KO Ɔ NUNDENƐ 5:13 - Yataa 'a Dɔbɛnɛ Nama

¹³ Mbɛ n‑na fɔɛ fen kan kɔ kan kuiɛ a min. Fɔɛ fenɛ miin ni banda bu ɔ, chɛ nu dunya ma, faa nɛnɛ n bɛɛ, ni fɔɛ fen chɛ n gbɛɛ yii ɔ. An mbe a fɔ‑a, an dɔ, “Mɔɛ chɛ min mbe si ɔ mansa sea a, an fea sa tɔngbɔɛ chɛ a, an fan ta mu tando a, a basan basɔmaya a, dɔgbɛaya, a basan manɛ a, kuɔ fɔ ni kuɔ fɔ ko a.”

KO Ɔ NUNDENƐ 5:13 ပူးပေါင်းရင်းမြစ်များ

MATIU 6:13

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”

DUKU 2:14

“Tando ni be Yataa ma, min mbe banda bu ɔ pɔɔ, a sin, faachima ni ma mɔ gbu n ma dunya ɔ, Yataa ɛ ko chɛndɛ ma‑a miin na.”

CHƆN 1:29

Mbɛ banda ɔ ka‑a kɛn, tee dɔndɔɛ ma, Chɔn‑na Chisɔsi yen na‑a a tena. Mbɛ a wan Chɔn dɔ, “Yataa 'a sa tɔngbɔɛ yen ko a na‑a, mɔɛ n 'na ko yama n gbɛɛ dunya ma, an mbe si ɔ min kun ma.

GBOO DOMI KO A 11:36

A yen ko o, Yataa an‑na fen kɔ fen na dan. Fen kɔ fen, min mbe dunya chɛ ɔ, Yataa an mbe a ma an mbe nɔ. Fen kɔ fen dunya chɛ ɔ, an mbe nɔ, Yataa tando koe an na. Dua ni ma a tɔɛ ma, kuɔ fɔ ko a. A ni ma ka.

GBOO DOMI KO A 16:27

Mmɔ Yataa tando kuɔ fɔ ko a. An mu dechee yiimatɛ koaenɛ dɛgbɛ ɛ min dɔ, a ni ben fen kɔ fen ma. Dua ni ma a tɔɛ ma, kuɔ fɔ ko a, Chisɔsi Chasi 'a gbasaya ɔ. A ni ma ka.

GBOO DOMI KO A 9:5

An bɔ kɔnkɔɛ nu, baa ni wan an ma kaka Yataa tena. A sin, Chasi 'a mɔgbuya ta fɛ chia a, a wɛɛ danka‑a bɔ‑a an 'na dambi dɔndɔ gbe chɛ an dɔ. Mɔɛ n gbɛɛ ni tando be a ma kuɔ fɔ ko a. An mu Yataa a fen kɔ fen ko a dunya chɛ ɔ. A ni ma ka.

Gboo Ɛfisɔsi Ko A 3:21

Mmɔ wɛn mbe chɔchi ɔ, miin mu mɔ dɔndɔɛ a, mmɔ bɛ Chisɔsi Chasi a, mmɔ Yataa tando tima ɔ tima ko a, kuɔ fɔ ni kuɔ fɔ ko a. A ni ma ka.

Gboo Fiipai Ko A 2:10

A sin, chɛ an mbe ma‑a, basɔmaya be koe a Chisɔsi tɔɛ chɛ ma. Fɔɛ fenɛ gbɛɛ, banda bu ɔ, ni duu gboo ma, dunya gbɛɛ ɔ, an mbe an kumbai gbangban‑da wan.

Gboo Kɔdɔsai Ko A 1:23

Chɛɛ, chɛ ɛ ma dechee, ni wo ma sɛmbɛ ni wo kai fa koe a Chasi a. Wo ma yɛ kuu kɔ, wo sin ni sɔ gban. Wo‑a sakana bai chɛndɛ chɛ a min tima min na, wo‑a yiinatɛ min ma sɔn, wo ma dɔn mɔ dɔ gbɛɛ ni wo ka an chia chɛ ma. Yataa‑a n ma a 'a wai chɛ mɔɛ a, an sakana bai chɛ an ko a. Sakana bai chɛ, a ɔ yianden fan mu gbɛ dunya gbɛɛ ɔ.

1 TIMOTI 4:16

Tima ya i ben buɛ a fɔɛ ɔ, a basan i‑a kan chɛ buɛ a. A ma yɔ n‑na a fɔ buɛ min dɔ i ye, min mbe a ma, i ni bauncha ma sɔn, wo bɛ i kuiɛ a min mɔɛ n na.

1 PITA 4:11

Yataa 'a bai sa wai nyima, an chɛen mu wo dɔ n na. Chɛ ko a, wo Yataa 'a sakana bai ɔ yian mɔɛ n na, yɔ Yataa wandi an mbe ka koɔ‑a wo ɔ. Mɔ deman wai nyima an been mu wo dɔ n ma. Chɛ ko a, wo deman chɛ chɛ wo sɔɛ gbɛɛ a, Yataa‑a min be wo ma. Chɛ ɛ a ma‑a wan tando ni be Yataa ma, ko ɔ ko kan kɔ kan ko a, Chisɔsi Chasi 'a gbasaya ɔ. Basɔmaya ɛ be an ma, a sin fan ta mu to gbasaya a, kuɔ fɔ ni kuɔ fɔ ko a. A ni ma ka.

1 PITA 5:11

Yataa gbasayaen mu kuɔ fɔ ni kuɔ fɔ ko a. A ni ma ka.

KO Ɔ NUNDENƐ 1:6

A‑a mmɔ ma mɔɛ n na, miin mbe a 'a mansaya kɔɔ, tɛ mɔɛ n mu miin na Yataa ko a. A wan mu Chisɔsi fa a, ni a 'a Yataa. Basɔmaya ni ma Chisɔsi Chasi ma, gbasaya ni ma a boo ɔ, kuɔ fɔ ni kuɔ fɔ. A ni ma ka.

KO Ɔ NUNDENƐ 13:8

A sin, mɔɛ gbɛɛ dunya ma, an mbe a fai wan. Mɔɛ chɛ n gbɛɛ, miin mbe ee a fai‑a, an fan nɛ dechee mɔɛ chɛ n na, miin tɔɛ nyɛndenɛ ɛ gboo chɛ ɔ, a ka dunya a dan tima ma. Gboo chɛ, mɔɛ miin mbe kuɔ fɔ fɔɛ ma sɔn‑da, an mbe min dɔ. An gboo chɛ, ɛ sa tɔngbɔɛ an boo ɔ, an‑na min fa.

KO Ɔ NUNDENƐ 5:1

Min ma‑a gbɛ, mbɛ a wɛn mbe ka si ɔ mansa sea chɛ a, n‑na fenɛ yen a boo nyima a. An fen chɛ ni gboo yamba an na, fenɛ nyɛndenɛ ɛ a ya fea gbɛɛ ma. A a mendemende n fan ni, a a chiienɛ ɛ gba wɔnfea.

KO Ɔ NUNDENƐ 5:12

An mbe dau‑a si a, an dɔ, “Basɔmaya bɛnden mu i wan ma, sa tɔngbɔɛ chɛ, an‑na min fa. Tando bɛnden mu i ma, gbasaya bɛnden mu i ma, a basan nyanɛ a, yiimatɛ wɛɛ to, a basan dɔgbɛaya a. Chɛ bɛnden mu dechee i wan ma.”

KO Ɔ NUNDENƐ 5:3

Chɛɛ mɔ ɔ mɔ nii ma bɔ ni banda bu ɔ, min ni yuu chɛ tɛ gboo chɛ ma, a ni a ɔ fɛn. Mɔ ɔ mɔ nii ma bɔ ni dunya wɛɛ ma, a basan faa a, min ni chɛ ma.

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.

KO Ɔ NUNDENƐ 5:9

Mbɛ an‑na si nama a bɔ, an dɔ, “Gbasaya bɛnden mu i wan ma, gboo chɛ bia koe a, yuu tɛ koe a a ma. An‑na i wan fa, i 'a saya chɛ sin‑na a ma, i‑a mɔ gbu gbɛɛ kun ka Yataa ko a. Chɛ nu chɛnyɛ kunɛ n dɔ, chɛnyɛ koɛ n dɔ, ni dambi nu, an bɛ mɔ gbu kan kɔ kan na.

KO Ɔ NUNDENƐ 6:16

An mbe ta‑a kɔnkɔɛ n chee‑a, a basan sen gbu wa an na, an dɔ, “Wo na, wo ni bun nn kun ma, wo ni nn nun. Wo nn nun mɔɛ chɛ ma, min mbe si ɔ mansa sea, a ma na nn yen. Wo nn nun, sa tɔngbɔɛ ma na faa tɛ‑a bɔ nn ma.