KO Ɔ NUNDENƐ 9:14 - Yataa 'a Dɔbɛnɛ Nama

¹⁴ Maeka wɔdɔn bɔɛ chɛ, buu chɛ ɛ ka min boo a, kuiɛ chɛ ɔ te a ma, a ɔ, “Maeka naanin chɛ nu, Yataa‑a a ma miin chiienɛ ɛ Yufatesi yii wa da a, yuu tɛ an ma.”

KO Ɔ NUNDENƐ 9:14 ပူးပေါင်းရင်းမြစ်များ

KO Ɔ NUNDENƐ 16:12

Maeka wɔdɔn bɔɛ‑a a ta pani ɔ wuyan yii chɛ an dɔ, an mbe min chee, an dɔ, Yufatesi. An yii chɛ gbaa‑a wan tado, chia be koe a mansa chɛ n ma, miin mbe ka tee bɔ.

KO Ɔ NUNDENƐ 7:1

Chɛ gbakɔ, n‑na min nɛnɛ ɔ yen gbɛ, n‑na maeka naaninɛ n yen fan, an mbe sɔ ɔ dunya tɔnkɔn naaninɛ ɔ. Mbɛ fia min ni bɔ tena dunya gbɛɛ ɔ, mbɛ maeka chɛ n‑na a a gban. An‑na chɛ ma, min mbe a ma, fia gbɛɛ duu gboo ma, a gbɛɛ kɔ yii a, ni kɔn kan kɔ kan dɔ, a ni sɛmbɛ bɔ koe a.

KO Ɔ NUNDENƐ 7:2

Mbɛ n‑na maeka dɔ gbɛɛ yen, ɛ ka‑a tee bɔ. Fenɛ ni wan a boo a, min mbe nyɛnɛ sa mɔɛ ma. Yataa, min mbe ee fa kuɔ fɔ ko a, an‑na fen chɛ be a ma. Mbɛ a‑a maeka naanin chɛ n chee gbankon, maeka chɛ nu, gbasaya beenɛ ɛ ka miin ma, ko yama ma koe a duu gboo ma, mbɛ an‑na a ma kɔ yii ɔ.

KO Ɔ NUNDENƐ 8:2

Mbɛ n‑na maeka wɔnfea n yen, miin mbe ma Yataa baima, wai chɛ koe a. An‑na buu wɔnfea an be wan an ma.

KO Ɔ NUNDENƐ 8:6

Mbɛ maeka wɔnfea chɛ nu, buu wɔnfea chɛ ɛ miin boo ɔ, an‑na an ma bɛn an fɛ koe a.

KO Ɔ NUNDENƐ 9:15

Maeka wɔdɔn bɔɛ chɛ‑a yuu tɛ wan maeka naanin chɛ n ma, miin ni bia a ɔ. An ni san chɛ an ma kɔn tena, kau chɛ ɔ, tee chɛ ma, ni tima chɛ kɔɔ, Yataa ni a boo ka an ma. Mɔɛ n gbɛɛ dunya ɔ, ni an du‑a si tena sawa a, maeka chɛ n ni si tena dɔndɔɛ chɛ n fa.