KO Ɔ NUNDENƐ 20:12 - Yataa 'a Dɔbɛnɛ Nama12 Mbɛ mansa sea chɛ ya kɔɔ to, n‑na mɔɛ n yen fan sɔ ɔ, yɔn tɔɛ n bɛ nyan tɔɛ n na, miin na‑a fa tee. Gboo n bɛɛ da a kaen fan ni, mɔ gbu gbɛɛ dunya ma, an chɛ chɛ wai nu, an nyɛn‑da gboo miin dɔ. Mbɛ gboo dɔ mende wɛɛ da a kaen fan ni, mɔɛ n tɔɛ ni gboo min dɔ, mɔɛ nu, miin mbe ma‑a fɔɛ ɔ kuɔ fɔ ko a Yataa chen kɔɔ. Mɔɛ chɛ n gbɛɛ, miin na‑a fa, kaa a tɛ‑a wan an bakoe ma. Dɔndɔ dɔndɔɛ a, mɔ ɔ mɔ na‑a min ma dunya chɛ ɔ, a nyɛndenɛ ɛ gboo chɛ ɔ, kaa a tɛ‑a an ma. အခန်းကိုကြည့်ပါ။ |
A sin, n mbe i wɛɛ ɔ tisa tena, i wɛn mbe wai chɛ tena danaya ɔ, n toen mu i ni musu fea chɛ n deman. Koe min na mu, an‑na toa si wan n kɔɔ, n 'na wai ɔ, sakana bai chɛ a ta koe a ya ɔ ma. An bɛ ni Kemendi a, a basan n bɔ wai chɛ mɔɛ tɔɛ n na. A sin, an tɔɛ ɛ wan gboo chɛ ɔ, mɔɛ n tɔɛ ɛ min dɔ, miin mbe kuɔ fɔ fɔɛ ma sɔn‑da.
Mɔɛ miin ma i sɔn, an faa tɛen fan ni yama yama, chɛɛ i ta faatɛ che‑a gbɛ a ma, kaa a tɛ tima che‑a gbɛ fuɛ n ma. I 'a wai chɛ mɔɛ nu, gbonka chɛ mɔɛ nu i ko a, an 'na tɔnɔnɛ tima che‑a gbɛ. I 'a mɔɛ nu, an bɛ mɔɛ n na, miin mbe chian i tɔɛ ma, yɔn tɔɛ n bɛ nyan tɔɛ n na, an 'na tima che‑a. Miin mbe kasaa‑a dunya ɔ, an kasaa tima che‑a.”
I na‑a soe yama min yen ka sunɛ, a ni wan fɔɛ ɔ, chɛɛ a fa‑a gbɛ. A ɛ na tena wan bɔ‑a to, a ka son dɔ yiien ba chɛ ɔ, min danka ee ka. A sin, ɛ ta‑a wan kaina chɛ, Yataa ɛ a kasaa kaina min. Dunya chɛ ma mɔɛ nu, Yataa nii ma miin tɔɛ nyɛn ni a 'a gboo ɔ, an gbɛɛ, an da ɔ gbaa‑a wan, an mbe ma‑a soe yama chɛ ma fɛn‑da. A 'a gboo chɛ, mɔɛ miin mbe kuɔ fɔ fɔɛ ma sɔn‑da, a na‑a an tɔɛ nyɛn min dɔ, a e na dunya a dan. Soe chɛ ni wan tee fɔɛ ɔ, a ee sanche fɔɛ ɔ, chɛɛ ɛ yɛ‑a wan to fɔɛ ɔ.”