KO Ɔ NUNDENƐ 22:18 - Yataa 'a Dɔbɛnɛ Nama

¹⁸ N fan Chɔn, n 'na dasi, a yen ko mɔ ɔ mɔ tena, a si bai chɛ n ma gboo chɛ ɔ, bai miin ka‑a ka Yataa tena. Ni mɔ ɔ mɔ‑a a ta sa bai chɛ n ma, kasaa sɛsɛ miin mbe gboo chɛ ɔ, Yataa ɛ a nyɔn sima, a ma mundaenɛ si‑a wan a mɔɛ chɛ a.

KO Ɔ NUNDENƐ 22:18 ပူးပေါင်းရင်းမြစ်များ

MATIU 15:13

Mbɛ a ɔ, “Fa min mbe banda bu ɔ, ɛ nyan fen kan kɔ kan kuu bɔ‑a wan, a ma min chin ni.

Gboo Ɛfisɔsi Ko A 4:17

Sanche gbɛ, n mbe chɛ an fɔ tena, n ni a kɔ din, Mansa Chisɔsi 'a gbasaya ɔ. Wo ma ma, yɔ mɔɛ chɛ nu, miin ma Yataa sɔn, an mbe koe n ma buɛ min dɔ. An mbe an yii na chii buɛ min dɔ, wooya wa an mbe a ɔ.

Gboo Saa Tɛsadonika Ko A 4:6

Mbɛ an chia chɛ a, mɔ ɔ mɔ ma ko yama ma a bɔ Chisianɛ a, a ma gbasaya din a ma. Nn‑na chɛ fɔ wan wo ye a kɔma a gbau gbau, mbɛ Mansa Yataa ɛ mɔɛ n tɔɔ‑a wan, miin mbe ko bonda chɛ sima ma‑a.

KO Ɔ NUNDENƐ 1:3

Mɔɛ miin mbe bai chɛ n kan‑da gboo chɛ ɔ, an duaen mu. Mɔɛ chɛ n bɛɛ, miin mbe bai chɛ a min‑da, min ka‑a Yataa tena, mbɛ an‑na an boo si a kɔɔ, an duaen mu. Koe min na mu, tima ɔ ma yansan to, mbɛ koe chɛ n gbɛɛ bɔ‑a a a.

KO Ɔ NUNDENƐ 15:1

Mbɛ n‑na kamaya koe dɔ mende ɔ yen to ma‑a banda bu ɔ. Koe chenama wa ni, min mbe mɔ da ɔ gbaa. Maeka wɔnfea, an ni wan nɔ, kasaa si tena wɔnfea ni miin boo ɔ. Chɛ n mu kasaa dankama n fan na, koe min na mu, Yataa 'a faatɛ ɛ danka‑a an fan ma.

KO Ɔ NUNDENƐ 15:6

Mbɛ maeka wɔnfea chɛ n bɔ‑a Yataa 'a chen chɛ a, kasaa wɔnfea chɛ n mbe ka miin boo ɔ. An ma bɛnden ni doma min dɔ, a gbɛen fan ni fo fo, ɛ man‑da. Fenɛ min ni bun dɔ an kaa a, a nyanden ni sanu an dɔ.

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 22:10

Mbɛ a ɔ te to n ma, “Yataa 'a sakana bai chɛ nu gboo chɛ ɔ, i ma an dɔ nun mɔɛ n ma. Koe min na mu, tima ɔ wua‑a gbɛ, an koe chɛ n bɔ koe a a a.

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”

KO Ɔ NUNDENƐ 22:7

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”

KO Ɔ NUNDENƐ 22:9

Chɛɛ a ɔ te to n ma, “I ma chɛ ma. N bɛɛ, Yataa 'a yɔnɛ mu n na. N mbe ka wan dechee yɔ i wan, wo bɛ i suun ma nyɔnɛ n na, Yataa 'a gbonka chɛ mɔɛ nu, a basan mɔɛ chɛ n gbɛɛ a, miin too ma sɔen mu gboo chɛ ɔ bai n ma. Chɛ an fɛ mu, Yataa an fai.”

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”