KO Ɔ NUNDENƐ 21:9 - Yataa 'a Dɔbɛnɛ Nama

⁹ Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”

KO Ɔ NUNDENƐ 21:9 ပူးပေါင်းရင်းမြစ်များ

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 17:1

Mbɛ maeka wɔnfea chɛ n dɔndɔ, miin‑na pani chɛ n dɔ wuyan ka, a na‑a n tena, a ɔ, “Na wɛ, n ni a ɔ yian i a, duu dia wa chɛ, Yataa ɛ kaa a tɛ‑a buɛ min dɔ a wakoe ma.” A ɔ, “Duu dia chɛ mu duu wa chɛ an na, min sɔen mu ka yii sɛsɛ n kaa a.”

KO Ɔ NUNDENƐ 19:7

Mmɔ bu ɔ ni dia, mmɔ ni buɔdia wa bɔ, mmɔ ni basɔmaya be a ma. Sa tɔngbɔɛ 'a musu fuu tima che‑a, a sin, a 'a sɛnama‑a a ma bɛn, a fuu koe gbu a.

KO Ɔ NUNDENƐ 21:17

Maeka chɛ‑a duu chɛ fɛnsi chɛ wɛɛ siman fan. A sin, a yansancha ni fiti chɛmɛ fea, fiti tan kun ma wɔdɔ (216). A tima chɛ a, maeka chɛ na‑a a ya, mɔgbuya ta fen siman buɛ an na.

KO Ɔ NUNDENƐ 21:2

Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.

KO Ɔ NUNDENƐ 22:1

Chɛ gbakɔ, maeka chɛ‑a yii chɛ yian n na, yii min mbe fɔɛ be. An yii chɛ kunɛ ɛ Yataa 'a mansa sea chɛ tena wan, an fea sa tɔngbɔɛ chɛ a. Yii gbu ɛ yii‑a, a kɔɔ gbɛenɛ ɛ fo, ɛ ma‑a mia mia yɔ mɛmɛ.

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.

KO Ɔ NUNDENƐ 22:6

Mbɛ maeka chɛ‑a a fɔ n ye, a ɔ, “Bai chɛ n mu tea bai n fan na, a nyin mɔ ɔ mɔ ni dan miin na. Yataa Mansa an mbe a Nyina be a 'a gbonka chɛ mɔɛ n ma, min mbe a ma, an mbe a 'a sakana bai sa. A sin‑na a 'a maeka a na, a ni a ɔ yian mɔɛ n gbɛɛ a, miin mbe a ko a, koe miin mbe na tena ma‑a sanche.”