KO Ɔ NUNDENƐ 20:9 - Yataa 'a Dɔbɛnɛ Nama

⁹ Mbɛ an fasan‑da a ɔ, duu gboo ɔ fuinden ba ta‑a. Mbɛ an‑na duu wa chɛ a tindan, Yataa toen mu duu min na, a 'a mɔɛ n mbe ka duu min dɔ. Chɛɛ ta yii‑a wan, a ka banda bu ɔ, mbɛ a‑a an gbɛɛ minda, an fɛn gbɛɛ‑a duu chɛ a tindan ka.

KO Ɔ NUNDENƐ 20:9 ပူးပေါင်းရင်းမြစ်များ

DUKU 17:29

Chɛɛ tee min ma Dɔti bɔ‑a Sɔdɔn duu ɔ, Yataa‑a a ma wan ta yii‑a a ka banda a, a basan senɛ n na, miin ni gbandi yɔ ta. An yii‑a wan a ka banda a, yɔ sona ɛ chɛ buɛ min dɔ, mbɛ an‑na mɔɛ chɛ n gbɛɛ fa nɔ an duu chɛ ɔ.

DUKU 19:43

Chɛ an‑na a fɔ, tima ɛ che‑a wan, wo chɛɛ ma nyɔɛ n ni wo a tindan. An mbe gbuu tɛ‑a wan wo ma, mbɛ an‑na wo a bɛn piɔ. Wo dɔndɔ wɛɛ kun mbe ee che‑a bɔ‑a a ɔ.

DUKU 21:20

Mbɛ Chisɔsi ɔ, “Ni wo‑a Chuusaɛn duu yen, soya n‑na a a tindan, a tima a mu wo e a ɔ sɔn‑da, mbɛ a ɔ ma yansan to a te koe a.

DUKU 9:54

A fɛ denɛ Chimisi n fea Chɔn na, an‑na chɛ ɔ yen kɛn, an dɔ, “Fa, i toen fan mu nn ni a ma, ta ni yii a ka banda bu ɔ, a ni mɔɛ chɛ n minda?”

GBOO FEAN BƆƐ TƐSADONIKA KO A 1:8

Ɛ na‑a wan ta man ba ɔ, an bɛ a 'a maeka n na, mɔɛ chɛ n tɔɔ koe a, miin ban‑da Yataa ɔ. An sin nii ma bea ni sakana bai chɛ fɛ, a si mmɔ 'a mansa Chisɔsi ma.

GBOO IBU MƆƐ N KO A 13:13

Chɛ an fɛ mu, mmɔ ta a tena kaina chɛ, min mbe chia kunɛ a. Mbɛ mmɔ‑a mmɔ kunɛ don mau ɔ, yɔ a na‑a miin dɔ bia.

KO Ɔ NUNDENƐ 11:5

Ni mɔ ɔ mɔ toen mu, a ni ko yama ma an na, ta an mbe bɔ an da ɔ, mbɛ a‑a an chɛɛ ma nyɔɛ chɛ fa. Chɛ‑a a ma wan, mɔ ɔ mɔ min toen ni a ni ko yama ma an na, ɛ fa wan.

KO Ɔ NUNDENƐ 13:13

Soe yama fean bɔɛ chɛ‑a kamaya koe sɛsɛ ma wan. Mɔ ɔ mɔ ya kɔɔɛ ma, a‑a a ma wan, ta gbu wɛɛ, a yii‑a a ka banda a.