TAITƆSI 1:8 - Yataa 'a Dɔbɛnɛ Nama

⁸ Chɛɛ mɔɛ min ya kɔɔɛ di sonda n tena, ko chɛndɛ ko a di min ye. Mɔɛ min mbe yiinatɛ bɔ a tachɛ buɛ a, a tanden mu, baa ɛ a boo ɔ Yataa ko a, a sin kosan a wandi bia‑a.

TAITƆSI 1:8 ပူးပေါင်းရင်းမြစ်များ

DUKU 2:25

A tima chɛ a, kamin dɔndɔ ni wan Chuusaɛn duu ɔ, min tɔ ni Simiyɔn. Kamin chɛ tanden fan ni Yataa tena. A yɛ to, a Yataa koen ni kaka. A ni gbɛ tima an ma kɔn tena, tima min na, Yataa ɛ di ka‑a Isɔɛɛ mɔɛ n ya a. Yataa Nyina ni wan a fɛ.

CHISƆSI 'A SƆ MƆƐ NU 24:25

Pɔɔ‑a koe n tɛnsɛ wan, a si koe n ma Yataa chen kɔɔ, tea ɛ koe miin dɔ. A yɛ to, ni mɔɛ e kun buɛ min dɔ, i ni tachɛ i wandi a chɛndɛ chɛ. A‑a koe n tɛnsɛ wan to, a si gbɛmbo tee ma, min mbe na tena. Kɔfana Fedisi chian‑da wan, mbɛ a ɔ, “E ka‑a gbɛ ta‑a. N mbe i chee‑a wan to, ni n‑na tima ma sɔn, tima min na.”

Gboo Saa Tɛsadonika Ko A 2:10

Wo wandi gbu an mu nn 'na sii n na, ni Yataa wɛɛ. Mbɛ tɔmbɛ kan kɔ kan nii nn ma. Nn tanden fan ni, a yɛ to, nn sɔnɛ a koe n ni wo gbɛɛ tena, wo wɛn kai faen mu Chasi a.

1 TIMOTI 3:2

A mɔɛ chɛ ɛ ma mɔ tandenɛ an na. Musu dɔndɔ gbe an mbe ma a boo ɔ, mɔɛ min kosan a wandi bia‑a, basɔmaya tɔɛ, sonda bia mɔɛ, a sin kosan mɔɛ n kan‑da.

1 TIMOTI 4:12

I ma a ma mɔ ɔ mɔ ni a yii dɛn i ta kun ma, i kamin tɔngbɔya koe a. Chɛɛ ma tɔmɔsi a an ko a chia sɛsɛ a, i da a bai basan i sɔnɛ ɔ, koadia ɔ, danaya ɔ Chisɔsi a, a sin ma bɔ ee i sɔnɛ ma.

1 TIMOTI 6:11

Chɛɛ min sien mu i ma, i wɛn‑na i wandi be Yataa ma, i ya ka chɛ gbɛɛ a. I tana, tan Yataa tena, ma Yataa fɔɛ ɔ, danaya ni ma i ɔ Chisɔsi ko a, a basan koadia a, faabia, ni machimaya.

2 TIMOTI 2:22

Chɛ an‑na a fɔ, i boo bɔ kamin tɔngbɔya fɔɛ ɔ, i ni ma mɔ tandenɛ a, danaya ni ma i ɔ Chisɔsi ko a, koadia wɛɛ ni ma i ɔ, a basan faachima a. Chɛ ma, wo bɛ mɔɛ chɛ n na, wo bɛ ɛ Chisɔsi chee, miin na faa ɔ gbɛenɛ ɔ.

2 TIMOTI 3:3

Mɔgbuya ee an dɔ, an faa a kɔɔen ba ɛ. An mbe koe ɔ fɔ kaka, an mbe ee an fandi boo ɔ, nimisa don mɔ wa nu, miin ma to ni fen chɛndɛ a.

TAITƆSI 2:7

A ɔ yian chia ɔ chia a, ko chɛndɛ ma ɔ, mbɛ mɔ chɛndɛ mu i a. A sin, ni i ma‑a kanɛ chɛ a, a yian mbɛ mɔ tandenɛ mu i a, basɔmaya ni ma i a kan chɛ ma.

1 CHƆN 3:14

Ni mmɔ to‑a mmɔ suun ma nyɔɛ n na, ɛ a ɔ yian fan, mbɛ mmɔ bɔ‑a saya 'a gbasaya kɔɔ, mmɔ‑a kuɔ fɔ fɔɛ ma sɔn. Chɛɛ mɔ ɔ mɔ min ma to ni a suun ma nyɔɛ a, a mɔɛ chɛ ɛ wɛ tun saya 'a gbasaya an kɔɔ.

1 CHƆN 5:1

Mɔ ɔ mɔ min mbe dan‑da a a, mbɛ Chisɔsi an mu Chasi a, kunka mansa, a mɔɛ chɛ mu Yataa 'a denɛ an na. A yɛ to, mɔ ɔ mɔ min toen mu Fa Yataa a, a ni to a 'a denɛ n bɛɛ a.