KO Ɔ NUNDENƐ 20:4 - Yataa 'a Dɔbɛnɛ Nama

⁴ Mbɛ n‑na mansa sea n yen, mɔɛ miin sin ni si ɔ an sea chɛ n na, gbasaya been fan ni an ma, ma koe a mansa n na. A yɛ to, mɔɛ chɛ nu, an‑na miin kunɛ tɛ a a, sɔ koe a gban Chisɔsi ko a, a basan Yataa bai sa a, n‑na an fuɛ n yen fan. An mɔɛ chɛ nu, an nii ma soe yama chɛ fai ni, an nii ma fen chɛ wɛɛ fai ni, fenɛ min bɔen ni a a. A yɛ to, an nii ma soe yama chɛ 'a nyɛn chɛ sa ni an ya kɔɔ, an ma a sa ni a boo wɛɛ ma. An mɔɛ chɛ n yɛ‑a wan to fɔɛ ɔ, an ma‑a mansa a, san wu dɔndɔ (1,000) ko a, an bɛ Chasi a, kunka mansa.

KO Ɔ NUNDENƐ 20:4 ပူးပေါင်းရင်းမြစ်များ

MATIU 19:28

Mbɛ Chisɔsi ɔ, “Wo dan a a, mbɛ a tɔnɔnɛ ɛ koa‑a wan. Tima min na Yataa 'a dunya nama chɛ ɔ na tena, n fan, Mɔ Gbu 'a Denɛ, n mbe si‑a n 'na mansa sea a. Wo wɛɛ wo mɔ tan kun ma fea chɛ nu, wo e si‑a wan mansa sea tan kun ma fea n na. Mbɛ wo ma‑a mansa n na dambi tan kun ma fea chɛ n ko a Chu mɔɛ n tɛ ɔ.

MATIU 24:10

N fɛ mɔɛ n sɛsɛ mbe ka‑a wan n fɛ a tima chɛ a. An mbe too‑a wan an nyɔn na, mbɛ an‑na an nyɔn ma tachɛ ya ɔ sɔɛ n ma.

MAKI 6:16

Mansa Ɛdɔdi na‑a a ma tɔɛ a min kɛn, a ɔ, “Chɔn fan nɛ. N na‑a a ma wan, an‑na Chɔn kunɛ tɛ a a. Chɛɛ a‑a a kɔɔ sɔ to, a ka saya ɔ.”

MAKI 6:27

Chɛ ko a, soya mɔɛ min ni a baima, a‑a a sɔ wan dɔndɔ gbe. A ɔ, an ni na Chɔn kunɛ a. Mbɛ soya mɔɛ chɛ ta‑a pimbi chen chɛ a, mbɛ a‑a Chɔn kunɛ tɛ a a.

MAKI 9:11

Mbɛ an‑na Chisɔsi ɔ tisa, an dɔ, “Chɛɛ mmɔ 'a sawa kan mɔɛ chɛ n mbe a fɔ wan, mbɛ Idaicha ɛ na‑a pɛn, kunka mansa e na na. Fen‑na a ma gbɛ Idaicha ma na nin bɛ?”

DUKU 1:17

Yataa Nyina ɛ gbasaya be‑a wan a ma, yɔ a‑a a be buɛ min dɔ Idaicha ma, min ni a 'a gbonka chɛ mɔɛ a suun. Ɛ na‑a wan Mansa Yataa ya ɔ, mɔ sɛsɛ n sɔ koe a chia ma. Ɛ a ma‑a wan, denɛ n ni na kuiɛ a kanɛ ɔ, an bɛ an fa n na. Ɛ a ma‑a wan to, tooɔgbɛa tɔɛ n bɛɛ ni bea tea fɛ, yɔ mɔ tandenɛ nu.”

DUKU 14:14

Mɔɛ n fan nɛ, miin mbe ee che i ta wai nyima a yɛ‑a. Chɛɛ ni i‑a chɛ ma, e dua ma sɔn‑da wan. Tima min na, mɔɛ miin tanden ni Yataa tena, an mbe ma‑a an kɔɔ sɔ‑a a ka saya ɔ, Yataa ɛ a tɔnɔnɛ be‑a wan i ma.”

DUKU 22:30

Chɛ‑a a ma wan, tima min na Yataa ɛ n 'na mansaya ɔ yian‑da, mmɔ bɛ ɛ daunɛ chɛ‑a wan to, mmɔ ni mmɔ min, daun chɛ bɛn ba chɛ ɔ. A tima chɛ a, wo wɛɛ wo e ma‑a wan mansa n na, mmɔ 'a Isɔɛɛ dambi tan kun ma fea chɛ n kun ma.”

CHƆN 14:19

A ɔ ma yansan to, mbɛ Yataa wakoe ee mɔɛ miin faa ɔ dunya chɛ ɔ, an mbe ee n yen‑da to. Chɛɛ wo tana, wo e n yen‑da wan, koe min na mu, ni n yɛ‑a fɔɛ ɔ, wo wɛɛ, wo e ma‑a wan fɔɛ ɔ.

GBOO DOMI KO A 11:15

Koe min na mu, Yataa na‑a ban an dɔ tima min na, mɔɛ tɔɛ nu dunya ɔ, an na‑a ma wan a dia nyɔɛ n na. Chɛ ma‑a wɛɛ, Yataa ɛ a boo a si‑a to kɛn an kɔɔ, ɛ ma‑a wan yɔ ni mɔɛ fa‑a, mbɛ a yɛ‑a to fɔɛ ɔ.

GBOO DOMI KO A 8:17

Mmɔ mu ka buɛ min dɔ a 'a denɛ n na, a‑a dua miin sa tena ɔ bɛn a 'a mɔɛ n ko a, mmɔ wan ta ɛ ma an na. A na‑a min sa tena ɔ bɛn Chasi wɛɛ ko a, ɛ ma‑a wan to mmɔ ta a. Mmɔ na‑a Chasi 'a tɔɔya ɔ bia wan, mmɔ ɛ a 'a basɔmaya wɛɛ dɔ sɔn‑da wan ya ɔ ma.

2 TIMOTI 2:12

Ni mmɔ‑a mɔnɛ ɔ bia, mmɔ wɛɛ ɛ ma‑a wan mansa a a mmɔ bɛ. Ni mmɔ ban‑da a ɔ, a wɛɛ ɛ ban‑da wan mmɔ ɔ.

KO Ɔ NUNDENƐ 1:2

Chɔn chɛ koɔ‑a wan den, a si koe chɛ n gbɛɛ ma, maeka chɛ‑a miin yian a a, a si Yataa da a bai ma, a basan Chisɔsi Chasi 'a siiya a.

KO Ɔ NUNDENƐ 1:9

N fan mu, n fan Chɔn, wo suun ma nyɔɛ Chasi ɔ. Mmɔ gbɛɛ, mɔ dɔndɔɛ mu mmɔ a, mmɔ bɛ Chisɔsi a, an mu mmɔ 'a mansa a. A sin, mmɔ gbɛɛ, mmɔ ɛ tɔɔya dɔndɔɛ an dɔ bia tena, mmɔ ɛ mmɔ faa bia‑a, a ko a. Yataa 'a sakana bai sa koe a, a basan Chisɔsi wakoe a, n na ta‑a Patimɔsi bia ɔ an ko a, yii tinɛ ɔ duu gboo chɛ ma.

KO Ɔ NUNDENƐ 11:11

Chɛɛ tee sawa, ni a tɔɛ chɛ ben‑da kɛn, Yataa‑a fɔɛ a yɛ wan an dɔ, mbɛ an‑na an kɔɔ sɔ, an sɔ‑a. A sin, mɔɛ miin gbɛɛ‑a chɛ ɔ yen, an chian‑da wan kaka.

KO Ɔ NUNDENƐ 11:15

Mbɛ maeka wɔnfean bɔɛ‑a a ta buu fɛ. Mbɛ maeka nu banda bu ɔ, n‑na an kuiɛ a min, an mbe koɔ‑a gbankon, an dɔ, “Mmɔ 'a mansa Yataa, an fea kunka mansa a, a‑a a boo sɔ min ma, gbasaya ɛ gbɛ dechee an fan boo ɔ, ma koe a mansa a dunya chɛ gbɛɛ kun ma. A sin, Yataa ɛ ma‑a wan a 'a mansaya chɛ ɔ, kuɔ fɔ ni kuɔ fɔ ko a.”

KO Ɔ NUNDENƐ 11:3

A ɔ, “N mbe n 'na siiya fea n na na‑a wan, miin mbe n 'na sakana bai chɛndɛ ɔ yian‑da.” A ɔ, “An ma bɛndenɛ ɛ ma‑a wan yɔ sanka‑a mɔɛ miin tan an 'na chenɛ a.” A ɔ, “A sin, an mbe n 'na sakana bai ɔ yian‑da wan, an kau bi naanin kun ma fea (42) chɛ n dɔ.”

KO Ɔ NUNDENƐ 11:7

An mbe ban‑da kɛn Yataa 'a sakana bai chɛ sa‑a, soe ma chianden ba, ɛ bɔ‑a wan son chɛ ɔ, min danka ee ka, mbɛ a‑a chɛɛ bun an ma. Ɛ kun‑da wan an ma, mbɛ a‑a an fa.

KO Ɔ NUNDENƐ 12:11

Mmɔ 'a mɔɛ n‑na Sitana bea chɛɛ ɔ, sa tɔngbɔɛ wii 'a gbasaya an dɔ mu, a basan Yataa 'a sakana bai a, an ni min sa. An nii ma chian ni saya ma.

KO Ɔ NUNDENƐ 14:11

A ɔ, “A sin, ni ta‑a a kuu sɔ an tɔɔya‑a, a sisi ɛ sɔ‑a wan banda ma, kuɔ fɔ ni kuɔ fɔ ko a.” A ɔ, “An sin, suin kan kɔ kan mbe ee ma‑a an ko a.” A ɔ, “An fɛn mbe soe yama chɛ fai ka, ni fen chɛ, min bɔenɛ a a, an mbe tɔɔya‑a wan.” A ɔ, “Ni mɔ ɔ mɔ nyɛnɛ saen mu min ma, soe yama chɛ 'a nyɛnɛ, an mbe tɔɔya‑a wan su ɔ tee a.”

KO Ɔ NUNDENƐ 15:2

A yɛ to, mbɛ n‑na yii wa yen, a maenɛ ɛ yɔ mɛmɛ, a basan ta manɛ a. N‑na mɔɛ chɛ n bɛɛ yen fan, soe yama wa chɛ nii ma kun ni miin ma. Mɔɛ chɛ nu, fenɛ min bɔen ni an soe chɛ a, a ma kun ni mɔɛ miin ma, an sin nii ma nɔmba ya ni an soe chɛ tɔɛ ɔ. An mɔɛ chɛ n ni sɔ ɔ yii mia mia chɛ an kaa a, kɔninka min Yataa‑a a be an ma, ɛ an boo a.

KO Ɔ NUNDENƐ 17:8

I na‑a soe yama min yen ka sunɛ, a ni wan fɔɛ ɔ, chɛɛ a fa‑a gbɛ. A ɛ na tena wan bɔ‑a to, a ka son dɔ yiien ba chɛ ɔ, min danka ee ka. A sin, ɛ ta‑a wan kaina chɛ, Yataa ɛ a kasaa kaina min. Dunya chɛ ma mɔɛ nu, Yataa nii ma miin tɔɛ nyɛn ni a 'a gboo ɔ, an gbɛɛ, an da ɔ gbaa‑a wan, an mbe ma‑a soe yama chɛ ma fɛn‑da. A 'a gboo chɛ, mɔɛ miin mbe kuɔ fɔ fɔɛ ma sɔn‑da, a na‑a an tɔɛ nyɛn min dɔ, a e na dunya a dan. Soe chɛ ni wan tee fɔɛ ɔ, a ee sanche fɔɛ ɔ, chɛɛ ɛ yɛ‑a wan to fɔɛ ɔ.”

KO Ɔ NUNDENƐ 2:26

Mɔɛ chɛ n gbɛɛ, miin sɔ‑a gban Yataa ko a, miin mbe ma‑a n da a kuiɛ ma, aan an 'na fɔɛ danka a, n mbe gbasaya be‑a wan an ma, Yataa sɔn bai n kun ma.

KO Ɔ NUNDENƐ 20:6

Yataa‑a miin na sɔ a ka saya ɔ tima chɛ a, an duaen mu chɛndɛ chɛ, Yataa 'a mɔɛ mu an na. An mbe ee saya fean bɔɛ chɛ‑a, chɛɛ an mbe ma‑a wan mɔɛ n na mɔ gbu n tɛ ɔ Yataa a, an fea Chasi a, kunka mansa. An bɛ Chasi a, an mbe ma‑a wan mansaya ɔ san wu dɔndɔ ko a.

KO Ɔ NUNDENƐ 22:5

A sin to, pimbi ee ma‑a nɔ kuɔ fɔ, dambo manɛ ma gbɔsɔ ee ma‑a an ma, chɛ ma, tee ma gbɔsɔɛ ni ma an ma. Koe min na mu, Yataa Mansa an mbe ma‑a an 'na manɛ a, an sin mbe ma‑a wan mansa n na, kuɔ fɔ ko a.

KO Ɔ NUNDENƐ 3:21

Mɔ ɔ mɔ min mbe sɔ‑a gban Yataa ko a, n mbe a ma‑a wan, a ni si n baima n 'na mansaya ɔ. An mɔɛ chɛ, ɛ ma‑a wan yɔ n fan, n sɔ‑a buɛ min dɔ gban, mbɛ n‑na si tena chɛ ya Fa Yataa tɔnfɛ.”

KO Ɔ NUNDENƐ 4:4

Mansa sea bi fea kun ma naanin dɔ mende ni wan nɔ, an mansa sea dɔndɔɛ chɛ a tindanɛ. Gbakoo bi fea kun ma naaninɛ n ni wan si ɔ an mansa sea chɛ n na. An ma bɛnden ni koa gbɛ an dɔ, sanu mansa banfua sienɛ an kun na.

KO Ɔ NUNDENƐ 6:9

Sa tɔngbɔɛ chɛ‑a yuu duun bɔɛ tɛ kɛn, mbɛ gbengbe kɔɔ, fen kunyɛ a diama ɛ minda min ma, n‑na fuɛ n yen. An na‑a chɛ n fan fa tee, sɔ koe a den an 'na danaya ɔ Yataa a, a basan Yataa 'a bai sa koe a.

KO Ɔ NUNDENƐ 7:3

Maeka chɛ ɔ, “Wo sɛmbɛ, wo ma ko yama ma duu gboo a, wo ma a ma kɔ yii a, wo ma a ma kɔnɛ n na. Wo a ma kɔn, aan nn ni nyɛnɛ sa Yataa 'a wai chɛ mɔɛ n ya kɔɔ.”