Chisɔsi na‑a ko sɛsɛ dɔ mende n ma wan. Chɛɛ an koe chɛ n gbɛɛ nii ma nyɛn ni dɔndɔ dɔndɔɛ a. Ni an na‑a an gbɛɛ nyɛn, n mbe a ya tena, mbɛ dunya chɛ gbɛɛ ɔ kaina nii a kun‑da an gboo chɛ n gbɛɛ sa tena ko a.
A ka gbɛ sanche ma, boo ɔ gbasi woo ɛ n ma kɔn tena banda bu ɔ, Mansa Chisɔsi boo ɔ, a wɛn tanden mu kaa a tɛ ɔ. Ɛ a be‑a wan n ma a tee chɛ ma. A sin mbe ee ma‑a n dɔndɔ gbe an na, chɛɛ chɛ n bɛɛ miin ya ɛ chia a, a na tima ma kɔnɛ a.
A chia dɔndɔ gbe chɛ a mu, Chasi wɛɛ na‑a a wandi be gba dɔndɔ gbe wan, mmɔ 'a ko yama n ko a. Chɛɛ Chasi ɛ bɔ‑a wan to a a dunya chɛ ɔ, a gba fean bɔɛ ko a. A sin, a nɛnɛ ee ma‑a ko yama n fan bakoe a. Chɛɛ mɔɛ chɛ n fan kun ka koe mu, miin mbe a ma kɔn tena, an faa gbɛɛ a.
Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.
Chɛ an‑na a fɔ, wo wo kan kɔ sɔ wo 'a ko yama chɛ n na. Ni chɛ ma, a ɔ ee yansan tena, n na‑a wo tena, mbɛ n‑na butuinɛ chɛ an mɔɛ chɛ n na, chɛɛ chɛ mɛ chɛ a, min mbe n da ɔ.”
N fan Chɔn, n 'na dasi, a yen ko mɔ ɔ mɔ tena, a si bai chɛ n ma gboo chɛ ɔ, bai miin ka‑a ka Yataa tena. Ni mɔ ɔ mɔ‑a a ta sa bai chɛ n ma, kasaa sɛsɛ miin mbe gboo chɛ ɔ, Yataa ɛ a nyɔn sima, a ma mundaenɛ si‑a wan a mɔɛ chɛ a.
Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”