TAITƆSI 1:16 - Yataa 'a Dɔbɛnɛ Nama

¹⁶ An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

TAITƆSI 1:16 ပူးပေါင်းရင်းမြစ်များ

GBOO DOMI KO A 1:28

An gbu sin nii ma to ni, tea yiinachii chɛ koe a, a si Yataa ma. Chɛ ko a, Yataa‑a an to wan nɔ, an ni ma an kun ye, an 'na yiinachii yama chɛ a. Chɛ ɛ a ma wan, an ni koe n ma, miin ma nyin an ma koe a.

Gboo Ɛfisɔsi Ko A 5:6

Koe chɛ nu, an fan mbe a ma, Yataa ɛ faatɛ a bɔ mɔɛ chɛ n ma, miin mbe ee a kuiɛ ma. Mɔ ɔ mɔ kan kɔ kan, a ma daɔdia bai gbama n fɔ wo ye, wo bun koe a.

1 TIMOTI 1:9

Mɔɛ miin mbe don sawa kɔɔ, a ee sa an fan ko a. Chɛɛ ɛ sa mɔ yama n fan ko a, miin mbe ee sawa ya, an mbe ee don a kɔɔ, Yataa sɔn bai nu, miin mbe a gbɛnɛ ma bon. Ɛ chɛ n fan ko a, miin mbe an fa n fa, an ni an de n fa, an bɛ mɔ fa mɔɛ n na.

1 TIMOTI 5:8

Ni mɔ ɔ mɔ ma a ya a mun ni a 'a mɔɛ n ma, a bɛbɛɛ a ta chenɛ a mɔɛ nu, a‑a a kan kɔ an sɔ ka a 'a danaya an na Chisɔsi a. A mɔɛ chɛ yau, a ni ben mɔɛ ma min ma a kai fa ni Chisɔsi a tee dɔndɔ wɛ.

2 TIMOTI 3:17

Chɛ ɛ a ma‑a wan, Yataa 'a mɔɛ ma bɛndenɛ ni ma chɛndɛ chɛ, a kandenɛ ɛ wai chɛndɛ kan kɔ kan chɛ koe a.

TAITƆSI 3:1

A fɔ to an ye an ni don mansa n kɔɔ, a basan ya ɔ sɔɛ n na, an ni kooya be an ma, an ni an ma bɛn ko chɛndɛ ma koe a chia ɔ chia a.

TAITƆSI 3:3

Mmɔ wandi wɛɛ, tima dɔ a mmɔ wooen ni, mmɔ nii kooya be, mɔɛ n na‑a mmɔ sɔ wan chia yama ma. Mmɔ ni yɔnɛ n fan na, mmɔ faa ma koe n dɔ, a basan dunya ma koe n na. Mmɔ na‑a tima gbɛɛ ya fɔɛ ɔ toomaya an dɔ, mɔɛ n tooenɛ ɛ mmɔ a, mmɔ wɛɛ tooenɛ ɛ mmɔ nyɔn na.

1 CHƆN 2:4

Mɔɛ min mbe a fɔ‑a, a ɔ, a‑a Yataa sɔn fan, chɛɛ a ee Yataa 'a sawa n na tachɛ‑a a gbee a, ɛ ma‑a ka fania an fɔ‑a, tea kan kɔ kan mbe ee a da ɔ.

CHUDA 1:4

Mɔɛ dɔ n yen ko, miin mbe ee Yataa kuiɛ ma, an mbe kan yama chɛ, an na‑a mmɔ tɛ ɔ yɛdɛn yɛdɛn. Mɔɛ chɛ n bakoe nyɛnden fan mu suun suun, mbɛ Yataa ɛ kaa a tɛ‑a wan an bakoe ma, a ni an tɔɔya. An ma Yataa sɔn, Yataa ɛ chinchin fan an ma. Chɛɛ an mbe an chinchincha chɛ an ya, mbɛ an ma‑a fɔɛ yama ɔ. An mbe yɛ wan to, mbɛ an ban‑da Chisɔsi Chasi ɔ, min mu mmɔ 'a mansa dɔndɔɛ a, mmɔ kun ti.

KO Ɔ NUNDENƐ 21:27

Chɛɛ ko yama kan kɔ kan mbe ee don‑da an duu chɛ ɔ, n mbe ee baa mɔɛ ma, min mbe mauma koe n ma, chɛ ma, fania fɔ mɔɛ nu. Chɛɛ mɔɛ miin mbe don‑da dechee, an nɛ yɔ mɔɛ chɛ nu, miin tɔɛ nyɛnden mu sa tɔngbɔɛ chɛ 'a gboo ɔ. Gboo chɛ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ka min dɔ.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”