KO Ɔ NUNDENƐ 20:8 - Yataa 'a Dɔbɛnɛ Nama

⁸ A sin, ɛ ta‑a wan ben‑da mɔɛ n bun‑da, mɔɛ miin na fasandenɛ ɛ kan kɔ kan dunya ɔ. An mɔɛ chɛ dɔ n tɔ mu Koki, dɔ n tɔ mu Makoki. Sitana ɛ an gbɛɛ a kan‑da wan kaina chɛ, an mbe butuinɛ chɛ‑a kaina min. An kɔ ɛ koa‑a wan kaka, dan mbe ee ma‑a an ma.

KO Ɔ NUNDENƐ 20:8 ပူးပေါင်းရင်းမြစ်များ

GBOO IBU MƆƐ N KO A 11:12

Chɛ an‑na a fɔ, saya ni wɛɛ ka gbɛ a boo kana bia‑a, a mɔ dɔndɔ gbe chɛ cheeya nu, an kɔkoo. An kɔkoo yɔ tɔmbuaka nu banda a, ni yɔ tɛɛ kuu yii ɔ, mɔ ee che min dan‑da.

KO Ɔ NUNDENƐ 12:9

Fɔɛ fen ma chianden ba chɛ, a a bea‑a wan dunya ɔ, a ka banda bu ɔ. Ka kɔkɔ wa chɛ, min tɔ mu Sitana, nyina yama n 'na mansa, min mbe a ma mɔ gbu ɛ ko yama ma, a a bea‑a wan dunya ɔ, an bɛ a bɔɛ n na.

KO Ɔ NUNDENƐ 16:14

Nyina yama ni an na, miin mbe a ma, kamaya koe n mbe ma. An mbe ta wan mansa kan kɔ kan tena dunya ma, an na kan koe a kaina dɔndɔɛ. An ni chɛ ma tena, chɛɛ chɛ koe an na tee wa chɛ ma, Yataa Mansa Wa 'a tee chɛ.

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:3

Mbɛ a‑a a a dɛ son dɔ yansama wa chɛ ɔ, a‑a a da bun a a, mbɛ a‑a son chɛ da a tɔn gban. Chɛ ɛ a ma‑a wan, a ee dunya bun‑da to kuɔ fɔ, aan san wu dɔndɔɛ (1,000) chɛ ni ban. Chɛ gbakɔ, a ɛ fuin‑da wan tima kundu ɛnden ko a.

KO Ɔ NUNDENƐ 7:1

Chɛ gbakɔ, n‑na min nɛnɛ ɔ yen gbɛ, n‑na maeka naaninɛ n yen fan, an mbe sɔ ɔ dunya tɔnkɔn naaninɛ ɔ. Mbɛ fia min ni bɔ tena dunya gbɛɛ ɔ, mbɛ maeka chɛ n‑na a a gban. An‑na chɛ ma, min mbe a ma, fia gbɛɛ duu gboo ma, a gbɛɛ kɔ yii a, ni kɔn kan kɔ kan dɔ, a ni sɛmbɛ bɔ koe a.