KO Ɔ NUNDENƐ 3:11 - Yataa 'a Dɔbɛnɛ Nama

¹¹ A ɔ ee yansan tena to, mbɛ n na‑a. Chɛ an‑na a fɔ, wo gboo ɔ ma fa dan koe a n na, min mbe a ma, wo ee na‑a fo‑a wo 'a boo ɔ gbasi woo a.

KO Ɔ NUNDENƐ 3:11 ပူးပေါင်းရင်းမြစ်များ

GBOO SAA KƆYINDI KO A 9:25

A sin, bui chɛ mɔɛ kan kɔ kan, ɛ tachɛ wan a wandi a chɛndɛ chɛ koe gbɛɛ ɔ. An mbe chɛ ma, min mbe a ma, an ni mansa banfua ma sɔn, min gbu ee mɛ. Chɛɛ mmɔ tana, mmɔ ɛ bui chɛ tena boo ɔ gbasi woo an ko a, min mbe ma‑a kuɔ fɔ ko a.

Gboo Fiipai Ko A 4:5

Mansa Chisɔsi na tima ɔ ma yansan to. Wo a ma, mɔ ɔ mɔ ni a ɔ sɔn, wo faa chimaen mu buɛ min dɔ.

2 TIMOTI 2:5

A yɛ to, ni i ma‑a Yataa 'a wai chɛ‑a, bea a 'a sawa fɛ. A ɛ wan yɔ bui chɛ tɔmbɔɛ, mɔɛ ee a bɔɛ n gbasi, a ni boo ɔ gbasi woo ma sɔn, ni a ma don ni sawa gbɛɛ kɔɔ.

2 TIMOTI 4:8

A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.

CHIMISI 1:12

Yataa ɛ mɔɛ chɛ n dua‑a wan, miin mbe an faa bia, ni ko yawaenɛ‑a an tan. Koe min na mu, ni an‑na an koe chɛ ɔ bia, Yataa ɛ boo ɔ gbasi woo min be‑a an ma, ɛ ma‑a kuɔ fɔ fɔɛ an na. Fɔɛ chɛ, a na‑a tooɔdia be koe an na mɔɛ n ma, miin toen mu a a.

CHIMISI 5:9

N suun ma nyɔɛ nu, wo ma gbonyɛ wo nyɔn na. Wo ma chɛ ma, Yataa wɛɛ ma na kaa a tɛ, a si wo ma. A yen ko, kaa a tɛ mɔɛ gbu ɛ sɔ ɔ chenɛ da a.

KO Ɔ NUNDENƐ 1:3

Mɔɛ miin mbe bai chɛ n kan‑da gboo chɛ ɔ, an duaen mu. Mɔɛ chɛ n bɛɛ, miin mbe bai chɛ a min‑da, min ka‑a Yataa tena, mbɛ an‑na an boo si a kɔɔ, an duaen mu. Koe min na mu, tima ɔ ma yansan to, mbɛ koe chɛ n gbɛɛ bɔ‑a a a.

KO Ɔ NUNDENƐ 16:15

Chisɔsi na‑a a fɔ wan, a ɔ, “A yen ko, n mbe na‑a wo tɛnɛ‑a wan yɔ kanka. Mɔ ɔ mɔ min mbe ma‑a a ya a, ɛ a 'a koa n kun ma fɛn‑da wan. Chɛ ɛ a ma‑a wan, a ee ben‑da a ma senɛ a, a ni mau fanka ɔ den. A mɔɛ chɛ duaen mu.”

KO Ɔ NUNDENƐ 2:10

Wo ma chian tɔɔya kan kɔ kan ma, wo e na tena min chɛ‑a. A yen ko, Sitana ɛ na tena a ma‑a wo dɔ n ni sa pimbi chenɛ a, wo ɔ siman koe a. A sin, wo e tɔɔya ɔ yen‑da wan tee tan ko a. Wo sɔ chidi wo 'a danaya ɔ n na, an ni a fɔ a ni ma saya wɛɛ a wo ko a, wo ma mun. N mbe kuɔ fɔ fɔɛ an be‑a wo ma, wo 'a boo ɔ gbasi woo a.”

KO Ɔ NUNDENƐ 2:13

A ɔ, “N‑na a ɔ sɔn fan, mbɛ wo e kaina min, Sitana an mu mansa a nɔ. Chɛɛ wo‑a n bakoe bia wan wo boo fea a, wo ma wo kan kɔ sɔ ni dan koe a n na. Wo dan‑da wan n na, tima chɛ wɛɛ a, tima min na an‑na Andipasi fa wo tɛ ɔ nɔ, Sitana waa chɛ. A ni mɔɛ an na, min‑na a ɔ yian tima ɔ tima, a da a bai ɔ, a basan a 'a chɛ chɛ wai a, mbɛ n 'na mɔɛ mu a a.

KO Ɔ NUNDENƐ 2:25

Chɛɛ wo gboo ɔ ma fa dan koe a n na.

KO Ɔ NUNDENƐ 22:12

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. N mbe na‑a wan tɔnɔnɛ a, mɔ ɔ mɔ‑a kuiɛ a yɛ koe a, yɔ a na‑a wai min nyɔn sima chɛ.

KO Ɔ NUNDENƐ 22:20

Mɔɛ chɛ, min mbe koe chɛ n gbɛɛ fɔ‑a, a ɔ, “Tea ko a, n na tima ɔ ma yansan to.” A ni ma ka. Mansa Chisɔsi, na fo.

KO Ɔ NUNDENƐ 22:7

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”

KO Ɔ NUNDENƐ 3:3

Chɛ an‑na a fɔ, wo wo yii na chii, wo kan‑da min na, a yɛ to, wo‑a min na min. Wo wo too ma sɔ a ma, wo ni wo kan kɔ sɔ wo 'a ko yama n na. Ni wo ma wo kunɛ kɔɔ sɔ ni, n mbe na‑a wo tɛnɛ‑a wan, yɔ kanka ɛ a ma buɛ min dɔ. Wo ee na‑a tima gbu wɛɛ sɔn‑da, n mbe na‑a tima min na, wo tɔɔya koe a.

KO Ɔ NUNDENƐ 4:10

An mbe ma chɛ a, mbɛ gbakoo bi fea kun ma naanin chɛ nu, an‑na an kumbai gbangban a chen kɔɔ, a wɛn mbe si ɔ mansaya ɔ. Mbɛ an‑na a fai, a wɛn mbe ee fa kuɔ fɔ ko a. An 'na mansa banfua nu, an‑na an ya, mbɛ an‑na banfua chɛ n sa a chen kɔɔ, kooya ɔ. Mbɛ an dɔ,

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.