KO Ɔ NUNDENƐ 6:12 - Yataa 'a Dɔbɛnɛ Nama

¹² Sa tɔngbɔɛ chɛ‑a yuu wɔdɔn bɔɛ tɛ kɛn, n‑na n ya a ta, mbɛ a yen ko, duu gboo samba‑a. A sin to, tee wɛɛ fin‑da wan yɔ chɛmbu, mbɛ kau yawa‑a yɔ wii.

KO Ɔ NUNDENƐ 6:12 ပူးပေါင်းရင်းမြစ်များ

MATIU 11:21

“Wo wan, wo wɛn mbe ka Koyasin duu ɔ, ni wo wɛn mbe Besaida, koe miin mbe wo tan‑da, an mbe yaua‑a gba wo ko a. N‑na kamaya koe sɛsɛ n ma wan wo 'a duu n dɔ. Mɔɛ miin mbe ka Taya duu ɔ, a basan Sidon duu ɔ a, ni an na‑a ko bonda chɛ n dɔ yen fan, an nii ma‑a ka yɔ wo wan. An na‑a an kan kɔ sɔ an 'na ko yama n na suun gbɔɔ. An ni ma‑a gbɛ di chɛ an na an 'na ko yama n ko a.

MATIU 24:29

“Ko yawaen tee chɛ n mbe ben‑da dechee, mbɛ tee ee na‑a man‑da, mbɛ kau wɛɛ ɛ pimbi‑a wan. Tɔmbuaka n mbe bea‑a wan a ka banda a. Fen kɔ fen min mbe banda a, Yataa ɛ a ɔ samba‑a wan a ka a gba ɔ.

MATIU 24:7

A yɛ to, chɛnyɛ n mbe butuinɛ chɛ‑a wan an nyɔn na, mbɛ chɛnyɛ mɔɛ dɔndɔɛ n‑na chɛɛ chɛ an bɛ chɛnyɛ mɔ dɔ mende n na. Kɔnkɔ ma chianden ba ɛ ma‑a wan chɛnyɛ sɛsɛ ɔ, a sin to, duu gboo wɛɛ ɛ samba‑a wan chɛnyɛ sɛsɛ ɔ, dɔndɔ dɔndɔɛ a.

MATIU 27:45

Chɛ gbakɔ, tee che‑a kɛn kun tɛ, pimbi bun‑da wan chɛnyɛ gbɛɛ ɔ, aan awa sawa ko a.

MATIU 27:54

Domi soya gbakoo chɛ, min ni Chisɔsi a tɛ tena, a‑a a ɔ yen min ma‑a. A 'a soya n bɛɛ, an‑na a ɔ yen fan. An‑na a ɔ yen kɛn duu gboo samba‑a, a basan koe chɛ n gbɛɛ a miin ma‑a, chiandia‑a an gboo fa wan. Mbɛ an dɔ, “Kamin chɛ ni Yataa 'a denɛ chɛndɛ chɛndɛ gbu an na.”

MATIU 28:2

A yen ko gbɛ, an tɛnɛ‑a a a, mbɛ duu gboo bun‑da samba‑a, mbɛ Mansa Yataa 'a maeka dɔndɔ wɛɛ yii‑a. Maeka chɛ‑a faa gban chɛ ka wan kamba chɛ da a, mbɛ a si‑a a kun ma.

MAKI 15:33

Tee che‑a kɛn kun tɛ, an tee chɛ ma, pimbi bun‑da wan chɛnyɛ gbɛɛ ɔ, aan awa sawa ko a.

KO Ɔ NUNDENƐ 11:13

A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.

KO Ɔ NUNDENƐ 16:18

Mbɛ banda manɛ mia mia ben ben‑da, banda ɛ tu‑a diki diki, ɛ ta‑a koɔ‑a gbau gbau, mbɛ duu gboo wɛɛ samba‑a a ma chianden ba a. A ka mɔ gbu bɔ tima ma dunya chɛ ɔ, duu gboo ma samba nin bɛ, min yau kaka a ni che chɛ ɔ.

KO Ɔ NUNDENƐ 16:8

Maeka naanin bɔɛ‑a a ta pani ɔ wuyan tee an kun na. A sin, gbasaya be‑a wan a ma, mɔɛ n minda koe a, a ta manɛ a.

KO Ɔ NUNDENƐ 8:12

Mbɛ maeka naanin bɔɛ‑a a ta buu fɛ. Tee ni ma, kau, a basan tɔmbuaka n na, an gbɛɛ ma‑a dama. Chɛ‑a a ma wan, an ma manɛ be ni tima ɛnden ko a. Ni tee du‑a si tena sawa a, tee nii ma bɔ ni si tena dɔndɔ ko a. Ni pimbi wɛɛ du‑a si tena sawa a, kau basan tɔmbuaka n na, an ma manɛ be ni si tena dɔndɔ ko a.

KO Ɔ NUNDENƐ 8:5

Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.