TAITƆSI 1:5 - Yataa 'a Dɔbɛnɛ Nama

⁵ Chɛ an‑na a ma, n‑na i to Keti yii tinɛ ɔ duu n dɔ, min mbe a ma, i ni koe n dɔ bɛn. A yɛ to, i ni chɔchi gbakoo n yian duu kan kɔ kan dɔ, yɔ n‑na a fɔ buɛ min dɔ i ye.

TAITƆSI 1:5 ပူးပေါင်းရင်းမြစ်များ

CHISƆSI 'A SƆ MƆƐ NU 11:30

An sin‑na an boo fenɛ n na sɔn sɔn fan, mbɛ an‑na an be Banabasi ma, an fea Sɔɔ a. An bɛɛ‑a boo fen chɛ n na ta wan, chɔchi gbakoo n tena Chuusaɛn duu ɔ.

CHISƆSI 'A SƆ MƆƐ NU 14:23

Mbɛ an‑na gbakoo n yian, an 'na chɔchi n gbɛɛ ɔ. Mbɛ an 'na sunɛ bia, an mbe ta‑a samunɛ chɛ‑a, mbɛ an‑na an konan Mansa Chisɔsi ma, an kai faen ni min na.

CHISƆSI 'A SƆ MƆƐ NU 2:11

Chu mɔɛ tiki tiki nu, ni chɛ nu miin dɔn‑da bea koe a, Chu n 'na Yataa fai chia fɛ. Mbɛ mmɔ dɔ n sin ka‑a Keti wan, ni Adebia chɛnyɛ n dɔ. Chɛɛ chɛ gbɛɛ ɔ, mmɔ ɛ a a min tena wan an mbe koɔ‑a mmɔ ta chɛnyɛ koɛ n dɔ, a si Yataa 'a wai wa n ma.”

CHISƆSI 'A SƆ MƆƐ NU 27:12

An ni kaina, a nii ma nyin ma koe a nɔ, chima tima a. Chɛ ko a, mɔɛ miin sɛsɛ ni dɛndɛ chɛ ɔ, an toen ni an ni an tundun yii ɔ, min mbe a ma, an ni che Finisi duu ɔ, ni an mbe kun fan. Finisi ni duu an na, Keti yii tinɛ ɔ. Yii Tɛnda Nyima wɛɛ ni an yii tinɛ dɔndɔ gbe chɛ an dɔ. Chɛɛ tɛnda ni wan nɔ Finisi, min ya a munden ni tee bea boo nyima ɔ, ni a man dɔɛ. An toen ni an ni ma nɔ wan, aan tima chɛ ni ban, tima min na fia wa dɛgbɛ chɛ ɛ bɔ sanɛ ma.

CHISƆSI 'A SƆ MƆƐ NU 27:13

Mbɛ a ɔ ma yansan ni, mbɛ fia‑a a kuu sɔ bɔ‑a tɛfɛɛ, tee bɔ boo nyima ɔ, mbɛ an‑na an yii na chii, mbɛ tee chɛndɛ an nii nɛ, an 'na tachɛ kuu sɔ koe a. Mbɛ an‑na yɔɔɛ chɛ fuin, min chiien ni dɛndɛ gbu ma, mbɛ an bun‑da ta‑a Keti yii tindi a sanɛ.

CHISƆSI 'A SƆ MƆƐ NU 27:21

Tee sɛsɛ ben‑da ka buɛ min dɔ, mɔɛ chɛ n nii ma daun fen daun ni, Pɔɔ bɔ‑a wan gbɛ, a sɔ‑a an tɛ, mbɛ a ɔ, “N bɔ nu, a ni nyan‑da wan, ni wo na‑a wo too ma sɔ n ma, a saa a. Mmɔ nii bɔ‑a Keti, mmɔ ni fo feanka bonda chɛ n gbɛɛ a, a yɛ to, mmɔ nii kasaa bonda chɛ ɔ yen‑da.

CHISƆSI 'A SƆ MƆƐ NU 27:7

Nn ni dɛndɛ min dɔ, a ni ta tena wan yɛdɛn yɛdɛn, tee sɛsɛ ko a. Nn ya kɔɔ tawa‑a wan, nn mbe e na to che‑a Nidɔsi duu ɔ. Fia nii ma tima be ni nn ma, min‑na a ma, nn‑na dɛndɛ mun Keti yii tinɛ kaka dɔndɔɛ ma, fia nii nn ya kɔɔ tawa kaina. Mbɛ nn ben‑da Samone chia a, min ni yii chɛ sunɛ a den.

GBOO SAA KƆYINDI KO A 11:34

Ni kɔnkɔɛ ma‑a mɔ ɔ mɔ a, a ni daunɛ chɛ pɛn a waa chenɛ a. Wo ni chɛ ma, min mbe a ma, ni wo bɛn‑da kaina dɔndɔɛ, wo ee na‑a koe ma‑a, Yataa ni kaa a tɛ wo wakoe ma. Min sien mu koe tɔɛ n ma, n mbe chia n yian‑da wan wo a, ni n na‑a tima min na.

GBOO SAA KƆYINDI KO A 14:40

Chɛɛ ko ɔ ko, min mbe chɛ‑a a ɔ, a ni ma chɛndɛ chɛ, a chia ma.

GBOO SAA KƆYINDI KO A 4:17

Chɛ gbu an fɛ mu, n mbe Timoti sɔ tena wo tena. Mɔɛ mu a a, mɔɛ ɛ che i yii sɔ‑a min ma gbau gbau, wai chɛ koe a Chisɔsi Chasi ko a. N 'na denɛ mu gbɛ a a, n toen mu min na kaka. Ɛ a ma‑a wan wo ee nyina‑a koe n ma, n mbe bea tena miin fɛ, n 'na fɔɛ ɔ, Chisɔsi 'a sɔmɔya ɔ. N ni mɔɛ n kan ko dɔndɔ gbe chɛ n fan na, chɔchi kan kɔ kan dɔ, n ni ta miin dɔ.

Gboo Kɔdɔsai Ko A 2:5

N mbe wɛɛ nɛ pɔɔ, chɛɛ n faa ɛ wo tena. N bu ɔ diama mu, koe min na mu, wo e chia chɛndɛ ma, wo ma ka ni ɛnden bɛɛ a wo gba ɔ, wo kai fa koe a Chasi a.

1 TIMOTI 1:3

N toen mu i ni ma Ɛfisɔsi duu ɔ wan. I ma ka nɔ, yɔ n na‑a a fɔ buɛ min dɔ i ye, tima min na ni n mbe ta‑a Masidonia chɛnyɛ ɔ. Mɔɛ chɛ nu Ɛfisɔsi, miin mbe ka fania kan chɛ a, a fɔ an ye an ni sɛmbɛ a a.

2 TIMOTI 2:2

N na‑a i kan fan koe n sɛsɛ ma, a sin, mɔ sɛsɛ ni wan nɔ siiya a. An kan chɛ a ben mɔ dɔ mende n tena, miin danayaen mu, an ni mɔ dɔ mende n bɛɛ kan.

TAITƆSI 1:12

An bɔɛ dɔndɔ gbu, an fandi gbu ta ko sɔn mɔɛ, a‑a a fɔ wan, mbɛ Keti mɔɛ n mu tima ɔ tima fania fɔ mɔ wa an fan na, an gboo ɔ faen mu, an sin bɛnchɛ. A yɛ to, koe a fasan mɔ wa mu an na, kan baiya tɔ wa nu.