KO Ɔ NUNDENƐ 21:8 - Yataa 'a Dɔbɛnɛ Nama

⁸ Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 21:8 ပူးပေါင်းရင်းမြစ်များ

MATIU 10:28

Wo ma chian mɔ gbu ma wo fa ko a. Ɛ wo fa‑a wan, chɛɛ a ee ko ɔ ko ma‑a wo nyina a, min mbe wo ɔ. Wo chian Yataa dɔndɔ gbe an ma. An mbe mɔ gbu fa, mbɛ a‑a a nyina wɛɛ, a‑a a a ta ta ɔ, ɛ minda kaina.

MATIU 25:25

N chian‑da wan i ma. Chɛ an‑na a ma, n‑na i 'a kɔpɔɛ chɛ nun duu gboo ɔ. A yen ko, n na‑a a a.’

MATIU 8:26

Mbɛ Chisɔsi ɔ, “Fen chiandia e nɛ? Wo 'a danaya Yataa ko a, a dɔɔ.” Mbɛ a‑a a kɔɔ sɔ, a‑a yii chɛ, an fea fia a, min bɛɛ ni bɔ tena, a‑a an na gban. Mbɛ fia ɔ maun‑da don, mbɛ yii wɛɛ si‑a chidi.

CHƆN 8:44

Sitana wandi gbu, an mu wo fa a. A sin, wo e bea tena koe chɛ n fan fɛ, wo fa toen mu miin na. Suun gba wɛ, mɔ fa mɔɛ mu a a, a sin tima ee a boo ɔ tea ko a. Koe min na mu, tea ma bɔ nin bɛ a da ɔ tee dɔndɔɛ wɛɛ. Ni a ma‑a fania fɔ‑a tima ɔ tima, ɛ ma ka dɔn‑da a tɔɛ gbu an ma. Koe min na mu, fania fɔ mɔ dechee ma a a, chɛɛ fania fa mu a a.

GBOO FEAN BƆƐ TƐSADONIKA KO A 2:9

Mɔɛ chɛ, min mbe ee sawa kɔɔ, Sitana 'a gbasaya kan kɔ kan mbe ma‑a wan a boo ɔ. Ɛ na‑a kamaya ko wa sɛsɛ ma‑a wan, fania nu.

1 TIMOTI 4:2

Kan yama bonda chɛ nu, ɛ ka fania yama kan chɛ mɔɛ n fan na. Gbasaya min mbe a ma, an ni ko chɛndɛ ya bɔ ko yama a, a ee to an dɔ. A maen mu yɔ an yiima faen fan mu an dɔ.

TAITƆSI 1:16

An‑na Yataa sɔnɛ ɛ an da ɔ wan, chɛɛ a ee an sɔnɛ ɔ. An ma nyin, an mbe ee Yataa 'a sawa ya, an sin ma nyin fen kɔ fen ko a.

GBOO IBU MƆƐ N KO A 12:24

Wo na‑a Chisɔsi tena, min ni wo tɛ wo bɛ Yataa a, dɔbɛn nama chɛ chɛ koe a. Wo na‑a a wii tena, min bɔn‑da, wo too ɔ dia koe a fen chɛndɛ a, a ben Ebɛɛ wii ta ma.

GBOO IBU MƆƐ N KO A 13:4

Basɔmaya wa ni be fuu ma, wo gbɛɛ tɛ ɔ. A sin, wo ma waa ma basan mɔ dɔ mende n na, wo ee miin na fuu ɔ. Koe min na mu, mɔɛ min mbe koe tɛ, ɛ waa ma basan mɔ dɔ mende n na, Yataa ɛ a mɔɛ chɛ gbɛmbo‑a wan.

1 CHƆN 2:22

Fania fɔ mɔɛ, a mu mɔɛ chɛ an na, min mbe kɔɔ sa bia chɛ, mbɛ Chisɔsi an ma Chasi a, kunka mansa. An mɔ bonda chɛ an mu Chasi chɛɛ ma nyɔɛ a, mɔɛ min mbe ban Fa Yataa ɔ, an fea a 'a denɛ a.

1 CHƆN 3:15

Mɔ ɔ mɔ min mbe too‑a a suun ma nyɔɛ a, mɔ fa mɔɛ mu a a. A sin, wo‑a a ɔ sɔn fan, mbɛ mɔ fa mɔ kan kɔ kan, a ee kuɔ fɔ fɔɛ ma sɔn.

1 CHƆN 5:10

Chɛ an‑na a fɔ, mɔɛ min mbe a kai fa‑a Yataa 'a denɛ a, siiya chɛ ɛ wan a faa ɔ. Chɛɛ mɔɛ min mbe ee a kai fa‑a a a, a mɔɛ chɛ‑a Yataa ma fania fɔ mɔɛ a. Koe min na mu, a ma dan ni siiya a, Yataa‑a min bɔ, a si a 'a denɛ ma.

KO Ɔ NUNDENƐ 14:10

A ɔ, “Yataa wɛɛ, ɛ a 'a faagbandia gbɛ be‑a wan an mɔɛ chɛ n gbɛɛ ma.” A ɔ, “An mbe a 'a faatɛ tɔmbua a faenɛ ɛ gban, an mbe a min‑da wan.” A ɔ, “An mɔɛ chɛ n mbe tɔɔya‑a wan, ta a, a basan sen gbandi ma yawaenɛ a yɔ ta.” A ɔ, “Chɛ ɛ ma‑a wan an na, sa tɔngbɔɛ ya kɔɔ, a basan a 'a maeka n gbɛɛ a.”

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.

KO Ɔ NUNDENƐ 2:11

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ ee saya fean bɔɛ chɛ‑a.”

KO Ɔ NUNDENƐ 2:2

A ɔ, “N‑na ko ɔ ko kan kɔ kan dɔ sɔn fan a si wo ma. N‑na a ɔ sɔn fan, wo‑a min chɛ Ɛfisɔsi chɔchi ɔ. A yɛ to, n‑na a ɔ sɔn fan, wo e fɔɛ min nyɔn sima a tachɛ tena. N‑na a ɔ sɔn fan to, wo e wo faa bia tena buɛ min dɔ Chisian wai ɔ. N danden fan mu a a, mbɛ wo ee che wo boo si‑a mɔ yama n kɔɔ. Chɛɛ mɔɛ chɛ nu, miin mbe an fandi chee n 'na sɔ mɔɛ n na, wo‑a an dɔ siman fan. Mbɛ wo‑a a ɔ yen, mbɛ fania fɔ mɔ gbama mu an na.

KO Ɔ NUNDENƐ 21:27

Chɛɛ ko yama kan kɔ kan mbe ee don‑da an duu chɛ ɔ, n mbe ee baa mɔɛ ma, min mbe mauma koe n ma, chɛ ma, fania fɔ mɔɛ nu. Chɛɛ mɔɛ miin mbe don‑da dechee, an nɛ yɔ mɔɛ chɛ nu, miin tɔɛ nyɛnden mu sa tɔngbɔɛ chɛ 'a gboo ɔ. Gboo chɛ, mɔɛ miin mbe kuɔ fɔ fɔɛ ma sɔn‑da, an tɔɛ ɛ ka min dɔ.

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.

KO Ɔ NUNDENƐ 9:17

N‑na soo chɛ n yen, ni mɔɛ nu si ɔ an kun ma. An mɔɛ chɛ nu, kundu doma min ni an ma, an yawaenɛ ni yɔ tonkan ta. A yɛ to, a kɔ finden fan ni, a basan a man buɛ dɔ mende a. Soo chɛ n kunɛ sin maen fan ni yɔ yaa kunɛ. An da sin dɔ, ta an ni bɔ tena ɔ, a basan sisi a, ni senɛ min ni gbandi yɔ ta.

KO Ɔ NUNDENƐ 9:21

Mɔɛ fa koe wɛɛ, an ni miin ma, an ma an kan kɔ sɔ ni a a. An ma an kan kɔ sɔ ni an 'na suaya wa a, a basan an 'na ko tɛ a, ni an 'na kanka chɛ. An ma an kan kɔ sɔ ni chɛ dɔndɔ wɛɛ a.