KO Ɔ NUNDENƐ 21:5 - Yataa 'a Dɔbɛnɛ Nama

⁵ Yataa wɛn sin ni si ɔ a 'a mansa sea a, a ɔ, “A yen ko, n‑na fen fen ma a nama a gbɛ.” Mbɛ a ɔ te to n bɛɛ ma, a ɔ, “Chɛ nyɛn bɛ, koe min na mu, bai chɛ n mu tea bai n fan na, a nyin mɔ ɔ mɔ ni dan miin na.”

KO Ɔ NUNDENƐ 21:5 ပူးပေါင်းရင်းမြစ်များ

DUKU 5:38

Mɔ ɛ min ma, e gbɛ nama chɛ soe gboo nama an dɔ.”

GBOO FEAN BƆƐ KƆYINDI KO A 5:17

Chɛ ko a, ni mɔ ma‑a gbɛ mɔ dɔndɔɛ a mmɔ bɛ Chasi a, mmɔ ma‑a mɔ nama a. Mmɔ ka‑a mmɔ tachɛ buɛ kɔma kun ma, mmɔ dɛ‑a a nama ɔ.

GBOO IBU MƆƐ N KO A 12:27

Bai chɛ ɛ a fɔ tena wan, mbɛ fenɛ gbɛɛ miin mbe samba, an mbe ban‑da wan dunya ma. Chɛɛ fen chɛ n sin gbɛɛ, miin mbe ee samba, an fan mbe to‑a an gba n dɔ.

KO Ɔ NUNDENƐ 1:11

Mbɛ an kuiɛ chɛ, a ɔ n ma, “E koe miin dɔ yen‑da, an nyɛn, i ni an na ta chɔchi wɔnfea chɛ n tena, duu wa chɛ n dɔ. Chɔchi chɛ ni ma Ɛfisɔsi, ni chɛ Simina, chɛ Pakamɔn, ni chɛ Tiyatiya. Chɔchi chɛ to Sadisi, ni chɛ Fidadɛfia, a basan chɛ a Daɔdisia.”

KO Ɔ NUNDENƐ 1:19

E koe miin dɔ yen tena sanche, an nyɛn, a basan chɛ n bɛɛ a, miin mbe na tena ma‑a.

KO Ɔ NUNDENƐ 19:9

Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”

KO Ɔ NUNDENƐ 20:11

Mbɛ n‑na mansa sea wa dɛgbɛ yen banda bu ɔ, a gbɛenɛ fion, Yataa ɛ si ɔ a ma. A bɔ‑a kɛn dechee a a, duu gboo fea banda a, an tuin‑da, mɔ ɔ mɔ ma an yen ni to.

KO Ɔ NUNDENƐ 22:19

A sin to, ni mɔ ɔ mɔ‑a fen kɔ fen ka an bai chɛ n na, miin ka‑a Yataa tena, Yataa ɛ a ta kɔ fenɛ kun ma ka‑a wan. A ta kɔ fen chɛ, min mbe ka kɔn chɛ ɔ, fɔɛ be kɔn chɛ, a basan duu wa chɛ ɔ a. An kɔ fen chɛ n gbɛɛ, miin bakoe ɔ yiandenɛ ɛ gboo chɛ ɔ.

KO Ɔ NUNDENƐ 22:6

Mbɛ maeka chɛ‑a a fɔ n ye, a ɔ, “Bai chɛ n mu tea bai n fan na, a nyin mɔ ɔ mɔ ni dan miin na. Yataa Mansa an mbe a Nyina be a 'a gbonka chɛ mɔɛ n ma, min mbe a ma, an mbe a 'a sakana bai sa. A sin‑na a 'a maeka a na, a ni a ɔ yian mɔɛ n gbɛɛ a, miin mbe a ko a, koe miin mbe na tena ma‑a sanche.”

KO Ɔ NUNDENƐ 4:2

Mbɛ a ya kɔɔɛ a, a yen ko, Yataa Nyina bea‑a n fɛ gban. N‑na a yen, mbɛ nɔ banda bu ɔ, mansaya sea ɛ wan nɔ si ɔ, mɔɛ ɛ si ɔ a a.

KO Ɔ NUNDENƐ 4:9

Fɔɛ fen naanin chɛ nu, an gboo ɔ ma fa ni tando be koe a, a basan basɔmaya a, ni wai bɔɛ. An‑na mansa chɛ an fai ka, min mbe si ɔ a 'a mansaya sea, min mbe ee fa‑a kuɔ fɔ ko a.

KO Ɔ NUNDENƐ 5:1

Min ma‑a gbɛ, mbɛ a wɛn mbe ka si ɔ mansa sea chɛ a, n‑na fenɛ yen a boo nyima a. An fen chɛ ni gboo yamba an na, fenɛ nyɛndenɛ ɛ a ya fea gbɛɛ ma. A a mendemende n fan ni, a a chiienɛ ɛ gba wɔnfea.