CHƆN 10:15

Ɛ ka wan dechee, yɔ Fa‑a n sɔn buɛ min dɔ chɛndɛ chɛ, n bɛɛ, n‑na a sɔn ka wan. A sin, n ma bɛnden fan mu, n fandi be koe a, n 'na sa n na tɔnɔnɛ ko a.

CHƆN 6:51

N fan mu fɔɛ be daun fen chɛ a, min yii‑a a ka banda bu ɔ. Ni mɔ ɔ mɔ‑a daun fen chɛ daun, ɛ kuɔ fɔ fɔɛ ma sɔn‑da wan. N mbe daun fen chɛ min sin be‑a a ma, a mu n gboo an na. N mbe a be‑a wan, fɔɛ ko a dunya ɔ.”

CHISƆSI 'A SƆ MƆƐ NU 15:14

Saimɔn Pita ban‑da a ɔ yian‑da mmɔ a, Yataa na‑a a 'a koadia ɔ yian buɛ min dɔ, tima saa saa ko a, mɔɛ chɛ n na, miin nii ma Chu mɔ a. A na‑a a boo sɔ wan an dɔ n ma, ma koe a a ta mɔɛ n na.

CHISƆSI 'A SƆ MƆƐ NU 15:9

A sin ma tɛ bɔ kan kɔ kan yian ni mmɔ tɛ, mmɔ bɛ an na. Chɛɛ a‑a a ma wan, an faa ɔ gbɛ‑a, koe min na mu, an‑na an kai fa Chisɔsi a.

CHISƆSI 'A SƆ MƆƐ NU 20:28

Wo wo wandi kun ma fɛn, ni mɔɛ chɛ n gbɛɛ, Yataa Nyina‑a miin kai fa wo a. Wo Yataa 'a chɔchi mɔɛ n kun ma fɛn. Yataa gbɔgbɔɔ denɛ, Chisɔsi, a ta wii min bɔn‑da, a fa tima a, an‑na a ma, chɔchi mɔɛ chɛ n ma‑a a wan Yataa ta mɔɛ n na.

CHISƆSI 'A SƆ MƆƐ NU 9:36

Chɔpa duu wɛɛ ɔ, musu dɔndɔ ni wan nɔ, min tɔ ni Tabita. A na‑a a kai fa wan Chisɔsi a. Kiisi mɔɛ n ni a chee, an dɔ, Dɔkasi, min fasaien ni dɔmba. A 'a fɔɛ gbɛɛ ɔ, a ni wai nyima wa an chɛ, a ɛ basan yɔn tɔɛ n bɛɛ ma.

Gboo Kadesia Ko A 1:4

Mansa Chisɔsi chɛ, an na‑a a wandi be a fa koe a, mmɔ 'a ko yama n ko a. A na‑a chɛ ma, mɔ kun ka koe an na, mmɔ 'a ko yama n boo ɔ dunya chɛ ɔ. Mmɔ Fa Yataa sin faa ma koe, Chasi na‑a an ma ka.

Gboo Kadesia Ko A 2:20

N fandi gbu wɛɛ, n faenɛ mu gbɛ, chɛɛ Chasi ɛ sɔ ɔ n kɔ. Chɛ ko a, n mbe buɛ min dɔ fɔɛ chɛ ɔ, n kai faen mu Yataa 'a denɛ an na. A wan to‑a n na, mbɛ a‑a a fɔɛ be n ko a.

Gboo Kadesia Ko A 3:13

Chasi‑a mmɔ kun ka wan, a bɔ sawa chɛ 'a danka kɔɔ. Mmɔ wakoe an na‑a a ma, a‑a danka chɛ ɔ bia, a ka koe a mmɔ kun ma. Koe min na mu, a nyɛnden fan mu Yataa 'a gboo ɔ, “Mɔ ɔ mɔ, min mbe fa‑a dɛn dɔ kɔnɛ ma, Yataa ni a danka.”

Gboo Ɛfisɔsi Ko A 1:11

Nn ma min chɛ‑a mɔ dɔndɔɛ a, nn bɛ Chasi a, an fɛ mu Yataa‑a a boo sɔ nn ma gbɔɔ, min mbe a ma, nn ni ma tenchen a ko a. Koe min na mu, a toen ni chɛ an ni ma, a sin‑na chɛ an dɔ bɛn. A sin, kan kɔ kan, ɛ a ma wan, yɔ a‑a a ɔ bɛn buɛ min dɔ.

Gboo Ɛfisɔsi Ko A 2:10

Koe min na mu, Yataa boo gba mu mmɔ a. A‑a mmɔ a dan, koe min na mu, mɔ dɔndɔɛ mu mmɔ a, mmɔ bɛ Chisɔsi a, mmɔ chɛ chɛ wai chɛndɛ ko a. Mmɔ chɛ chɛ wai chɛ nu, Yataa‑a miin to mmɔ ya ɔ, mmɔ ni tachɛ an chia chɛ n na.

Gboo Ɛfisɔsi Ko A 5:2

Koadia faa ni ma wo ɔ, yɔ Chasi to‑a buɛ min dɔ mmɔ a. A sin, a‑a a wandi fɔɛ be wan mmɔ ko a, a ma‑a yɔ yasi, min mbe Yataa faa chima.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

1 TIMOTI 2:10

Chɛɛ an ni an fandi a bonchen an chɛ chɛ wai chɛndɛ ɔ, min ma biaen mu Yataa sɔn mɔɛ ko a.

1 TIMOTI 2:6

min‑na a wandi fɔɛ be, min mbe a ma, a ni mmɔ gbɛɛ kun ka. Chɛ‑a a ɔ yian fan a tima chɛ a, mbɛ tima gbu an che‑a ka, Yataa toen mu mmɔ gbɛɛ ni bauncha ma sɔn.

1 TIMOTI 6:18

N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

GBOO IBU MƆƐ N KO A 1:3

An den chɛ sin, Yataa 'a kamaya ɛ yen fan a ɔ. Yataa ɛ buɛ min dɔ dechee, a wɛɛ ɛ ka wan. A da a bai gbasayaen mu, min mbe a ma tena dunya kunɛ a biaenɛ ɛ kaina dɔndɔɛ. A ban‑da kɛn mmɔ ma ko‑a, a bɔ mmɔ 'a ko yama n dɔ, a si‑a kaina ma bɛndenɛ Mansa Yataa boo nyima ɔ, pan banda bu ɔ.

GBOO IBU MƆƐ N KO A 10:24

A sin, mmɔ yiinachii chɛ, mmɔ ɛ a ma buɛ min dɔ mmɔ ni mmɔ nyɔn deman, mbɛ mmɔ‑a ko chɛndɛ ma mmɔ nyɔn na.

GBOO IBU MƆƐ N KO A 9:14

Ni soe wii ɛ chɛ ma wan, a ɔ gbɛ Chasi ta wii? A wɛn nii ma ko yama kan kɔ kan ma ni, chɛɛ a‑a a wandi fɔɛ be, mmɔ ko a, Yataa Nyina 'a gbasaya ɔ, min mbe kuɔ fɔ ko a. Chɛ an fɛ mu, Chasi wii ni mmɔ yiima a ko, a ni koe n ka mmɔ yii ma miin mbe na saya a, mmɔ ni Yataa fai, min mbe kuɔ fɔ ko a.

CHIMISI 4:8

Wo gbɛn Yataa ma, mbɛ a wɛɛ, ɛ gbɛn‑da wan wo ma. Wo wo boo a ko, wo wan ko yama ma mɔɛ nu. Wo faa ɔ ni gbɛ, wo wan nɛnɛn fea ti nu.

1 PITA 1:18

Wo wandi gbu‑a a ɔ sɔn fan, mbɛ wo ni wan baa baa fɔɛ ɔ, wo bemba n ta bemba n ni min dɔ. Yataa ma kain gbɛ an ya ni, chɛ ma sanu, miin mbe yɔn, a ni an be wo kun ka koe a, a bɔ an fɔɛ chɛ ɔ. Wo‑a a ɔ sɔn fan, a na‑a fenɛ min be.

1 PITA 1:22

Wo‑a wo boo a si min chɛ sakana bai chɛndɛ chɛ kɔɔ, tea mu min na, wo ko‑a gbɛ, a bɔ wo 'a ko yama n dɔ. Chɛ ni a ma, koadia chɛndɛ ni ma gbɛ wo ɔ. Ni a sin ma‑a ka, wo ni to wo nyɔn na pien, wo faa gbɛɛ a.

1 PITA 2:12

Wo sɔnɛ n ma ni kawa mɔɛ chɛ n tɛ ɔ, miin ma Yataa sɔn. An mbe a ma‑a, ni mɔɛ n‑na wo chee wɛɛ ko yama ma mɔɛ n na, an mbe wo sɔn chɛndɛ chɛ yen‑da wan. Chɛ an mbe a ma‑a an ni tando be Yataa ma, a na tee ma.

1 PITA 2:9

Chɛɛ wo tana, boo sɔ chɛen mu wo wan ma, Mansa Yataa 'a tɛ mɔɛ nu, wo wɛn mu chɛnyɛ a tenchen a ko a. A yɛ to, a ta mɔɛ mu wo a, boo sɔ chɛen mu wo ma, min mbe a ma, wo ni Yataa 'a kamaya ɔ yian. A wan Yataa min‑na wo chee pimbi pimbi ɔ, an na‑a wo a a 'a kamaya manɛ kɔɔ.

1 PITA 3:18

An na‑a a ma, Chasi wɛn nii ma ko yama kan ko kan ma ni, a na‑a tɔɔya ɔ bia wan mmɔ ko a. A wɛn ni ka mɔ chɛndɛ wa a, a na‑a saya dɔndɔɛ chɛ chɛ wan. A sin mbe ee ma‑a to, mmɔ mɔ yama chɛ n 'na ko yama n ko a. A na‑a chɛ ma, mmɔ ma sawan koe an na Yataa tena. Mɔɛ n na‑a a fa wan kɔn gbengbandenɛ ma, a gboo ɔ, chɛɛ a yɛ‑a wan fɔɛ ɔ, Yataa Nyina ta fɛ chia a.

1 CHƆN 1:7

Chɛɛ Yataa ɛ manɛ an dɔ. An fɛ mu, ni mmɔ wɛɛ tachɛ‑a a 'a man chɛ kɔɔ, mmɔ ɛ ma‑a wan kuiɛ dɔndɔɛ ɔ, mmɔ nyɔn na. A yɛ to, Yataa 'a denɛ Chisɔsi wii min bɔ‑a, ɛ mmɔ ko‑a wan, a bɔ mmɔ 'a ko yama n gbɛɛ n dɔ.

1 CHƆN 1:9

Chɛɛ ni mmɔ dɔn‑da a ma, mbɛ mmɔ‑a ko yama ma wan, Yataa danayaen mu, ɛ na‑a tea koe an ma‑a. Ɛ a boo bɔ‑a wan mmɔ 'a ko yama n dɔ, mbɛ a‑a mmɔ ko mmɔ 'a ko yama n gbɛɛ n dɔ, mmɔ ni gbɛ fo.

1 CHƆN 3:2

N dia nyɔɛ nu, Yataa 'a denɛ mu gbɛ mmɔ a. A sin, mmɔ ma chɛ ɔ gbɛ nin bɛ, mmɔ ɛ ma‑a buɛ min dɔ ya ɔ ma. Chɛɛ mmɔ‑a a ɔ sɔn fan, mbɛ ni Chisɔsi na‑a to, mmɔ ɛ ma‑a wan yɔ a wan. Koe min na mu, mmɔ ɛ a ma gbɛ‑a wan gbadan, yɔ ɛ buɛ min dɔ.

KO Ɔ NUNDENƐ 1:5

A ka to Chisɔsi Chasi wɛɛ tena, tea bai sa mɔɛ, a wɛn pɛn‑na a kɔɔ sɔ saya ɔ, a sin‑na gbasaya benden mu mansa kan kɔ kan ma dunya ma, an mbe an kɔɔ. Chisɔsi toen mu mmɔ a, a sin‑na mmɔ kun ka wan, mmɔ 'a ko yama n dɔ, a wii a.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.