KO Ɔ NUNDENƐ 20:5 - Yataa 'a Dɔbɛnɛ Nama

⁵ Tima saa saa an nɛ, Yataa‑a a ma, mɔɛ n yɛ‑a to fɔɛ ɔ. Mɔɛ tɔɛ nu, miin faen ni, an ma yɛ ni to fɔɛ ɔ, aan san wu dɔndɔɛ ban‑da.

KO Ɔ NUNDENƐ 20:5 ပူးပေါင်းရင်းမြစ်များ

DUKU 14:14

Mɔɛ n fan nɛ, miin mbe ee che i ta wai nyima a yɛ‑a. Chɛɛ ni i‑a chɛ ma, e dua ma sɔn‑da wan. Tima min na, mɔɛ miin tanden ni Yataa tena, an mbe ma‑a an kɔɔ sɔ‑a a ka saya ɔ, Yataa ɛ a tɔnɔnɛ be‑a wan i ma.”

GBOO DOMI KO A 11:15

Koe min na mu, Yataa na‑a ban an dɔ tima min na, mɔɛ tɔɛ nu dunya ɔ, an na‑a ma wan a dia nyɔɛ n na. Chɛ ma‑a wɛɛ, Yataa ɛ a boo a si‑a to kɛn an kɔɔ, ɛ ma‑a wan yɔ ni mɔɛ fa‑a, mbɛ a yɛ‑a to fɔɛ ɔ.

Gboo Fiipai Ko A 3:11

Chɛ ko a, n bɛɛ, n ni ma mɔɛ dɔndɔ a, Yataa ɛ min kɔɔ sɔ‑a, a yɛ to fɔɛ ɔ.

Gboo Saa Tɛsadonika Ko A 4:16

Kuiɛ ɛ a fɔ‑a wan mɔɛ n ye, an mbe koe min ma. Chɛ ɛ ma‑a Yataa 'a maeka chenama kuiɛ an na, Yataa 'a buu kuiɛ. A sin, Mansa Chisɔsi wandi ɛ yii‑a wan, a ka banda bu ɔ. Chɛ gbakɔ, mbɛ mɔɛ miin na‑a an kai fa Chisɔsi a, aan an fa‑a, an pɛn mbe an kɔɔ sɔ‑a, an ni yɛ fɔɛ ɔ.

KO Ɔ NUNDENƐ 11:11

Chɛɛ tee sawa, ni a tɔɛ chɛ ben‑da kɛn, Yataa‑a fɔɛ a yɛ wan an dɔ, mbɛ an‑na an kɔɔ sɔ, an sɔ‑a. A sin, mɔɛ miin gbɛɛ‑a chɛ ɔ yen, an chian‑da wan kaka.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”