KO Ɔ NUNDENƐ 3:18 - Yataa 'a Dɔbɛnɛ Nama

¹⁸ Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.

KO Ɔ NUNDENƐ 3:18 ပူးပေါင်းရင်းမြစ်များ

MATIU 13:44

Chisɔsi ɔ, “Yataa 'a mansaya maen fan mu yɔ min ma‑a tai chɛ ɔ. Mɔ dɔndɔ‑a a kɔnkɔn fan nyanɛ a fii ɔ. Chɛɛ a ma a ya ni, a‑a a kun ma bun fan to chɛndɛ chɛ. Mbɛ a ta‑a, buɔdia wandi a, mbɛ a‑a a boo fenɛ gbɛɛ ma tachɛ kaina chɛ gbu san koe a, nyan chɛ ɛ ka nun dɔ min dɔ.

MATIU 25:9

Chɛɛ an bɔɛ chɛ n dɔ, ‘Ni nn‑na chɛ ma, tu min mbe nn boo ɔ, a ee na‑a kun‑da mmɔ gbɛɛ ko a. Chɛ an‑na a fɔ, wo ta tu ma tachɛ mɔɛ n tena, wo ni wo ta san.’

DUKU 12:21

Mbɛ Chisɔsi ɔ te gbɛ, “Chɛ n bɛɛ mbe ka wan, miin mbe nyanɛ a sɔn an fandi ko a, chɛɛ an ma nyan ni Yataa ta chia a.”

GBOO FEAN BƆƐ KƆYINDI KO A 5:3

Gboo nama chɛ sɛenɛ ɛ ma‑a mmɔ ma, mmɔ ma senɛ ee ma‑a to.

GBOO FEAN BƆƐ KƆYINDI KO A 8:9

Koe min na mu, wo‑a koadia deman chɛ ɔ sɔn fan, mmɔ 'a mansa Chisɔsi Chasi‑a min chɛ. Mbɛ a nyanden ni wɛɛ, chɛɛ chɛ gbɛɛ ɔ, wo ko a, a‑a a wandi ma yɔn tɔɛ a. A‑a chɛ ma, min mbe a ma, a 'a yɔncha chɛ ɔ, wo wɛɛ ni ma nyan tɔɛ n na.

1 TIMOTI 6:18

N toen mu i ni a fɔ an ye, an ni ko chɛndɛ ma, an ni nyan wai chɛndɛ ɔ, an ni ma boo ka tɔ wa a, an ma bɛndenɛ ni ma tima ɔ tima chɛ a.

CHIMISI 2:5

N suun ma nyɔɛ nu Chasi ɔ, wo ko a di n ye. Ka n mbe chɛ fɔ wo ye. Dunya chɛ na‑a miin ya yɔn tɔɛ n na, Yataa‑a a boo sɔ an mɔɛ chɛ n fan ma, an nyan‑da a ta chia a. An‑na an kai fa mmɔ 'a mansa Chisɔsi a. A sin, an mbe ma‑a wan a 'a mansaya kɔɔ banda bu ɔ. Mansaya chɛ, a na‑a mɔɛ chɛ n too ɔ dia min na, mɔɛ miin toen mu a a.

1 PITA 1:7

Wo e chɛ n dɔ bia koe min na, a ɔ yian koe mu, mbɛ wo kai faen fan mu Chisɔsi Chasi a chɛndɛ chɛ. Ta an mbe a ma, mɔ ni sanu ma kawa koe ɔ sɔn. Sanu min ka, mɔɛ ɛ kun, a ni a yɔn. Kaifa nan gbu sin, wo‑a min chɛ, a sɔnkɔ ee, a benden mu sanu ma. Ko yawaenɛ chɛ nu, an fan mbe a ma, wo ee mun‑da, wo e sɔ‑a wan gban. Wo sin mbe na‑a boo ɔ gbasi ma sɔn‑da wan, wo ni tando ma sɔn, a basan dua a. Chɛ ɛ ma‑a wan an tee chɛ ma, Yataa ɛ Chisɔsi Chasi yian‑da tee min ma.

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 19:8

Sɛnama koa min be‑a a ma, a ni nyin, ɛ man‑da.” Koe min na mu, koa gbɛ chɛ‑a a ɔ yian fan, mbɛ Yataa 'a mɔɛ n chɛ chɛ wai an fan nɛ.

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.

KO Ɔ NUNDENƐ 3:17

Koe min na mu, wo e a fɔ wan, wo ɔ, wo nyanden mu, wo ɔ, fen fen mbe wan wo boo ɔ, wo ɔ, fen fen ma gbɔsɔɛ ee wo ma. Chɛɛ wo ma a ɔ sɔn, mbɛ wo ma chinchinden mu, wo yɔnden mu, a ma boo kan kɔ kan mbe ee wo ye, wo fiondenɛ mu, wo ma senɛ ɛ.

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.

KO Ɔ NUNDENƐ 7:13

Mbɛ gbakoo chɛ n dɔndɔ, a‑a n dɔ tisa, a ɔ, “Mɔɛ chɛ nu koa gbɛ ɔ, nyɔn n mbe ee nɛ, an sin ka‑a gbɛ mende?”