KO Ɔ NUNDENƐ 22:17 - Yataa 'a Dɔbɛnɛ Nama

¹⁷ Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.

KO Ɔ NUNDENƐ 22:17 ပူးပေါင်းရင်းမြစ်များ

CHƆN 1:37

A fɛ den fea chɛ nu, an‑na a da a bai chɛ a min fan, mbɛ an bea‑a Chisɔsi fɛ.

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 4:11

Mbɛ musu chɛ ɔ, “Kai, yii bɔ chiti ee kɛn i boo ɔ, yii son chɛ sin dɔ yansan. E ka‑a gbɛ mende yii chɛ a, min mbe fɔɛ be mɔ gbu ma?

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHƆN 4:29

Mbɛ a ɔ, “Wo na, wo ni kaminɛ yen, min‑na ko ɔ ko ɔ yian n na, n‑na miin gbɛɛ ma wɛ. A e na ma kunka mansa chɛ an na?”

CHƆN 7:37

An bɛnɛ chɛ tee dankama ma, mɔɛ n 'na buɔdia bɔɛ, a kun tɛ tee ni an na. Mbɛ Chisɔsi‑a a kɔɔ sɔ, a koɔ‑a gbankon, a ɔ, “Mɔ ɔ mɔ min kanɛ a gbaaen mu, a mɔɛ chɛ ɛ na n fan tena, a ni a min.

GBOO DOMI KO A 3:24

Chɛɛ Yataa 'a chinchimaya an‑na a ma, a‑a mmɔ ya mɔ tandenɛ n na a chen kɔɔ. Ko kan kɔ kan dɔ gbɛɛ an ma a ma ni, a ni chɛ ma. A‑a chɛ ma koe min na, Chisɔsi Chasi‑a mmɔ kun ka wan mmɔ 'a ko yama n dɔ.

GBOO SAA KƆYINDI KO A 2:12

An Nyina chɛ mu, mmɔ‑a min ma sɔn, a ka Yataa tena. Chɛɛ mmɔ ma chɛ an ma sɔn ni, min mbe dunya chɛ ɔ. Mmɔ ni kun gbɛ, mmɔ ni a ɔ gbɛ, Yataa‑a koe min chɛ mmɔ ye.

KO Ɔ NUNDENƐ 14:13

Mbɛ n‑na mɔɛ kuiɛ a min to, a ka banda bu ɔ, a ɔ, “Bai chɛ nyɛn bɛ. I ɔ, a ka sanche ma, mɔɛ miin mbe an kai fa‑a Mansa Chisɔsi a, aan an ni fa, an duaen mu.” Mbɛ Yataa Nyina ɔ, “Tea ko a, an duaen mu. An mbe ee yakɔɔtawa kan kɔ kan dɔ yen‑da to, koe min na mu, an chɛ chɛ wai an mbe an ma konan‑da Yataa tena.”

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 21:2

Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.

KO Ɔ NUNDENƐ 21:6

Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.

KO Ɔ NUNDENƐ 21:9

Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”

KO Ɔ NUNDENƐ 7:17

Koe min na mu, sa tɔngbɔɛ chɛ sɔ ɔ mansa sea chɛ baima, ɛ ma‑a wan an kun ma fɛn mɔɛ a. A sin mbe chia yian‑da wan an na, an ni yii ma sɔn, min mbe fɔɛ be. A sin to, Yataa ɛ di ka‑a wan an ya a.”