KO Ɔ NUNDENƐ 21:10 - Yataa 'a Dɔbɛnɛ Nama

¹⁰ Mbɛ Yataa Nyina bea‑a n fɛ gban, mbɛ maeka chɛ sɛ‑a n na kɔnkɔ a yansama wa ɔ. Mbɛ a‑a Yataa 'a duu wa yian n na, Chuusaɛn duu wa chɛ, ɛ yii‑a a ka banda bu ɔ Yataa tena.

KO Ɔ NUNDENƐ 21:10 ပူးပေါင်းရင်းမြစ်များ

CHISƆSI 'A SƆ MƆƐ NU 8:39

An fea chɛ gbɛɛ bɔ‑a kɛn yii chɛ ɔ, mbɛ Yataa Nyina‑a Fiipi a tuin. Kai chɛ ma a yen ni to, mbɛ a wɛɛ‑a a 'a tachɛ a tun a ma. A bu ɔ diama wa ni gbɛ, ɛ ta‑a.

Gboo Kadesia Ko A 4:26

Chɛɛ Chuusaɛn tana, min mbe banda bu ɔ, a ee yɔncha ɔ. A sin, a ɛ wan dechee yɔ mmɔ de.

KO Ɔ NUNDENƐ 1:10

Patimɔsi chɛ ni, Tɛnɛ kan kɔ dɔɛ ma, Yataa Nyina bea‑a n fɛ gban. A tima kɔɔ, n‑na mɔɛ kuiɛ a min fan, n gbaa chia a. Kuiɛ chɛ maen fan ni gbankon, yɔ buu fɛ kuiɛ.

KO Ɔ NUNDENƐ 11:2

A ɔ, “Chɛɛ chen chɛ baa ma, kata chɛ ɔ, i ma a siman, an nɛnɛ to ka.” A ɔ, “Koe min na mu, a been mu mɔɛ chɛ n fan ma, miin ma n sɔn.” A ɔ, “Mɔ yama mu an na, miin mbe gbasaya din‑da n 'na duu wa kun ma, kau bi naanin kun ma fea (42) ko a.”

KO Ɔ NUNDENƐ 17:3

Mbɛ Yataa Nyina bea‑a n fɛ gban, mbɛ maeka chɛ ta‑a n na fuinɛ ma. Nɔ ni, mbɛ n‑na musu yen si ɔ soe yawa kun ma, soe yama wa. An soe chɛ gboo gbɛɛ ma, Yataa main bai n dechee an nyɛnden ni a ma. A kunɛ ni wɔnfea, a bena n sin ni tan.

KO Ɔ NUNDENƐ 21:2

Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.

KO Ɔ NUNDENƐ 3:12

Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”

KO Ɔ NUNDENƐ 4:2

Mbɛ a ya kɔɔɛ a, a yen ko, Yataa Nyina bea‑a n fɛ gban. N‑na a yen, mbɛ nɔ banda bu ɔ, mansaya sea ɛ wan nɔ si ɔ, mɔɛ ɛ si ɔ a a.