KO Ɔ NUNDENƐ 7:15 - Yataa 'a Dɔbɛnɛ Nama

¹⁵ Chɛ an fɛ mu, an mbe sɔ ɔ Yataa Mansa chen kɔɔ. Su ɔ tee a, an mbe a 'a chenɛ a, an mbe a fai‑a. A wɛn sin mbe si ɔ a 'a mansa sea, ɛ an konde gbain‑da wan nɔ.

KO Ɔ NUNDENƐ 7:15 ပူးပေါင်းရင်းမြစ်များ

CHƆN 1:14

An ni a wɛn chee, an dɔ, Bai, a na‑a ma wan mɔ gbu a, koadia chinchimaya faenɛ ɛ a faa a, a basan danaya a Yataa tena. A ni wan nn tɛ ɔ. Nn na‑a a ɔ yen fan, a kamayaen ni buɛ min dɔ, kamaya min ni a ɔ, a wan Fa Yataa 'a Den dɔndɔ gbe.

GBOO SAA KƆYINDI KO A 3:16

Wo gbu sin‑na a ɔ sɔn fan, mbɛ wo gbɛɛ mu Yataa 'a chenɛ an na. A sin, Yataa Nyina ɛ wan wo tɛ ɔ.

GBOO FEAN BƆƐ KƆYINDI KO A 6:16

Yataa 'a chenɛ nu, an bɛ fen chɛ n na, an‑na miin ya Yataa a, ko dɔndɔ ee che ma‑a an tɛ ɔ. Koe min na mu, mmɔ mu chenɛ an na, Yataa ko a, min mbe ma‑a kuɔ fɔ ko a. Yataa wandi gbu sin‑na a fɔ ka wan, a ɔ, “N mbe ma‑a wan an tɛ ɔ, n mbe ben ben an tɛ ɔ. N sin mbe ma‑a wan an 'na Yataa a, an bɛɛ, an mbe ma‑a wan n 'na mɔɛ n na.”

GBOO IBU MƆƐ N KO A 12:2

Mmɔ ni mmɔ yii sɔ Chisɔsi ma, tima ɔ tima ko a. A wan mbe a ma, mmɔ ɛ mmɔ kai fa Yataa a, a ka fɔɛ kuu sɔ tena ma, a ta a danka a. An‑na a gbangban tima min bɛɛ a kɔn gbengbandenɛ ma, a nii ma a boo bɔ ni mmɔ wakoe ɔ. Koe min na mu, a na‑a a ɔ sɔn fan, mbɛ chia dɔndɔɛ a, buɔdia wa an mbe a ya ɔ. A nii ma a ya ni mauma ko kan kɔ kan na, fa koe a kɔn gbengbandenɛ ma. A sin mbe sanche gbɛ si ɔ wan, basɔmaya ɔ Yataa 'a mansaya sea boo nyima ɔ.

GBOO IBU MƆƐ N KO A 8:1

Nn mbe bai min gbu fɔ tena, an nɛ. Tɛ mɔ wa min mbe mmɔ tɛ Yataa a, a koo sai ma. Ɛ wan si ɔ kaina ma bɛndenɛ, Mansa Yataa 'a mansaya sea boo nyima ɔ, pan banda bu ɔ.

KO Ɔ NUNDENƐ 11:19

Mbɛ Yataa 'a chenɛ, banda bu ɔ, a da a ka‑a. Mbɛ a 'a chen chɛ bu ɔ, mɔ ni kakaa yen fan nɔ. An kakaa chɛ, an ni a ɔ yian, mbɛ Yataa na‑a dɔbɛnɛ chɛ wan a 'a mɔɛ n na, Isɔɛɛ mɔɛ nu. Mbɛ banda manɛ mia mia bun‑da ben‑da, banda ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. Duu gboo samba‑a gbididi, sankɔɛ ɛ ta‑a bɔn‑da.

KO Ɔ NUNDENƐ 13:6

A bun‑da a da a ka‑a, ɛ Yataa main, ɛ a tɔɛ ɔ yɔn, ɛ a waa ma nyin, a basan mɔɛ chɛ n gbɛɛ a, miin mbe nɔ banda bu ɔ.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 21:22

A sin, n ma Yataa 'a chenɛ kan kɔ kan yen ni an duu wa chɛ ɔ, samun chɛ koe a. Koe min na mu, Yataa Mansa wandi, an fea sa tɔngbɔɛ a, an fan mu gbɛ an chen chɛ a, an duu chɛ ɔ.

KO Ɔ NUNDENƐ 22:3

Fen kɔ fen Yataa‑a min danka, a ee yen‑da an duu chɛ ɔ. Yataa an fea sa tɔngbɔɛ a, an mbe ma‑a wan nɔ si ɔ mansa sea a. A sin, Yataa 'a mɔɛ nu, an mbe a fai‑a wan.

KO Ɔ NUNDENƐ 22:5

A sin to, pimbi ee ma‑a nɔ kuɔ fɔ, dambo manɛ ma gbɔsɔ ee ma‑a an ma, chɛ ma, tee ma gbɔsɔɛ ni ma an ma. Koe min na mu, Yataa Mansa an mbe ma‑a an 'na manɛ a, an sin mbe ma‑a wan mansa n na, kuɔ fɔ ko a.

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.

KO Ɔ NUNDENƐ 4:8

Fɔɛ fen naanin chɛ n gbɛɛ, an kambanɛ ni wɔdɔ wɔdɔ. An sin, an ya ni wan bɔn dɔ an gboo gbɛɛ ma, a basan an kambanɛ n kɔɔ a. A sin to, su ɔ tee a, an mbe ee sɛmbɛ a fɔ koe a, an dɔ, “A kan nyɔ ee, a kan nyɔ ee, Yataa Mansa kan nyɔ ee. A 'a gbasaya danka ee. A ni wan nɔ suun, ɛ wan nɔ sanche, ɛ ma‑a wan nɔ kuɔ fɔ ko a.”

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.

KO Ɔ NUNDENƐ 7:9

Chɛ gbakɔ, mbɛ n‑na n ya a ta to, a yen ko, n‑na mɔ fanka wa yen, mɔ ee che an dan‑da. Mɔɛ chɛ n bɔ‑a wan chɛnyɛ kun kan kɔ kan dɔ, an bɔ‑a chɛnyɛ koɛ kan kɔ kan dɔ, ni dambi kan kɔ kan, a basan mɔ gbu kan kɔ kan na. An gbɛɛ ni wan sɔ ɔ, an ya a mundenɛ ɛ mansa sea chɛ ma, an ya a mundenɛ ɛ sa tɔngbɔɛ chɛ ma. An gbɛɛ ni koa gbɛ an dɔ, gbɛ nyanda bianɛ ɛ an boo a, buɔdia bɔɛ a.