KO Ɔ NUNDENƐ 9:20 - Yataa 'a Dɔbɛnɛ Nama

²⁰ Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.

KO Ɔ NUNDENƐ 9:20 ပူးပေါင်းရင်းမြစ်များ

MATIU 21:32

A mu min na, Chɔn na‑a wan, mbɛ a‑a a ɔ yian Chu mɔɛ n gbɛɛ a, Yataa toen mu a ni wo sɔ buɛ min dɔ chia ma dunya chɛ ɔ. Chɛɛ wo ma dan ni a a. Mɔɛ miin dan‑da a 'a sakana bai a, an fan nɛ pawa bia mɔɛ chɛ n na, an bɛ duu dia chɛ n na. Wo‑a chɛ ɔ yen bɛɛ, chɛ gbɛɛ ɔ, wo ma wo yiima mun ni, wo ni dan sakana bai chɛ a, a‑a min fɔ wo ye.”

CHISƆSI 'A SƆ MƆƐ NU 17:29

Mmɔ mu gbɛ buɛ min dɔ Yataa 'a denɛ n na, mmɔ ma mmɔ yii na chii a bɔ nyɔɛ dɔ mende wa koe a. Mbɛ a bɔen mu fenɛ an na, min nyanden mu sanu ɔ, chɛ ma, kain gbɛ ɔ, chɛ ma, senɛ ɔ. Mɔ gbu wandi 'a yiinachii, a‑a miin nyan.

CHISƆSI 'A SƆ MƆƐ NU 19:26

Sanche gbɛ, wo wandi, wo e a ɔ yen tena wan, koe min mbe chɛ tena a ɔ. A yɛ to, wo e a a min tena wan. Ɛfisɔsi dechee ma, chɛɛ a maen fan mu gbɛ yɔ Esia chɛnyɛ gbɛɛ ɔ, Pɔɔ chɛ ɛ mɔɛ n yiima mun tena buɛ min dɔ, a si mmɔ 'a wai ma. A ɛ a fɔ tena wan mɔɛ n ye, mbɛ mmɔ ɛ yataa miin nyan ka mmɔ boo a, yataa kan kɔ kan ma an na.

CHISƆSI 'A SƆ MƆƐ NU 7:41

A tima a ni gbɛ, mbɛ an‑na fenɛ nyan yɔ ninchi, a fai koe a, mbɛ an‑na yasi fenɛ bɔ a ma. Mbɛ an yɛ‑a, an‑na daun fen daun buɔdia bɔ, an fen chɛ ko a, an fandi‑a min nyan ka an boo a.

GBOO FEAN BƆƐ KƆYINDI KO A 12:21

N faa gbaaenɛ mu, mbɛ ni n yɛ‑a to nɔ wo tena, n 'na Yataa ɛ a ma‑a wan, a ni n ma yii, wo ya kɔɔ. A sin, n mbe na‑a di chɛ‑a wan, a si mɔɛ chɛ n sɛsɛ wakoe ma, miin na‑a ko yama ma, an sin ma an kan kɔ sɔ ni ko yama ma a. An 'na ko tɛ chɛ, min danka ee ka.

1 TIMOTI 4:1

Chɛɛ Yataa Nyina ɔ, tima ɛ che‑a wan mɔɛ n ni sɛmbɛ dan koe a Chisɔsi Chasi a, mbɛ an bea nyina yama da a kuiɛ fɛ, a basan fania kanɛ a.

KO Ɔ NUNDENƐ 15:1

Mbɛ n‑na kamaya koe dɔ mende ɔ yen to ma‑a banda bu ɔ. Koe chenama wa ni, min mbe mɔ da ɔ gbaa. Maeka wɔnfea, an ni wan nɔ, kasaa si tena wɔnfea ni miin boo ɔ. Chɛ n mu kasaa dankama n fan na, koe min na mu, Yataa 'a faatɛ ɛ danka‑a an fan ma.

KO Ɔ NUNDENƐ 16:8

Maeka naanin bɔɛ‑a a ta pani ɔ wuyan tee an kun na. A sin, gbasaya be‑a wan a ma, mɔɛ n minda koe a, a ta manɛ a.

KO Ɔ NUNDENƐ 9:19

Soo chɛ nu, an ni mɔɛ fa gbasaya min na, a nii an da dechee ɔ, a ni wan an fɛ wɛɛ ɔ. An fɛ da ni wan a sunɛ a, yɔ ka, an sin ni mɔɛ n nimisa an na.

KO Ɔ NUNDENƐ 9:21

Mɔɛ fa koe wɛɛ, an ni miin ma, an ma an kan kɔ sɔ ni a a. An ma an kan kɔ sɔ ni an 'na suaya wa a, a basan an 'na ko tɛ a, ni an 'na kanka chɛ. An ma an kan kɔ sɔ ni chɛ dɔndɔ wɛɛ a.