KO Ɔ NUNDENƐ 22:9 - Yataa 'a Dɔbɛnɛ Nama

⁹ Chɛɛ a ɔ te to n ma, “I ma chɛ ma. N bɛɛ, Yataa 'a yɔnɛ mu n na. N mbe ka wan dechee yɔ i wan, wo bɛ i suun ma nyɔnɛ n na, Yataa 'a gbonka chɛ mɔɛ nu, a basan mɔɛ chɛ n gbɛɛ a, miin too ma sɔen mu gboo chɛ ɔ bai n ma. Chɛ an fɛ mu, Yataa an fai.”

KO Ɔ NUNDENƐ 22:9 ပူးပေါင်းရင်းမြစ်များ

MATIU 4:9

Mbɛ a‑a a fɔ a ma, a ɔ, “Ni i‑a i kumbai gbangban n chen kɔɔ, i ni n fai, chɛ gbɛɛ ɛ ma‑a i ta an na.”

DUKU 4:7

Ni i‑a n fai dechee, chɛ gbɛɛ ɛ ma‑a i ta an na.”

1 CHƆN 5:20

Mmɔ‑a a ɔ sɔn fan, mbɛ Chisɔsi, Yataa 'a denɛ na‑a, mbɛ a‑a tea Yataa yian mmɔ a. Mmɔ mu gbɛ mɔ dɔndɔɛ an na tea Yataa chɛ a, koe min na mu, mmɔ dɔndɔɛ mu mmɔ a Chisɔsi a, a 'a denɛ. An mu tea Yataa a, min mbe kuɔ fɔ fɔɛ be.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 14:7

A sin‑na a fɔ wan gbankon, a ɔ, “Wo chian Yataa ma, wo ni basɔmaya be a ma. Koe min na mu, tima che‑a, ɛ kaa a tɛ‑a mɔ ɔ mɔ wakoe ma tima min na dunya ɔ. Wo a fai, min‑na banda bu ɔ a dan, a basan dunya gbɛɛ a, kɔ yii gbɛɛ, a basan yii mɛsɛ mɛsɛ n gbɛɛ a.”

KO Ɔ NUNDENƐ 15:4

Yataa Mansa, mɔ ɔ mɔ ɛ samba‑a wan i ma chianɛ a. Mɔ ɔ mɔ ɛ basɔmaya be wan i ma. I wan mu dechee tea Yataa a. Dunya gbɛɛ ɛ na‑a i tando‑a wan, i chɛ chɛ wai chɛndɛ ko a, mɔɛ gbɛɛ ɛ min yen.”

KO Ɔ NUNDENƐ 19:10

Mbɛ n‑na n kumbai gbangban a chen kɔɔ, a fai koe a. Chɛɛ a ɔ te n ma, a ɔ, “I ma chɛ ma. Yataa an fai. N mbe wai chɛ an ko a, yɔ wo e wai chɛ buɛ min dɔ a ko a. Wo gbɛɛ, wo wɛn kai faen mu tea chɛ a, min ka‑a Chisɔsi tena. An tea chɛ, an mbe a ma, mɔɛ n ni Yataa bai sa.” Koe min na mu, Chisɔsi‑a bai min fɔ, an mu Yataa 'a sakana bai kunɛ a mɔ gbu n tena.

KO Ɔ NUNDENƐ 22:10

Mbɛ a ɔ te to n ma, “Yataa 'a sakana bai chɛ nu gboo chɛ ɔ, i ma an dɔ nun mɔɛ n ma. Koe min na mu, tima ɔ wua‑a gbɛ, an koe chɛ n bɔ koe a a a.

KO Ɔ NUNDENƐ 22:18

N fan Chɔn, n 'na dasi, a yen ko mɔ ɔ mɔ tena, a si bai chɛ n ma gboo chɛ ɔ, bai miin ka‑a ka Yataa tena. Ni mɔ ɔ mɔ‑a a ta sa bai chɛ n ma, kasaa sɛsɛ miin mbe gboo chɛ ɔ, Yataa ɛ a nyɔn sima, a ma mundaenɛ si‑a wan a mɔɛ chɛ a.

KO Ɔ NUNDENƐ 22:7

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”

KO Ɔ NUNDENƐ 4:10

An mbe ma chɛ a, mbɛ gbakoo bi fea kun ma naanin chɛ nu, an‑na an kumbai gbangban a chen kɔɔ, a wɛn mbe si ɔ mansaya ɔ. Mbɛ an‑na a fai, a wɛn mbe ee fa kuɔ fɔ ko a. An 'na mansa banfua nu, an‑na an ya, mbɛ an‑na banfua chɛ n sa a chen kɔɔ, kooya ɔ. Mbɛ an dɔ,

KO Ɔ NUNDENƐ 9:20

Chɛɛ mɔɛ chɛ nu, miin kunɛ bɔ‑a koe chɛ n gbɛɛ ɔ, an ma an kan kɔ sɔ ni an 'na ko yama n na. An ma an boo bɔ ni nyina yama n fai koe a, ni fen chɛ n fai koe a, miin ma Yataa a. Fen chɛ nu, an fandi, an mbe miin nyan senɛ ɔ, sanu ɔ, kainɛ ɔ, kɔnɛ ɔ, a basan fen dɔ mende n na. Fenɛ miin mu ka, an ya ee kaina yen, an too wɛɛ ee koe a min, an sin mbe ee tachɛ chɛ.