KO Ɔ NUNDENƐ 22:5 - Yataa 'a Dɔbɛnɛ Nama

⁵ A sin to, pimbi ee ma‑a nɔ kuɔ fɔ, dambo manɛ ma gbɔsɔ ee ma‑a an ma, chɛ ma, tee ma gbɔsɔɛ ni ma an ma. Koe min na mu, Yataa Mansa an mbe ma‑a an 'na manɛ a, an sin mbe ma‑a wan mansa n na, kuɔ fɔ ko a.

KO Ɔ NUNDENƐ 22:5 ပူးပေါင်းရင်းမြစ်များ

MATIU 19:28

Mbɛ Chisɔsi ɔ, “Wo dan a a, mbɛ a tɔnɔnɛ ɛ koa‑a wan. Tima min na Yataa 'a dunya nama chɛ ɔ na tena, n fan, Mɔ Gbu 'a Denɛ, n mbe si‑a n 'na mansa sea a. Wo wɛɛ wo mɔ tan kun ma fea chɛ nu, wo e si‑a wan mansa sea tan kun ma fea n na. Mbɛ wo ma‑a mansa n na dambi tan kun ma fea chɛ n ko a Chu mɔɛ n tɛ ɔ.

MATIU 25:34

Mbɛ n fan mansa chɛ, n mbe a fɔ‑a wan mɔɛ chɛ n ye, n boo nyima ɔ, n dɔ, an ni na. N dɔ, Fa Yataa‑a an dua. N dɔ, an ni na, an ni Yataa 'a mansaya tɔnɔnɛ ma sɔn, min dɔ bɛn‑da suun an ko a, a ka dunya a dan tima ma.

MATIU 25:46

A sin, Yataa ɛ mɔ bonda chɛ n na ta‑a wan kaina, an mbe ma‑a kaina mɔnɛ ɔ bia‑a kuɔ fɔ ko a. Chɛɛ mɔɛ tɔɛ chɛ nu, miin tanden mu Yataa tena, an mbe kuɔ fɔ fɔɛ ma sɔn‑da wan.”

GBOO DOMI KO A 5:17

Tea gbu mu a a, mbɛ mɔ dɔndɔ gbe 'a ko yama maenɛ, an‑na a ma, saya 'a gbasaya kun‑da dunya ma, mɔ dɔndɔ gbe wakoe. Chɛɛ chɛ ma che ni koe chɛ ɔ, mɔ dɔndɔɛ chɛ wɛɛ, Chisɔsi Chasi, a‑a min ma. Mɔɛ n gbɛɛ, Yataa ɛ a 'a koadia demanɛ yian miin na, a ɔ benden ba a, mbɛ a‑a an ya mɔ tandenɛ n na. An mbe gbasaya sɔn‑da wan fɔɛ ɔ Chisɔsi a, a si kun koe a ko yama ma an fea saya a.

2 TIMOTI 2:12

Ni mmɔ‑a mɔnɛ ɔ bia, mmɔ wɛɛ ɛ ma‑a wan mansa a a mmɔ bɛ. Ni mmɔ ban‑da a ɔ, a wɛɛ ɛ ban‑da wan mmɔ ɔ.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 18:23

Dambo wɛɛ ee manɛ be‑a to nɔ. Musu fuu mɔɛ nu, an 'na sɛnama nu, an kuiɛ a ee min‑da to nɔ. A 'a yua nu, an kan nyɔn nii dunya ɔ, a 'a suaya wa, a‑a dunya bun fan.”

KO Ɔ NUNDENƐ 20:4

Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.

KO Ɔ NUNDENƐ 20:6

Yataa‑a miin na sɔ a ka saya ɔ tima chɛ a, an duaen mu chɛndɛ chɛ, Yataa 'a mɔɛ mu an na. An mbe ee saya fean bɔɛ chɛ‑a, chɛɛ an mbe ma‑a wan mɔɛ n na mɔ gbu n tɛ ɔ Yataa a, an fea Chasi a, kunka mansa. An bɛ Chasi a, an mbe ma‑a wan mansaya ɔ san wu dɔndɔ ko a.

KO Ɔ NUNDENƐ 21:11

An duu chɛ ni man tena wan, Yataa 'a manɛ a. A ni man tena taun, yɔ dɛmunɛ. Ɛ ma‑a mia mia yɔ mɛmɛ.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”