TAITƆSI 1:9 - Yataa 'a Dɔbɛnɛ Nama

⁹ Ɛ ma mɔɛ an na, min danden mu tea sakana bai chɛ a, an‑na a kan min na. Chɛ an mbe a ma, a ni che kan chɛndɛ chɛ a, a ni chɛ n na ten, miin mbe kɔɔsa bia chɛ tena.

TAITƆSI 1:9 ပူးပေါင်းရင်းမြစ်များ

CHISƆSI 'A SƆ MƆƐ NU 18:28

Koe min na mu, a ni ma koe n tɛnsɛ‑a, Chu mɔɛ n nii sɔ a a ɛnden bɛɛ a. A‑a a ɔ yian fan an na, a ka Yataa 'a gboo ɔ, mbɛ kunka mansa mu Chisɔsi an na.

GBOO SAA KƆYINDI KO A 14:24

Chɛɛ ni mɔɛ gbɛɛ ma‑a Yataa bai sa an na, mɔɛ n tena, mbɛ ko sɔn bai don‑da, a yiima ɛ mun‑da wan. Chɛ ma, mɔɛ wɛɛ, min ma a kai fa ni Chisɔsi a, a wɛɛ ta ɛ mun‑da wan. An mbe min na min‑da, ɛ a ma‑a wan, an 'na ko yama ma ni boo an ma. An mbe min gbɛɛ a min‑da, an mbe kaa a tɛ‑a, a si an tachɛ buɛ ma.

Gboo Saa Tɛsadonika Ko A 5:21

Chɛɛ wo an gbɛɛ ma fɛn bɛ, min nyin, mbɛ wo‑a wo boo a chii a ma.

GBOO FEAN BƆƐ TƐSADONIKA KO A 2:15

Nn suun ma nyɔɛ nu, chɛ an fɛ mu, wo sɔ chidi, wo ni wo boo a chii tea bai chɛ n ma, nn na‑a wo kan miin na, nn ni Yataa bai sa wo tena tima min na, a basan chɛ n na, nn na‑a miin nyɛn gboo ɔ.

1 TIMOTI 1:10

A yɛ to, ɛ ko tɛ mɔɛ chɛ n fan ko a, mɔɛ miin mbe an bɔ mɔ kaima mun an 'na musu a. Mɔɛ chɛ n bɛɛ, miin mbe fania fɔ, ni miin mbe fania siiya chɛ. Mɔ ma tachɛ mɔɛ nu, ni miin mbe koe n ma, min kaen mu kan chɛndɛ chia ma.

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

1 TIMOTI 1:19

Danaya Chisɔsi Chasi ko a, a fea yiima a koenɛ a, a bia i boo fea a. Mɔɛ dɔ n mbe sɛmbɛ wan dan koe a Chasi a, koe min na mu, an mbe koe ma an yiima ma dɔn ni, min ma koe a.

1 TIMOTI 4:9

Tea bai an nɛ. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a.

1 TIMOTI 6:3

Ni mɔ ɔ mɔ 'a kanɛ ka‑a chia chɛ ma, a ma bea ni mmɔ 'a mansa Chisɔsi Chasi 'a kan chɛ fɛ, a basan kan chɛ a a si ma koe ma Yataa fɔɛ ɔ,

2 TIMOTI 1:13

Bea tea bai chɛ n fɛ, n‑na i kan miin na. An ni ma tɔmɔsi a i tena. Koe min na mu, mmɔ ma‑a mɔ dɔndɔɛ a Chisɔsi Chasi a, a sin i ma sɛmbɛ dan koe ma a a, a basan koadia a.

2 TIMOTI 2:2

N na‑a i kan fan koe n sɛsɛ ma, a sin, mɔ sɛsɛ ni wan nɔ siiya a. An kan chɛ a ben mɔ dɔ mende n tena, miin danayaen mu, an ni mɔ dɔ mende n bɛɛ kan.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

2 TIMOTI 3:14

Chɛɛ i tana, a a tun dan koe a tea chɛ n na, nn‑na i kan miin na, an bia i boo fea a. I‑a a ɔ sɔn fan mɔɛ miin nyɔn sima an na i kan.

2 TIMOTI 4:3

Koe min na mu, tima ɛ che tena wan, mɔɛ n mbe ee an too ma sɔ‑a kan chɛ buɛ chɛndɛ ma. Chɛɛ an mbe bea‑a an fandi faa ma koe an fɛ, mbɛ an‑na kan chɛ mɔ sɛsɛ a sɔn sɔn an 'na tindanɛ, an too faa ma koe ɔ yian koe an na.

TAITƆSI 1:11

An da a ni tɔn, koe min na mu, an mbe chenɛ n dɔ chɛ chɛ tena wan, an mbe an ka‑a tea chia ma, an 'na kan yama chɛ chɛ a. Chɛ gbɛɛ sin kaen mu mau bandaya kɔpɔ yan chɛ an ma.

TAITƆSI 2:1

Chɛɛ i tana, i wan Taitɔsi, e kanɛ min chɛ, a ni ma kan chɛndɛ an na.

CHUDA 1:3

N dia nyɔɛ nu, n toen ni kaka n ni gboo chɛ nyɛn a si bauncha ma, Chisɔsi‑a min be mmɔ ma. Chɛɛ n yiima dɔndɔɛ‑a a fɔ wan n ye, mbɛ n ni wo faa nande, wo ni butuinɛ chɛ, wo 'a danaya ko a Yataa a. Danaya chɛ sin, Yataa an‑na a ma, mmɔ‑a a ma sɔn, a sin mbe ee mun to.

KO Ɔ NUNDENƐ 2:25

Chɛɛ wo gboo ɔ ma fa dan koe a n na.

KO Ɔ NUNDENƐ 3:11

A ɔ ee yansan tena to, mbɛ n na‑a. Chɛ an‑na a fɔ, wo gboo ɔ ma fa dan koe a n na, min mbe a ma, wo ee na‑a fo‑a wo 'a boo ɔ gbasi woo a.

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.