TAITƆSI 1:1 - Yataa 'a Dɔbɛnɛ Nama

^1-4 N fan Pɔɔ, n fan mbe ka gboo chɛ nyɛn‑da i tena, i wan Taitɔsi. N 'na denɛ mu gbɛ i a, danaya dɔndɔɛ ɔ Chisɔsi ko a. Yataa 'a wai chɛ mɔɛ mu n na, ni Chisɔsi Chasi 'a sɔ mɔɛ to. A‑a n sɔ, min mbe a ma, Yataa‑a a boo sɔ ka mɔɛ miin ma dan koe a a a, n ni a ma, an ni a 'a tea sakana bai a min. Mbɛ n‑na an sɔ chia chɛndɛ ma, ma koe a Yataa fɔɛ ɔ. Mbɛ an yii na tɛenɛ ɛ ma‑a kuɔ fɔ fɔɛ ma, Yataa min mbe ee fania fɔ, a‑a tooɔdia chɛ min na, a e na to dunya a dan‑da. Mmɔ baun mɔɛ Yataa‑a sakana bai chɛ ɔ yian fan, tima chɛndɛ ma, mbɛ a‑a n sɔ a ɔ yian koe a mɔɛ n na. Mmɔ Fa Yataa, an fea Chisɔsi Chasi a, mmɔ baun mɔɛ, an ni i dua, an ni faachima be i ma.

TAITƆSI 1:1 ပူးပေါင်းရင်းမြစ်များ

DUKU 18:7

Ni ɛ chɛ ma wan, mbɛ Yataa ɛ tea be‑a wan a 'a mɔɛ n ma, miin mbe di chɛ‑a a tena su ɔ tee a. A ee wo sa‑a tima ma, tee ɔ tee a.

CHISƆSI 'A SƆ MƆƐ NU 13:48

A sin, mɔɛ chɛ nu, miin nii ma Chu mɔ a, an‑na bai chɛ a min kɛn, an bu ɔ dia‑a wan, an bun‑da Yataa tando‑a, a 'a bai ko a. Mɔ sɛsɛ sin, Yataa na‑a a boo sɔ miin ma, kuɔ fɔ fɔɛ ma sɔn koe a, an‑na an kai fa wan Chisɔsi a.

GBOO DOMI KO A 1:1

N fan Pɔɔ, Chisɔsi Chasi 'a wai chɛ mɔɛ, n fan mbe ka gboo chɛ nyɛn‑da. Yataa an‑na n chee ma koe a a 'a sɔ mɔɛ a, mbɛ a‑a a ma, n ma‑a tenchen mɔɛ a, min mbe a 'a sakana bai chɛndɛ chɛ ɔ yian mɔɛ n na.

GBOO FEAN BƆƐ KƆYINDI KO A 1:1

N fan Pɔɔ, n fan mbe gboo chɛ nyɛn tena, nn fea mmɔ suun ma nyɔɛ a Chasi ɔ, min mu Timoti a. Chisɔsi Chasi 'a sɔ mɔɛ mu n na. Yataa wandi an dɔn‑da, n ma koe a sɔ mɔɛ chɛ a. N mbe a nyɛn tena wo wan tena, wo wɛn mbe Yataa 'a chɔchi ɔ, Kɔyindi duu ɔ, wo bɛ Yataa 'a mɔɛ n gbɛɛ a, miin mbe nɔ Akaya chɛnyɛ tɔɛ gbɛɛ ɔ.

Gboo Ɛfisɔsi Ko A 2:8

Koe min na mu, koadia demanɛ ɔ mu, wo‑a bauncha ma sɔn. A sin ma‑a koe min na mu, wo‑a wo kai fa wan Chasi a. Chɛ sin, wo wan ma a ma ni. Chɛɛ Yataa wandi, an‑na a ma wo ko a, gbama gbama a.

Gboo Fiipai Ko A 1:1

N fan Pɔɔ, n fan mbe gboo chɛ nyɛn tena, nn fea Timoti a. Chisɔsi Chasi 'a wai chɛ mɔɛ mu nn na. Nn fan mbe ka gboo chɛ nyɛn tena wo tena, wo wɛn mu Yataa 'a mɔɛ n na, miin ma‑a mɔ dɔndɔɛ a Chisɔsi Chasi a, Fiipai duu ɔ. A yɛ to, ni chɔchi ya ɔ sɔɛ n tena, an bɛ mɔɛ chɛ n na, miin mbe deman chɔchi ma.

Gboo Kɔdɔsai Ko A 2:2

N‑na chɛ ma, min mbe a ma, wo wan, ni an fan, wo gbɛɛ ni wo faa gbɛa, mbɛ wo ko a dia‑a wo nyɔn ye, wo ni ma kuiɛ dɔndɔya ɔ. Chɛ ɛ a ma‑a wan, yiinatɛ chenama ni ma wo ɔ, koe ɔ gbɛ koe a chɛndɛ, ɛ na min na. An chia chɛ a mu, wo e Chasi wakoe ɔ gbɛ, min mu Yataa 'a koe ɔ nundenɛ a tee.

1 TIMOTI 2:4

A mu min na, a toen mu mɔ ɔ mɔ ni tea chia sɔn, mɔ ɔ mɔ ni bauncha ma sɔn.

1 TIMOTI 3:16

Mɔ ɔ mɔ ee che chɛ kɔɔsa bia‑a, mbɛ koe nu, Yataa‑a min dɔ yian mmɔ a, tea mu an na. A na‑a mɔgbuya an dɔ. Yataa Nyina‑a tea be a ma. Maeka n‑na a yen. A wakoe ɔ yian‑da wan dunya a. A sin dunya‑a a kai fa a a. Yataa‑a a ya a sɛ‑a manɛ ɔ.

1 TIMOTI 6:3

Ni mɔ ɔ mɔ 'a kanɛ ka‑a chia chɛ ma, a ma bea ni mmɔ 'a mansa Chisɔsi Chasi 'a kan chɛ fɛ, a basan kan chɛ a a si ma koe ma Yataa fɔɛ ɔ,

2 TIMOTI 2:10

Chɛ an‑na a ma, n mbe ko ɔ ko ɔ bia tena mɔɛ chɛ n ko a, Yataa‑a miin ya a ta mɔɛ n na. Yataa 'a bai, an bɛɛ ni ma mɔ dɔndɔɛ a, an bɛ Chisɔsi Chasi a, an ni bauncha ma sɔn. An mbe ma‑a wan, an bɛ Yataa a, kuɔ fɔ ko a.

2 TIMOTI 2:23

I ma i boo chɛ wooya kɔɔsa bia ɔ, yiimatɛ ee min dɔ. I‑a a ɔ sɔn fan, mbɛ chɛ ɛ na koɛ an na.

2 TIMOTI 2:25

A mu mɔɛ an na, min mbe tima ya, a chɛɛ ma nyɔɛ n gba yama yian koe a an na, a faa chimaenɛ ɔ. Koe min na mu, kɔkɔɛ Yataa ɛ a ma‑a wan, an ni an kan kɔ sɔ an 'na ko yama a, mbɛ an‑na an ya a mun tea ma.

CHIMISI 1:1

N fan Chimisi, n fan mbe gboo chɛ nyɛn tena. N mbe wai chɛ tena Yataa an ko a, an fea Mansa Chisɔsi Chasi a. N mbe a nyɛn tena wo wan tena, wo wan Yataa 'a mɔɛ nu, wo wɛn na fasandenɛ ɛ a ɔ gbɛɛ ben‑da dunya ɔ. N mbe wo gbɛɛ kɔndɔn tena kaka.

2 PITA 1:3

Chasi 'a gbasaya ɔ, fen kɔ fen been fan mu mmɔ ma, min mbe a ma, mmɔ ni ma mɔɛ n na, Yataa wakoe ɛ miin faa ɔ. Chɛ ɛ ma‑a koe min na, mmɔ ma‑a gbɛ Yataa sɔn mɔɛ n na. A wan Yataa an‑na mmɔ chee a tena. A‑a chɛ ma, min mbe a ma, mmɔ wɛɛ ni a 'a gbasaya ɔ daun. A yɛ to, a 'a ko chɛndɛ ma ni ma mmɔ 'a fɔɛ ɔ.

2 PITA 3:11

Fen kɔ fen sin gbu, ɛ na tena kasaa‑a ka buɛ min dɔ, a nyin wo ni a ɔ sɔn, ni wo e ma‑a mɔɛ miin nyɔn sima n na. Wo ma tenchen Yataa ko a, wo ni wo fɔɛ gbɛɛ be a ma.

1 CHƆN 2:23

Koe min na mu, ni mɔ ɔ mɔ ban‑da Yataa 'a denɛ ɔ, a mɔɛ chɛ ban‑da ka Fa Yataa wandi an dɔ. Ni mɔ ɔ mɔ‑a a boo si Yataa 'a denɛ kɔɔ, a‑a a boo si ka Fa Yataa wandi wɛɛ an kɔɔ.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.