KO Ɔ NUNDENƐ 6:11 - Yataa 'a Dɔbɛnɛ Nama

¹¹ Mbɛ mɔɛ chɛ nu, an‑na miin fa ka, doma wa dɔndɔ dɔndɔ be‑a an ma, doma gbɛ fo. Mbɛ a fɔ‑a an ye, mbɛ an ni a ma kɔn, aan an bɔɛ wai chɛ mɔɛ n da ni fa, an suun ma nyɔɛ nu Chasi ɔ, miin mbe fa‑a yɔ an fan.

KO Ɔ NUNDENƐ 6:11 ပူးပေါင်းရင်းမြစ်များ

MATIU 10:21

“Mɔɛ n mbe an suun ma nyɔɛ n be‑a wan, an fa koe a. Fa n mbe an 'na denɛ n be‑a wan, denɛ n bɛɛ ni yɛ, an ni an woo mɔɛ n be.

DUKU 15:22

Chɛɛ a fa‑a a fɔ wan a 'a wai chɛ mɔɛ n ye, a ɔ, ‘Wo a a gbandia. Wo ta na doma kai nyima nyima a, wo ni a don a ma. Wo chia don a boo ma, mbɛ wo‑a kɔɔwa don a chen na.

CHƆN 16:2

An mbe wo gbain‑da wan fɛsɛ fɛsɛ, a bɔ an 'na samun chɛ chenɛ a. A sin gbu, tima ɛ che‑a wan, mɔ ɔ mɔ min mbe wo dɔndɔ wɛɛ fa‑a, ɛ ma‑a wan a yii ma, mbɛ a‑a Yataa faa ma koe an ma ka.

CHISƆSI 'A SƆ MƆƐ NU 20:24

Chɛɛ ni n 'na wai chɛ koe mu, n ma n ta fɔɛ chɛ ya ni fen kɔ fen na. Wai chɛ, Mansa Chisɔsi‑a min be n ma, n ni a a ban koe mu. N ni sakana bai chɛndɛ chɛ ɔ yian mɔɛ n na, a si Yataa 'a koadia demanɛ ma.

GBOO FEAN BƆƐ TƐSADONIKA KO A 1:7

Mbɛ wo wɛn sin na‑a an ko yawaen chɛ ɔ bia, Yataa ɛ bauncha be‑a wan wo ma. Ɛ a be‑a wan n bɛɛ ma, a basan nn bɔɛ n bɛɛ a. Ɛ chɛ ma‑a wan, tima min na Yataa ɛ Mansa Chisɔsi yian‑da, a ka banda bu ɔ, an bɛ a 'a maeka wa n na.

2 TIMOTI 4:7

N‑na butuin chɛndɛ chɛ chɛ, n che‑a a danka a. N sin ma ka ni n 'na danaya gbee a.

GBOO IBU MƆƐ N KO A 11:40

Yataa na‑a chɛ ma, koe min na mu, ko dɔ mende an ni a yii ma mmɔ gbɛɛ ko a, min benden mu an too ɔ dia chɛ ma. Yataa 'a yiima ni min na, an ni chɛ an na. Mbɛ an mbe ee che ma‑a, yɔ Yataa toen mu an ni ma buɛ min dɔ, mɔɔ ni mmɔ bɛ ma‑a an na.

GBOO IBU MƆƐ N KO A 12:23

Wo na‑a gbɛ Yataa 'a mɔɛ n 'na chɔchi ɔ, a 'a denɛ saa nu. A sin, an tɔɛ nyɛndenɛ mu banda bu ɔ gboo ɔ. Wo na‑a gbɛ Yataa tena, min mbe mɔ gbu gbɛɛ gbɛmbo‑a. Wo na‑a gbɛ fuɛ n tena, mɔɛ chɛ nu, Yataa na‑a miin ya mɔ tandenɛ n na, a chen kɔɔ, an fuɛ nu. A yɛ to, a‑a an ma yɔ a toen mu an ni ma buɛ min dɔ, banda bu ɔ.

GBOO IBU MƆƐ N KO A 4:10

Koe min na mu, mɔ ɔ mɔ, min mbe don‑da Yataa tena, a suin koe a, a mɔɛ chɛ ɛ a suin‑da wan, wai chɛ koe a. Ɛ ma‑a ka wan dechee, yɔ Yataa wɛɛ na‑a a suin buɛ min dɔ.

KO Ɔ NUNDENƐ 10:6

Mbɛ a‑a a fɔ, a ɔ, “Tima ban‑da, makɔn chɛ tima Yataa boo ɔ.” A ɔ, a ɛ ka tea an fɔ tena, a ɔ, Yataa tɔɛ ɔ. Yataa min mu, a ee fa kuɔ fɔ ko a, min‑na banda bu ɔ a dan, a basan fen fen na, miin mbe nɔ. A yɛ to, a‑a dunya a dan, a basan fen fen na dunya ɔ, a‑a kɔ yii wɛɛ a dan, ni fenɛ miin gbɛɛ ɛ a ɔ.

KO Ɔ NUNDENƐ 13:15

Soe yama fean bɔɛ chɛ, gbasaya be‑a wan a ma, a ni fɔɛ be fen chɛ ma, soe yama saa chɛ, a bɔ nyɔɛ chɛ, mɔɛ chɛ n‑na min nyan ka. Chɛ‑a a ma wan, a ni koɛ chɛ, ɛ a ma wan, mɔ ɔ mɔ min nii soe yama chɛ fai, an ni a fa.

KO Ɔ NUNDENƐ 14:13

Mbɛ n‑na mɔɛ kuiɛ a min to, a ka banda bu ɔ, a ɔ, “Bai chɛ nyɛn bɛ. I ɔ, a ka sanche ma, mɔɛ miin mbe an kai fa‑a Mansa Chisɔsi a, aan an ni fa, an duaen mu.” Mbɛ Yataa Nyina ɔ, “Tea ko a, an duaen mu. An mbe ee yakɔɔtawa kan kɔ kan dɔ yen‑da to, koe min na mu, an chɛ chɛ wai an mbe an ma konan‑da Yataa tena.”

KO Ɔ NUNDENƐ 17:6

Mbɛ n‑na a ɔ yen, mbɛ musu chɛ gbɛ tɔɛ ni, mɔɛ chɛ n wii a, Yataa 'a mɔɛ chɛ nu, an na‑a miin fa, bea koe a Chisɔsi fɛ. N‑na a yen kɛn, n da ɔ gbaa‑a wan.

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.

KO Ɔ NUNDENƐ 7:9

Chɛ gbakɔ, mbɛ n‑na n ya a ta to, a yen ko, n‑na mɔ fanka wa yen, mɔ ee che an dan‑da. Mɔɛ chɛ n bɔ‑a wan chɛnyɛ kun kan kɔ kan dɔ, an bɔ‑a chɛnyɛ koɛ kan kɔ kan dɔ, ni dambi kan kɔ kan, a basan mɔ gbu kan kɔ kan na. An gbɛɛ ni wan sɔ ɔ, an ya a mundenɛ ɛ mansa sea chɛ ma, an ya a mundenɛ ɛ sa tɔngbɔɛ chɛ ma. An gbɛɛ ni koa gbɛ an dɔ, gbɛ nyanda bianɛ ɛ an boo a, buɔdia bɔɛ a.