KO Ɔ NUNDENƐ 22:14 - Yataa 'a Dɔbɛnɛ Nama

¹⁴ Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.

KO Ɔ NUNDENƐ 22:14 ပူးပေါင်းရင်းမြစ်များ

CHƆN 10:7

Chɛ‑a a ma wan, mbɛ Chisɔsi ɔ, “Ka n mbe chɛ ma din wo tena. N mbe wan dechee yɔ sa kuii chɛ da, sa chɛ n mbe don min na, an mbe bɔ.

CHƆN 10:9

N fan mu sa kuii chɛ da a. Ni mɔ ɔ mɔ ben‑da n tena chia a, a ni don, a mɔɛ chɛ ɛ kun ka ma sɔn‑da wan. Ɛ don‑da wan, a ni bɔ, a faa ma a. A sin mbe a daun fenɛ ma sɔn‑da wan.

CHƆN 14:15

Mbɛ Chisɔsi ɔ a fɛ denɛ n ma, a ɔ, “Wo e koe chɛ n ma‑a wan, n‑na miin fɔ wo ye an ma koe a, ni wo toen fan mu n na.

CHƆN 14:6

Mbɛ Chisɔsi ɔ, “N fan mu dechee chia a, tea ɔ sɔn koe a mɔɛ n boo ɔ, a si Fa Yataa ma, mbɛ an‑na fɔɛ ma sɔn, Fa ɛ min be. Mɔ ɔ mɔ ee che ta‑a Fa tena, mɔɔ ni a ben‑da n tena chia a.

CHƆN 4:12

Nn bemba n ta bemba kai Chekɔpi, an‑na yii son chɛ to nn boo ɔ. An bɛ a 'a denɛ n na, an ni yii son chɛ an min. A 'a sɔ fenɛ n bɛɛ, yii son dɔndɔ gbe chɛ ɔ yii, an ni an min. I toen mu i ni a fɔ n ye, mbɛ i benden mu nn bemba Chekɔpi ma, ae?”

GBOO SAA KƆYINDI KO A 7:19

Mɔɛ a ni kamincha wan, a a ma kamincha ni fan, ko ɔ ko ma chɛ a. Koe mu min na dechee, an nɛ, Yataa 'a sawa bia koe a chɛndɛ chɛ.

GBOO SAA KƆYINDI KO A 8:9

Chɛɛ wo tima an ya dechee, wo e koe n ma buɛ min dɔ. Min mbe a ma, gbasaya min been mu ka wo ma daun chɛ koe a, a ma na a ma miin 'na danaya ɔ ma gbɛ, an ni ko yama ma.

GBOO SAA KƆYINDI KO A 9:5

Tea ɛ wan to nn boo ɔ, nn mbe ma n 'na wai chɛ a, ben ben koe a, nn bɛ nn 'na musu n na, Chisianɛ nu. Ni musu ɛ wan nn boo ɔ, nn mbe chɛ ma wan, ae? Tea ɛ wan nn boo ɔ nn ni chɛ ma, yɔ Mansa Chisɔsi 'a sɔ mɔɛ tɔɛ nu, ni a suun ma nyɔɛ nu, a che kai Pita wɛɛ ma, an gbɛɛ‑a a ma buɛ min dɔ.

Gboo Kadesia Ko A 5:6

Koe min na mu, mmɔ mu ka buɛ min dɔ mɔ dɔndɔɛ a, mmɔ bɛ Chisɔsi Chasi a, Yataa ee ko dɔ gbɛɛ kan kɔ kan ma fɛn. A ee a ma fɛn, ni mɔɛ a kaminchaen fan mu, chɛ ma, ni a a ma kamincha ni. Ɛ min yen dechee, an nɛ, ni mmɔ‑a mmɔ kai fa wan a a, min dɔ ɛ yian koadia ɔ.

1 CHƆN 3:3

A sin, mɔ ɔ mɔ, danaya chɛ ɛ min dɔ a ko a, a mɔɛ chɛ ee dɔn a ni a boo chɛ ko yama kan kɔ kan dɔ. Koe min na mu, Chisɔsi ee a boo chɛ ko yama ɔ.

1 CHƆN 5:3

Mmɔ ɛ koadia yian ka wan Yataa a, ni mmɔ don‑da a da a kuiɛ kɔɔ. Chɛ sin, a ma gbɛ a a min koe a.

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 21:12

An duu wa chɛ ma sansaen fan ni fɛnsi a, min nyanden ni senɛ a, a a yansama wa ɛ. A yɛ to, a a ni fanka wan gbɔtu gbɔtu, a da tɛenɛ ɛ kaina tan kun ma fea. A da tan kun ma fea chɛ kan kɔ kan, maeka dɔndɔ ni wan sɔ a a, duu chɛ kun ma fɛn koe a. A yɛ to, a da tan kun ma fea chɛ kan kɔ kan ma, dambi tan kun ma fea chɛ nu, Isɔɛɛ mɔɛ n tɛ ɔ, an nyɛnden fan ni ta‑a dɔndɔ dɔndɔɛ a.

KO Ɔ NUNDENƐ 21:27

Chɛɛ ko yama kan kɔ kan mbe ee don‑da an duu chɛ ɔ, n mbe ee baa mɔɛ ma, min mbe mauma koe n ma, chɛ ma, fania fɔ mɔɛ nu. Chɛɛ mɔɛ miin mbe don‑da dechee, an nɛ yɔ mɔɛ chɛ nu, miin tɔɛ nyɛnden mu sa tɔngbɔɛ chɛ 'a gboo ɔ. Gboo chɛ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ka min dɔ.

KO Ɔ NUNDENƐ 22:2

A sin, yii chɛ ni yii tena wan chia chɛ tɛtɛ ma, chia min ni chia wa a, an duu chɛ ɔ. An yii chɛ tɔnfɛ fea gbɛɛ ma, kɔnɛ n ni wan nɔ sɔ ɔ, miin mbe fɔɛ be. An sin ni gbɔɛ be gba tan kun ma fea sanɛ ma, gba dɔndɔ kau ɔ kau ko a. An kɔn chɛ n sin, an yamba ni buii an na, mɔɛ n gbɛɛ ko a dunya ɔ.

KO Ɔ NUNDENƐ 22:7

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”

KO Ɔ NUNDENƐ 7:14

Mbɛ n dɔ, “Kai, n ma ko ɔ sɔn chɛ ma. N mbe i wan dɔ tisa chɛ a.” Mbɛ a ɔ n ma, “Mɔɛ chɛ nu miin kun bɔ‑a ko gbɛama wa chɛ ɔ, an fan nɛ ka. An fan‑na an 'na koa n ko, an‑na an gbɛ fo, sa tɔngbɔɛ chɛ wii a.