KO Ɔ NUNDENƐ 20:14 - Yataa 'a Dɔbɛnɛ Nama

¹⁴ Mbɛ saya fea faa a, an na dɛ‑a ta man ba ɔ. Ta wa chɛ ɔ ta, an mu saya fean bɔɛ a, a dankama.

KO Ɔ NUNDENƐ 20:14 ပူးပေါင်းရင်းမြစ်များ

GBOO SAA KƆYINDI KO A 15:26

Chɛɛ ma nyɔɛ dankama, Yataa ɛ kun‑da min ma, an nɛ saya a.

GBOO SAA KƆYINDI KO A 15:53

Koe min na mu, mmɔ gboo chɛ, min mbe tui ka, ɛ fan‑da wan gboo a, min mbe ee fa a to, a ni tui.

KO Ɔ NUNDENƐ 1:18

Mbɛ a ɔ, “A yen ko, chi ɛ n boo ɔ saya ko a, a basan ta koe a faa a. N faen fan ni, chɛɛ a yen ko, n mbe fɔɛ ɔ kuɔ fɔ ni kuɔ fɔ ko a. N fan, fɔɛ ɛ n fan boo ɔ.

KO Ɔ NUNDENƐ 14:10

A ɔ, “Yataa wɛɛ, ɛ a 'a faagbandia gbɛ be‑a wan an mɔɛ chɛ n gbɛɛ ma.” A ɔ, “An mbe a 'a faatɛ tɔmbua a faenɛ ɛ gban, an mbe a min‑da wan.” A ɔ, “An mɔɛ chɛ n mbe tɔɔya‑a wan, ta a, a basan sen gbandi ma yawaenɛ a yɔ ta.” A ɔ, “Chɛ ɛ ma‑a wan an na, sa tɔngbɔɛ ya kɔɔ, a basan a 'a maeka n gbɛɛ a.”

KO Ɔ NUNDENƐ 19:20

Mbɛ an‑na soe yama chɛ bia wan, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. A‑a kamaya koe n ma wan an soe yama chɛ ya kɔɔɛ ma. An koe chɛ n fan na‑a mɔɛ chɛ n bun, miin na‑a soe yama chɛ 'a nyɛnɛ sa an ma, miin bɛɛ na‑a fen chɛ fai, fenɛ min bɔen ni soe yama chɛ a. Soe yama chɛ, an fea soe yama fean bɔɛ chɛ a, an na dɛ‑a wan ta man ba chɛ ɔ, sen gbandima wa faen ni min na.

KO Ɔ NUNDENƐ 2:11

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ ee saya fean bɔɛ chɛ‑a.”

KO Ɔ NUNDENƐ 20:10

Nyina yama n 'na mansa chɛ sin, min na‑a an bun ka, a a dɛ‑a wan ta man ba chɛ ɔ, sen gbandima wa chɛ ni ka min dɔ. Ta chɛ ɔ ni, an‑na soe yama chɛ a dɛ min dɔ, an fea fania fɔ mɔɛ chɛ a, min ni a wandi ya Yataa 'a gbonka chɛ mɔɛ a. Su ɔ tee a, an gbɛɛ sin mbe ma‑a tɔɔya an dɔ, ta chɛ ɔ, kuɔ fɔ ko a.

KO Ɔ NUNDENƐ 20:13

A tima chɛ a, mɔɛ miin na‑a to yii ɔ tee, an bɔ‑a wan. Mɔɛ chɛ n bɛɛ, miin ni faa a, an bɔ‑a wan. An gbɛɛ ta‑a wan Yataa chen kɔɔ, kaa a tɛ koe a an bakoe ma. Kaa chɛ a ɛ tɛ‑a, a ka an chɛ chɛ wai n fan ma dunya ma.

KO Ɔ NUNDENƐ 20:15

A sin, mɔ ɔ mɔ min tɔɛ nii ma bɔ ni gboo chɛ ɔ, mɔɛ miin‑na kuɔ fɔ fɔɛ ma sɔn, an tɔɛ ɛ gboo min dɔ, an mɔɛ chɛ a dɛ‑a wan ta man ba ɔ.

KO Ɔ NUNDENƐ 20:6

Yataa‑a miin na sɔ a ka saya ɔ tima chɛ a, an duaen mu chɛndɛ chɛ, Yataa 'a mɔɛ mu an na. An mbe ee saya fean bɔɛ chɛ‑a, chɛɛ an mbe ma‑a wan mɔɛ n na mɔ gbu n tɛ ɔ Yataa a, an fea Chasi a, kunka mansa. An bɛ Chasi a, an mbe ma‑a wan mansaya ɔ san wu dɔndɔ ko a.

KO Ɔ NUNDENƐ 21:4

Ɛ di gbɛɛ ka‑a wan an ya a. Saya ee ma‑a to nɔ, n mbe ee baa sanka di chɛ koe ma, chɛ ma, di gbama gbama, tɔɔya wɛɛ ee ma‑a nɔ. Koe min na mu, koe kɔma n gbɛɛ, miin ni ma tee, an gbɛɛ ban‑da tuin‑da.”

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 6:8

Mbɛ a yen ko, n‑na soo yen, a gboo maenɛ ɛ panfuan. Mɔɛ min ni soo chɛ kun ma, a tɔ ni Saya. A bɔɛ min sin ni na tena, a gbaa chia a, a tana, a tɔ ni Faa. Gbasaya been fan ni an ma, dunya chɛ ɔ mɔɛ n kaka dɔndɔ kun ma, ni an mɔɛ chɛ n du‑a kaina naaninɛ a. Gbasaya be‑a wan an ma mɔɛ n fa koe a, chɛɛ chɛ mɛ a. A yɛ to, an ni an fa daun fen daun sɔɛ a, ni gbandi yama a, a basan bia chɛ soe n na.