KO Ɔ NUNDENƐ 3:15 - Yataa 'a Dɔbɛnɛ Nama15 A ɔ, “N‑na a ɔ sɔn fan, wo e tachɛ tena buɛ min dɔ. Wo e wan dechee yɔ yii, min ma gbandi, a sin ma chima ni to. A ni nyan fan, wo ni ma chia dɔndɔ a, an ni a ma‑a wo ma gbɔsɔɛ ni ma n ma. အခန်းကိုကြည့်ပါ။ |
N faa gbaaenɛ mu, kɔkɔɛ ni n che‑a wo tena, n mbe ee na‑a wo tan‑da, yɔ n toen mu n ni wo tan buɛ min dɔ. A sin to, kɔkɔɛ wo wɛɛ, wo ee na‑a to‑a n ma buɛ a, wo ta faa ma ɔ. N chiandenɛ mu, n ma na koɛ tan wo tɛ ɔ, a basan toomaya a. A yɛ to, faagbandia basan wo ta diana koe n dechee a, main chɛ basan ko ɔ fɔɛ a, dɔpanda basan ko a fasanɛ a.
A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.
Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.