KO Ɔ NUNDENƐ 3:17 - Yataa 'a Dɔbɛnɛ Nama

¹⁷ Koe min na mu, wo e a fɔ wan, wo ɔ, wo nyanden mu, wo ɔ, fen fen mbe wan wo boo ɔ, wo ɔ, fen fen ma gbɔsɔɛ ee wo ma. Chɛɛ wo ma a ɔ sɔn, mbɛ wo ma chinchinden mu, wo yɔnden mu, a ma boo kan kɔ kan mbe ee wo ye, wo fiondenɛ mu, wo ma senɛ ɛ.

KO Ɔ NUNDENƐ 3:17 ပူးပေါင်းရင်းမြစ်များ

MATIU 5:3

“Mɔɛ miin‑na a ɔ sɔn chia ee nɔ, mɔɔ ni Yataa basan‑da an ma, an duaen mu. Yataa an mbe ma‑a an 'na mansa a.

MATIU 9:12

Chɛɛ Chisɔsi‑a chɛ a min kɛn, mbɛ a ɔ, “Danda chɛ mɔ ma gbɔsɔ ee gboo ɔ bɔ tɔ ma, mɔɔ dechee chɛ nu, miin gbandien mu.

DUKU 1:53

A‑a kɔnkɔ tɔɛ n bu fa gban, chɛɛ a‑a nyan tɔɛ n na yɛ an boo a senɛ a.

DUKU 6:24

“Chɛɛ koe chɛ n mbe yaua‑a gba, miin mbe wo tan‑da, wo wɛn nyanden mu sanche. A mu min na, wo ban‑da wo ta buɔdia bɔ‑a dunya chɛ ɔ.

GBOO DOMI KO A 11:20

Tea gbu mu chɛ a. Chɛɛ an ma danɛ min chɛ ni Yataa a, an‑na a ma, an wagban‑da a ma. Wo tana sin, wo chii‑a gban a ma, koe min na mu, wo danda a a. Chɛɛ wo ma dɔpandaya bɔ, a si chɛ ma. Wo e min ma, chianɛ ni ma wo ɔ Yataa ko a.

GBOO DOMI KO A 11:25

N suun ma nyɔɛ nu Chasi ɔ, tea ɛ wan nɔ, min dɔ nunden mu wo ma tee. N toen mu, n ni an tea chɛ an dɔ yian wo a. Ni wo sin‑na a ɔ gbɛ, wo ee a a tun‑da dɔpanda bɔ koe a. An tea gbu yen ko gbɛ. Chu mɔɛ n sɛsɛ na‑a tooɔgbɛa bɔ wan, dan koe a Yataa a. An sin mbe to‑a an tooɔgbɛa chɛ an dɔ aan, mbɛ wo wɛn ma Chu mɔ a, wo‑a wo kai fa Yataa a. Wo gbɛɛ, Yataa na‑a a boo sɔ ka wo ma, ma koe a a ta mɔɛ n na.

GBOO DOMI KO A 12:3

N‑na a ɔ sɔn fan, Yataa‑a min chɛ n ye, koe min na mu a chinchin‑da wan n ma. Chɛ an fɛ mu, n mbe chɛ fɔ tena wo gbɛɛ ye, mbɛ wo ma wo wandi a sɛ, a ni ben wo e buɛ min dɔ. Chɛɛ wo e min ma, wo tea yiinachii chɛ, a si wo wandi ma. A sin, wo yiinachii chɛ, Yataa‑a min chɛ wo ye, a mu min na, wo‑a wo kai fa a a.

GBOO DOMI KO A 7:24

N faa yɔnden mu a ɔ benden ba a. N toen mu mɔɛ a, min mbe che n bɔ‑a ko yama ma fɔɛ chɛ ɔ, min mbe a ma tena n mbe fa‑a.

2 PITA 1:9

Chɛɛ ni sɔn chɛ n mbe ee mɔɛ min dɔ, a maen fan mu yɔ fion tɔɛ. A mɔɛ bonda chɛ sin nyina‑a, mbɛ Yataa na‑a a boo bɔ wan a 'a ko yama n dɔ, mbɛ a ma‑a mɔ chɛndɛ a.

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 2:9

A ɔ, “N‑na a ɔ sɔn fan, wo e mɔnɛ min dɔ bia tena, wo e yakɔɔtawa min dɔ. Chɛɛ tea gbu ko a, yɔn tɔ ma wo a. A yɛ to, n‑na a ɔ sɔn fan, mɔɛ chɛ nu, miin‑na an fandi ya Chu mɔɛ n na, an mbe wo tɔ yama a fasan tena buɛ min dɔ. Chɛɛ Chu mɔ ma an na, Sitana 'a mɔɛ n fan nɛ.

KO Ɔ NUNDENƐ 3:16

Chɛɛ wo ee ka buɛ chɛ ɔ, mɔ fufafuu mu wo a. Chɛ an fɛ mu, n mbe wo a fu‑a wan, wo ni bɔ n da ɔ.