KO Ɔ NUNDENƐ 22:10 - Yataa 'a Dɔbɛnɛ Nama

¹⁰ Mbɛ a ɔ te to n ma, “Yataa 'a sakana bai chɛ nu gboo chɛ ɔ, i ma an dɔ nun mɔɛ n ma. Koe min na mu, tima ɔ wua‑a gbɛ, an koe chɛ n bɔ koe a a a.

KO Ɔ NUNDENƐ 22:10 ပူးပေါင်းရင်းမြစ်များ

MATIU 10:27

N‑na bai min tɛnsɛ ka wo tena mmɔ dechee a, wo an dɔ yian baa kun tɛ. N‑na wo too wɛwɛɛ bai miin na ka, wo an fɔ dunya ye, wo kuiɛ ma sɛenɛ a.

GBOO DOMI KO A 13:11

N‑na koe miin fɔ ka wo ye, an ma koe a, wo an ma. Koe min na mu, wo‑a tima sɔn fan sanche, mmɔ ɛ tima min kɔɔ. Tima an nɛ gbɛ, wo ni kunɛ chinɔɛ ɔ, wo e min dɔ. Koe min na mu, tima min na mmɔ ɛ bauncha ma sɔn‑da, an tima chɛ ɔ ma yansan to mmɔ a. A gbɛnden mu gbɛ, a ni ben tima saa ma, tima min na mmɔ‑a mmɔ kai fa Chisɔsi a.

GBOO DOMI KO A 13:12

Banda ɔ ka tena wan gbɛ, a ɔ ma yansan to tee bɔ‑a. A nyin fan mmɔ ni sɛmbɛ koe chɛ n ma koe a, pimbi ɔ ko yama chɛ nu. Mbɛ mmɔ‑a butuin chɛ feanka chɛ n ya, mmɔ ɛ butuinɛ chɛ‑a miin na tee a den.

GBOO FEAN BƆƐ TƐSADONIKA KO A 2:3

Wo ma dɔn mɔ ɔ mɔ ni wo bun ɛnden bɛɛ a. Koe min na mu, an tee chɛ ee na tena wɛ, aan tima ni che, mɔɛ sɛsɛ n mbe na‑a wan sɔ‑a Yataa a kan. Mbɛ mɔɛ min mbe ee sawa kɔɔ, a bɔ‑a ya a ma. A tana, ɛ gbɛ nɔ kasaa koe an na.

1 PITA 4:7

A ɔ ma yansan to, mbɛ ko ɔ ko che‑a a danka a. Wo ma bɛndenɛ ni ma, wo ni kun tachɛ koe a wo wandi a chɛndɛ chɛ, wo ni kun samunɛ chɛ a, a chɛ buɛ a.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:3

Mɔɛ miin mbe bai chɛ n kan‑da gboo chɛ ɔ, an duaen mu. Mɔɛ chɛ n bɛɛ, miin mbe bai chɛ a min‑da, min ka‑a Yataa tena, mbɛ an‑na an boo si a kɔɔ, an duaen mu. Koe min na mu, tima ɔ ma yansan to, mbɛ koe chɛ n gbɛɛ bɔ‑a a a.

KO Ɔ NUNDENƐ 10:4

Banda chɛ sɛmbɛ‑a kɛn koɔ koe a, a‑a min gbɛɛ fɔ, n toen ni n ni a nyɛn. Chɛɛ n‑na kuiɛ a min fan, a ka banda bu ɔ, a ɔ, “Koe chɛ n sa i yii ma. I ma an nyɛn gboo ma.”

KO Ɔ NUNDENƐ 22:16

“N fan Chisɔsi, n 'na maeka, n‑na a a na wan wo tena. N‑na a a na, a ni koe chɛ n dɔ yian wo a, wo wɛn mbe chɔchi chɛ n dɔ. N fan, n bɔen mu Mansa Defidi 'a dambi an dɔ. N fan mu tɔmbuaka chɛ a, min mbe man taun banda ɔ ka da ma.”

KO Ɔ NUNDENƐ 22:18

N fan Chɔn, n 'na dasi, a yen ko mɔ ɔ mɔ tena, a si bai chɛ n ma gboo chɛ ɔ, bai miin ka‑a ka Yataa tena. Ni mɔ ɔ mɔ‑a a ta sa bai chɛ n ma, kasaa sɛsɛ miin mbe gboo chɛ ɔ, Yataa ɛ a nyɔn sima, a ma mundaenɛ si‑a wan a mɔɛ chɛ a.

KO Ɔ NUNDENƐ 22:20

Mɔɛ chɛ, min mbe koe chɛ n gbɛɛ fɔ‑a, a ɔ, “Tea ko a, n na tima ɔ ma yansan to.” A ni ma ka. Mansa Chisɔsi, na fo.

KO Ɔ NUNDENƐ 22:7

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. Mɔɛ chɛ duaen mu gba, mɔɛ chɛ, min mbe a too ma sɔ‑a bai chɛ ma gboo chɛ ɔ, bai chɛ min ka‑a Yataa tena.”

KO Ɔ NUNDENƐ 22:9

Chɛɛ a ɔ te to n ma, “I ma chɛ ma. N bɛɛ, Yataa 'a yɔnɛ mu n na. N mbe ka wan dechee yɔ i wan, wo bɛ i suun ma nyɔnɛ n na, Yataa 'a gbonka chɛ mɔɛ nu, a basan mɔɛ chɛ n gbɛɛ a, miin too ma sɔen mu gboo chɛ ɔ bai n ma. Chɛ an fɛ mu, Yataa an fai.”

KO Ɔ NUNDENƐ 5:1

Min ma‑a gbɛ, mbɛ a wɛn mbe ka si ɔ mansa sea chɛ a, n‑na fenɛ yen a boo nyima a. An fen chɛ ni gboo yamba an na, fenɛ nyɛndenɛ ɛ a ya fea gbɛɛ ma. A a mendemende n fan ni, a a chiienɛ ɛ gba wɔnfea.