KO Ɔ NUNDENƐ 21:6 - Yataa 'a Dɔbɛnɛ Nama

⁶ Mbɛ a ɔ te n ma to, a ɔ, “N ban‑da koe chɛ n gbɛɛ chɛ‑a. N fan mbe a ma fen fen mbe a kuu sɔ, n fan mbe a ma to fen fen mbe danka. Mɔ ɔ mɔ min kanɛ a gbaaen mu, n mbe yii be‑a wan a ma. N mbe yii be‑a wan an ma, min ka‑a yii chɛ ɔ, yii min mbe fɔɛ be mɔɛ ma gbama gbama ko a.

KO Ɔ NUNDENƐ 21:6 ပူးပေါင်းရင်းမြစ်များ

CHƆN 4:10

Mbɛ Chisɔsi ɔ, “Ni i na‑a Yataa 'a wai nyima sɔn fan mɔɛ n tena, a sin, i na‑a n sɔn fan, n fɛn mbe ka koɔ‑a i tena, i ni tisa dɔ mende an chɛ‑a n na. A sin, n ni yii be‑a wan i ma, min mbe fɔɛ be mɔ gbu ma.”

CHƆN 4:11

Mbɛ musu chɛ ɔ, “Kai, yii bɔ chiti ee kɛn i boo ɔ, yii son chɛ sin dɔ yansan. E ka‑a gbɛ mende yii chɛ a, min mbe fɔɛ be mɔ gbu ma?

CHƆN 4:14

Chɛɛ mɔ ɔ mɔ min mbe yii chɛ min, n mbe min be‑a a ma, a kanɛ a ee gbaa‑a to kuɔ fɔ. N mbe yii chɛ min be‑a a ma, ɛ ma‑a wan a faa ɔ. A sin, an yii chɛ ɔ ee tɛ‑a, ɛ a ma‑a wan, a ni kuɔ fɔ fɔɛ ma sɔn.”

GBOO DOMI KO A 3:24

Chɛɛ Yataa 'a chinchimaya an‑na a ma, a‑a mmɔ ya mɔ tandenɛ n na a chen kɔɔ. Ko kan kɔ kan dɔ gbɛɛ an ma a ma ni, a ni chɛ ma. A‑a chɛ ma koe min na, Chisɔsi Chasi‑a mmɔ kun ka wan mmɔ 'a ko yama n dɔ.

GBOO DOMI KO A 8:32

Yataa ma a boo a ben ni a wandi gbu 'a denɛ wɛɛ kɔ, a kunɛ bɔ koe a tɔɔya ɔ. Chɛɛ a‑a Chisɔsi be wan yasi a mɔ gbu gbɛɛ ko a. Ni ɛ chɛ ma wan mmɔ ko a, ɛ kun fan a ni fen kɔ fen be mmɔ ma gbama gbama a, a faa gbɛɛ a.

GBOO SAA KƆYINDI KO A 2:12

An Nyina chɛ mu, mmɔ‑a min ma sɔn, a ka Yataa tena. Chɛɛ mmɔ ma chɛ an ma sɔn ni, min mbe dunya chɛ ɔ. Mmɔ ni kun gbɛ, mmɔ ni a ɔ gbɛ, Yataa‑a koe min chɛ mmɔ ye.

GBOO SAA KƆYINDI KO A 3:12

Chɛɛ mɔ ɔ mɔ‑a fen sɛsɛ ya wan, chen chɛ sɔ koe a. Mɔɛ n‑na sanu ya wan, an‑na kain gbɛ ya, a basan sen baa gbɛama a. Mɔɛ dɔ n‑na kɔnɛ ya wan, an‑na nyanda ya, a basan nungbu a.

GBOO SAA KƆYINDI KO A 3:21

Chɛ an fɛ mu, mɔ ɔ mɔ ma yonka tɛ, a si ma koe ma mɔ dɔ mende fɛ mɔɛ a. Yataa ban‑da fen fen ma‑a wo ta a.

GBOO SAA KƆYINDI KO A 3:5

Chɛɛ n fan Pɔɔ, n ma mɔ a, Apɔdɔsi wɛɛ ma mɔ ɔ mɔ a. Min sin sien mu nn ma, Yataa 'a yɔnɛ gbama mu nn na, miin‑na a ma, wo dan‑da Chisɔsi Chasi a. Mansa Yataa‑a nn sɔ wai chɛ‑a buɛ min dɔ, nn‑na a chɛ ka wan.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:17

N‑na a yen kɛn, mbɛ n bea‑a a chen kɔɔ susu gbuu yɔ su. Chɛɛ a‑a a boo nyima bun n ma, a ɔ, “Sɛmbɛ chian koe a. N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 1:8

Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.

KO Ɔ NUNDENƐ 10:6

Mbɛ a‑a a fɔ, a ɔ, “Tima ban‑da, makɔn chɛ tima Yataa boo ɔ.” A ɔ, a ɛ ka tea an fɔ tena, a ɔ, Yataa tɔɛ ɔ. Yataa min mu, a ee fa kuɔ fɔ ko a, min‑na banda bu ɔ a dan, a basan fen fen na, miin mbe nɔ. A yɛ to, a‑a dunya a dan, a basan fen fen na dunya ɔ, a‑a kɔ yii wɛɛ a dan, ni fenɛ miin gbɛɛ ɛ a ɔ.

KO Ɔ NUNDENƐ 16:17

Mbɛ maeka wɔnfean bɔɛ sin, a‑a a ta pani a fasi wan, mbɛ fia ta‑a a a. Mbɛ kuiɛ wa a min‑da gbankon, a ka Yataa 'a chenɛ a banda bu ɔ, mansa sea chɛ tena, a ɔ, “Ko ɔ ko ban‑da.”

KO Ɔ NUNDENƐ 22:13

N fan mbe a ma fen fen mbe a kuu sɔ, n fan mbe a ma to fen fen mbe danka.”

KO Ɔ NUNDENƐ 22:17

Yataa Nyina an fea sa tɔngbɔɛ 'a sɛnama a, an dɔ, “Mansa Chisɔsi, na fo.” Chɛ a min mɔɛ wɛɛ, a ni a fɔ, a ɔ, “Mansa Chisɔsi, na fo.” Mɔ ɔ mɔ min kanɛ a gbaaen mu, a ni na wɛ. Mɔ ɔ mɔ min toen mu na koe a, fɔɛ be yii chɛ min koe a, a ee ka na‑a, a sɔnkɔ be ee a ma.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”

KO Ɔ NUNDENƐ 7:17

Koe min na mu, sa tɔngbɔɛ chɛ sɔ ɔ mansa sea chɛ baima, ɛ ma‑a wan an kun ma fɛn mɔɛ a. A sin mbe chia yian‑da wan an na, an ni yii ma sɔn, min mbe fɔɛ be. A sin to, Yataa ɛ di ka‑a wan an ya a.”