KO Ɔ NUNDENƐ 22:1 - Yataa 'a Dɔbɛnɛ Nama

¹ Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:1 ပူးပေါင်းရင်းမြစ်များ

CHƆN 13:32

A sin, ni n‑na a ma, mɔɛ n ni Fa Yataa 'a kamaya ɔ yen, mbɛ a wɛɛ, ɛ a ma‑a wan, n fan, Mɔ Gbu 'a Denɛ wandi, mɔɛ n ni n 'na kamaya ɔ yen. A sin, ɛ na tena wan chɛ ma‑a, a ya kɔɔɛ a.

CHƆN 15:26

“Chɛɛ min mbe wo deman‑da, n mbe a sɔ‑a wan, a ka Fa tena. Fa Yataa Nyina chɛ, an mbe tea ɔ yian‑da wo a, a si a wandi ma. N mbe a ma‑a wan a ni ka Fa tena, a ni na wo tena. A sin, ɛ n bakoe ɔ yian‑da wan wo a.

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

CHISƆSI 'A SƆ MƆƐ NU 2:33

Yataa‑a Chisɔsi a sɔ, a sɛ banda bu ɔ. Mbɛ Yataa‑a a ma, Chisɔsi ɛ si ɔ kaina ma bɛndenɛ, Yataa boo nyima ɔ. A fa Yataa‑a a Nyina be wan Chisɔsi ma, a na‑a a too ɔ dia tee min be koe a. A sin, Chisɔsi wandi‑a a ma wan, Yataa Nyina bea‑a nn fɛ. Wo e ka gbɛ an dɔ yen tena, wo e a a min tena.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 21:11

An duu chɛ ni man tena wan, Yataa 'a manɛ a. A ni man tena taun, yɔ dɛmunɛ. Ɛ ma‑a mia mia yɔ mɛmɛ.

KO Ɔ NUNDENƐ 21:6

Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.

KO Ɔ NUNDENƐ 21:9

Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.

KO Ɔ NUNDENƐ 22:6

Mbɛ maeka chɛ‑a a fɔ n ye, a ɔ, “Bai chɛ n mu tea bai n fan na, a nyin mɔ ɔ mɔ ni dan miin na. Yataa Mansa an mbe a Nyina be a 'a gbonka chɛ mɔɛ n ma, min mbe a ma, an mbe a 'a sakana bai sa. A sin‑na a 'a maeka a na, a ni a ɔ yian mɔɛ n gbɛɛ a, miin mbe a ko a, koe miin mbe na tena ma‑a sanche.”

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”

KO Ɔ NUNDENƐ 5:13

Mbɛ n‑na fɔɛ fen kan kɔ kan kuiɛ a min. Fɔɛ fenɛ miin ni banda bu ɔ, chɛ nu dunya ma, faa nɛnɛ n bɛɛ, ni fɔɛ fen chɛ n gbɛɛ yii ɔ. An mbe a fɔ‑a, an dɔ, “Mɔɛ chɛ min mbe si ɔ mansa sea a, an fea sa tɔngbɔɛ chɛ a, an fan ta mu tando a, a basan basɔmaya a, dɔgbɛaya, a basan manɛ a, kuɔ fɔ ni kuɔ fɔ ko a.”

KO Ɔ NUNDENƐ 5:6

Mbɛ n‑na sa tɔngbɔɛ yen sɔ ɔ, mansa sea chɛ tɛ ɔ fɔɛ fen naanin chɛ n na, gbakoo chɛ n tɛtɛ ma. Sa chɛ bena ni wɔnfea, a ya wɛɛ ni wɔnfea, miin ni Yataa 'a nyina wɔnfea chɛ n na, miin na naen mu dunya gbɛɛ ɔ. A maen fan ni yɔ sa min faenɛ yasi a.

KO Ɔ NUNDENƐ 7:17

Koe min na mu, sa tɔngbɔɛ chɛ sɔ ɔ mansa sea chɛ baima, ɛ ma‑a wan an kun ma fɛn mɔɛ a. A sin mbe chia yian‑da wan an na, an ni yii ma sɔn, min mbe fɔɛ be. A sin to, Yataa ɛ di ka‑a wan an ya a.”