KO Ɔ NUNDENƐ 21:14 - Yataa 'a Dɔbɛnɛ Nama

¹⁴ Fɛnsi chɛ, duu chɛ a tindanɛ, a kuu sien ni sen gbugbu wa tan kun ma fea an ma. An senɛ chɛ n kan kɔ kan ma, sa tɔngbɔɛ 'a sɔ mɔ tan kun ma fea, an tɔɛ nyɛnden fan mu an ma. Sɔ mɔ dɔndɔ, sen dɔndɔ.

KO Ɔ NUNDENƐ 21:14 ပူးပေါင်းရင်းမြစ်များ

MATIU 16:18

I tɔɛ ma sien mu Pita, min fasaien mu, faa gbanɛ a. Mɔɛ miin mbe an kai fa‑a n na, an mbe ma‑a wan yɔ chenɛ. N ni a ma din i tena, mbɛ n sin mbe chen chɛ sɔ‑a faa gban chɛ an ma. Gbasaya kan kɔ kan mbe ee ma‑a saya boo ɔ chen chɛ kun ma.

CHISƆSI 'A SƆ MƆƐ NU 1:26

Mbɛ an‑na chɛ fenɛ chɛ, min mbe a ma, an ni a ɔ sɔn, ni an mbe nyɔn ya an mɔ fea chɛ tɛ ɔ. Matiyasi tɔɛ an bɛn‑da chɛ fenɛ ma, a sin sa‑a wan Chisɔsi 'a sɔ mɔ tan kun ma dɔndɔɛ chɛ n kaa a.

Gboo Kadesia Ko A 2:9

Chimisi, Pita, ni Chɔn, mɔɛ n na‑a an ya, mɔ gbau gbau wa n fan na. An‑na a ɔ yen kɛn, mbɛ Yataa wandi an na‑a wai chɛ be n ma, koadia demanɛ ɔ, an‑na an boo si wan nn kɔɔ, nn fea Banabasi a. An dɔn‑da wan nn ta koe ma mɔɛ n tena, miin ma Chu mɔ a, mbɛ an sin ta‑a Chu mɔɛ n tena.

Gboo Ɛfisɔsi Ko A 2:20

Wo sin, wo kuu sien fan mu gban, yɔ chenɛ. Chisɔsi Chasi 'a sɔ mɔɛ nu, an bɛ Yataa 'a gbonka chɛ mɔɛ n na, an fan‑na a ma, mbɛ wo kuu si‑a. Chen chɛ gbu sin, a sɔ senɛ kuu ba mu Chisɔsi Chasi wandi an na.

Gboo Ɛfisɔsi Ko A 3:5

Suun, koe n fan nɛ, miin dɔ nii yian mɔ gbama n na. Yataa Nyina‑a a ɔ yian fan mɔɛ n na, miin mbe tenchen Yataa ko a. A‑a a ɔ yian Chasi 'a sɔ mɔɛ n na, an bɛ Yataa 'a gbonka chɛ mɔɛ n na.

Gboo Ɛfisɔsi Ko A 4:11

A wan‑na koadia demanɛ chɛ mɔɛ n na, ma koe dama dama. A‑a mɔɛ dɔ n ma a 'a sɔ mɔɛ n na, mbɛ a‑a dɔ n ma Yataa 'a gbonka chɛ mɔɛ n na. Dɔ n sin, a‑a an ma Yataa bai sa mɔɛ n na, mbɛ a‑a gbasaya be dɔ n sin ma, an bɔɛ n sɔ koe a chia ma, a basan an kan koe a Yataa bai a.

GBOO IBU MƆƐ N KO A 11:10

Koe min na mu, Ebeami ni wan tima ma kɔn tena, duu wa chɛ ma sɔn koe a, Yataa na‑a a too ɔ dia min na. Duu wa chɛ, Yataa wandi na‑a min siman, a‑a a sɔ gban, a ee yɔn kuɔ fɔ ko a.

CHUDA 1:17

Chɛɛ n dia nyɔɛ nu, ɛ wan wo yii ma, mmɔ 'a mansa Chisɔsi Chasi 'a sɔ mɔɛ nu, an na‑a bai min fɔ suun.

KO Ɔ NUNDENƐ 18:20

Wo wɛn mbe banda bu ɔ, wo buɔdia bɔ, Babidon yɔn koe a Yataa boo ɔ. Yataa 'a mɔɛ nu, Chisɔsi 'a sɔ mɔɛ gbau gbau nu, wo buɔdia bɔ, wo bɛ Yataa 'a gbonka chɛ mɔɛ n gbɛɛ a. Koe min na mu, Yataa‑a kaa a tɛ Babidon duu wa chɛ ma koe chɛ n ko a, a na‑a miin ma wo a.

KO Ɔ NUNDENƐ 21:13

Fɛnsi da sawa an ni tee bɔ, sawa ɛ tee bea, sawa ɛ boo nyima ɔ, mbɛ sawa ɛ man dɔɛ.