KO Ɔ NUNDENƐ 21:12 - Yataa 'a Dɔbɛnɛ Nama

¹² An duu wa chɛ ma sansaen fan ni fɛnsi a, min nyanden ni senɛ a, a a yansama wa ɛ. A yɛ to, a a ni fanka wan gbɔtu gbɔtu, a da tɛenɛ ɛ kaina tan kun ma fea. A da tan kun ma fea chɛ kan kɔ kan, maeka dɔndɔ ni wan sɔ a a, duu chɛ kun ma fɛn koe a. A yɛ to, a da tan kun ma fea chɛ kan kɔ kan ma, dambi tan kun ma fea chɛ nu, Isɔɛɛ mɔɛ n tɛ ɔ, an nyɛnden fan ni ta‑a dɔndɔ dɔndɔɛ a.

KO Ɔ NUNDENƐ 21:12 ပူးပေါင်းရင်းမြစ်များ

MATIU 18:10

Chisɔsi ɔ te to, “Wo wo kun ma fɛn. Wo ma wo ya a yii n fɛ denɛ den tachɛen bɛɛ ma. N ni a ma din wo tena, mbɛ maeka n mbe wan an boo ɔ banda bu ɔ, tɛɛ ee miin tɛ an bɛ Fa Yataa a.

DUKU 15:10

A chia dɔndɔ gbe chɛ a, n ni a ma din wo tena, mbɛ ni mɔ dɔndɔ gbe, min mbe ee sɔ ɔ Yataa 'a chia ma, ni a‑a a kan kɔ sɔ a 'a ko yama an na, maeka n bɛɛ bu ɔ dia‑a ka wan.”

DUKU 16:22

“Tima che‑a wan, mbɛ yɔn tɔɛ chɛ fa‑a, mbɛ maeka n ta‑a a a, an‑na a si kai Ebeami baima, banda bu ɔ. Mbɛ chɛ gbakɔ, nyan tɔɛ chɛ wɛɛ fa‑a, mbɛ an‑na a tɔn,

CHISƆSI 'A SƆ MƆƐ NU 26:7

An tooɔdia dɔndɔ gbe chɛ, mmɔ 'a dambi tan kun ma fea chɛ n gbɛɛ, an yii na tɛen mu an ma sɔn koe a. A sin fan mbe a ma tena, an mbe Yataa fai tena, su ɔ tee a, an faa gbɛɛ a. Mansa Akipa, yiinatɛ chɛ an ko a mu ka, n mbe nɛ sɔ ɔ kuti chen kɔɔ.

GBOO IBU MƆƐ N KO A 1:14

Chɛɛ maeka chɛ n tana, Yataa‑a an sɔ, an ni na wai chɛ a ko a dunya ɔ. An ni basan mɔɛ chɛ n ma, miin mbe na‑a bauncha ma sɔn‑da.

KO Ɔ NUNDENƐ 21:13

Fɛnsi da sawa an ni tee bɔ, sawa ɛ tee bea, sawa ɛ boo nyima ɔ, mbɛ sawa ɛ man dɔɛ.

KO Ɔ NUNDENƐ 21:15

Maeka chɛ sin, min ni koɔ tena n tena, kɔn sɔngbɔɛ an ni a boo a. An kɔn chɛ nyanden ni sanu an na, a sin ni fen siman koe an na. A ni duu wa chɛ gbɛɛ siman koe an na, a fɛnsi gbɛɛ siman koe a, a basan a da tan kun ma fea chɛ n na.

KO Ɔ NUNDENƐ 21:25

An duu wa fɛnsi chɛ da chɛ n na kaenɛ ɛ ma‑a wan tee ɔ tee a, an na ee tɔn‑da kuɔ fɔ ko a, koe min na mu, pimbi ee ma‑a nɔ.

KO Ɔ NUNDENƐ 22:14

Mɔɛ chɛ n duaen mu, miin mbe an 'na koa ko‑a, min mbe a ma, an ni don duu wa chɛ ɔ, fɛnsi chɛ da chɛ n na, mbɛ an‑na kɔn chɛ gbɔɛ daun, kɔn chɛ min mbe fɔɛ be ka.