KO Ɔ NUNDENƐ 2:23 - Yataa 'a Dɔbɛnɛ Nama

²³ Mɔɛ chɛ n gbɛɛ, miin mbe a fɛ, n mbe an fa‑a wan. A sin chɔchi chɛ n gbɛɛ, an mbe a ɔ sɔn‑da wan, mbɛ n fan‑na mɔ ɔ mɔ yii ma sɔn, a basan mɔ ɔ mɔ faa ɔ koe a. Dɔndɔ, dɔndɔɛ a mu, n mbe an gbɛɛ pawa‑a, yɔ an mbe wai chɛ‑a buɛ min dɔ.”

KO Ɔ NUNDENƐ 2:23 ပူးပေါင်းရင်းမြစ်များ

MATIU 16:27

Chɛ an fɛ mu, wo ma ka n fɛ. Koe min na mu, n fan, Mɔ Gbu 'a Denɛ, n mbe na‑a wan to dunya chɛ ɔ, nn bɛ n 'na maeka n na. Ni nn sin ma‑a na‑a, nn mbe ma‑a wan man‑da Fa Yataa 'a manɛ a. An tima chɛ a, n mbe mɔ ɔ mɔ pawa‑a wan a 'a wai ko a, ɛ min chɛ‑a.

DUKU 16:15

Mbɛ Chisɔsi ɔ, “Mɔɛ n mu wo a, miin mbe an fandi n ma mɔ chɛndɛ n na an bɔɛ n ya kɔɔ, chɛɛ Yataa‑a wo faa n dɔ sɔn fan. Mɔ gbu n mbe fenɛ min ya fen ma kawaenɛ a, an mu fen ma nyamuienɛ a Yataa tena.

CHƆN 21:17

A gba sawan bɔɛ ɔ, a ɔ, “Kai Chɔn 'na denɛ Saimɔn, n ko a di wan i ye?” Chɛ nɛnɛ ɔ, Pita faa yɔn‑da wan, Chisɔsi ni sɔ ɔ tisa min chɛ‑a a a, ni a ko a di wan a ye. Chɛ ko a, mbɛ a ɔ, “Mansa, i‑a ko ɔ ko ɔ sɔn fan. I‑a a ɔ sɔn fan, i ko a di buɛ min dɔ n ye.” Mbɛ Chisɔsi ɔ, “N fɛ mɔɛ n kun ma fɛn, yɔ an mbe sa n kun ma fɛn buɛ min dɔ.”

CHƆN 4:16

Mbɛ Chisɔsi ni a fɔ gbɛ a ye, a ɔ, “Ta wɛ, i ni i chɛɛ chee, mbɛ wo fea na‑a a a.”

CHISƆSI 'A SƆ MƆƐ NU 1:24

Mbɛ an‑na samunɛ chɛ, an dɔ te, “Mansa Yataa, i wan‑na mɔ gbu gbɛɛ yii ma koe ɔ sɔn. Chɛ ko a, Fa, mɔ fea chɛ n tɛ ɔ, a ɔ yian nn na, ni i‑a i boo sɔ min ma,

GBOO DOMI KO A 14:12

Chɛ an fɛ mu, mmɔ gbɛɛ, dɔndɔ, dɔndɔɛ a, mmɔ ɛ a ɔ yian‑da wan Yataa a, mmɔ ɛ wai min chɛ‑a dunya chɛ ɔ.

GBOO DOMI KO A 8:27

Yataa sin gbu, a‑a a ɔ sɔn fan, koe miin mbe mmɔ faa n dɔ. Chɛ an fɛ mu, ɛ a Nyina chɛ yii ma sɔn fan. A mu min na, Yataa Nyina chɛ ɛ a disa tena wan mmɔ ko a, a 'a mɔɛ nu. A Nyina chɛ sin mbe samunɛ chɛ tena koe chɛ an ko a, Yataa toen mu min na an ko a.

GBOO FEAN BƆƐ KƆYINDI KO A 5:10

Koe min na mu, mmɔ gbɛɛ, mmɔ ɛ sɔ‑a wan Chisɔsi chen kɔɔ tee dankama tee ma, a ni kaa a tɛ mmɔ wakoe ma. Ɛ mmɔ gbɛmbo‑a wan dɔndɔ dɔndɔɛ a. Mɔ ɔ mɔ sin mbe koe miin ma‑a, dunya ma gboo chɛ ɔ, an koe n ni nyan, an ni yaua wan, mɔ ɔ mɔ ɛ an pawa ma sɔn‑da.

Gboo Kadesia Ko A 6:5

Koe min na mu, Yataa ee mɔ ɔ mɔ bia a nyɔn sɔnɛ a.

GBOO IBU MƆƐ N KO A 4:13

A sin, Yataa chen kɔɔ, fen kɔ fen mbe ee nɔ, min mbe nun a ma. Chɛɛ ko ɔ ko kan kɔ kan, an mbe wan sa ɔ den, a ya kɔɔ. Mmɔ gbɛɛ sin, mmɔ ɛ mmɔ chɛ chɛ wai ɔ yian‑da a wan na.

1 PITA 1:17

Ni wo ma‑a samun‑da a tena, wo e a chee wo Fa an na. A sin mbe ma kaa a tɛ‑a, a ee a boo don mɔɛ n tɛ ɔ. Ɛ kaa a tɛ mɔ ɔ mɔ chɛ chɛ wai n fan ma. Chɛ an‑na a fɔ, sonda mu ka buɛ min dɔ wo 'a fɔɛ chɛ ɔ nɛ dunya ma, wo chian Yataa ma, aan a che tee dankama tee ma.

KO Ɔ NUNDENƐ 2:11

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ min mbe sɔ‑a gban Yataa ko a, a mɔɛ chɛ ee saya fean bɔɛ chɛ‑a.”

KO Ɔ NUNDENƐ 2:7

A ɔ, “Wo wɛn too ɛ koe a min, wo chɛ a min,” a ɔ, “Yataa Nyina ɛ bai min sa tena chɔchi chɛ n tena.” A ɔ, “Mɔ ɔ mɔ miin mbe sɔ‑a gban Yataa ko a, an mɔɛ chɛ nu, n mbe a ma‑a wan, an ni kɔnɛ chɛ gbɔɛ daun, kɔn chɛ Yataa 'a yadi ɔ banda bu ɔ, min mbe kuɔ fɔ fɔɛ be.”

KO Ɔ NUNDENƐ 20:12

Mbɛ mansa sea chɛ ya kɔɔ to, n‑na mɔɛ n yen fan sɔ ɔ, yɔn tɔɛ n bɛ nyan tɔɛ n na, miin na‑a fa tee. Gboo n bɛɛ da a kaen fan ni, mɔ gbu gbɛɛ dunya ma, an chɛ chɛ wai nu, an nyɛn‑da gboo miin dɔ. Mbɛ gboo dɔ mende wɛɛ da a kaen fan ni, mɔɛ n tɔɛ ni gboo min dɔ, mɔɛ nu, miin mbe ma‑a fɔɛ ɔ kuɔ fɔ ko a Yataa chen kɔɔ. Mɔɛ chɛ n gbɛɛ, miin na‑a fa, kaa a tɛ‑a wan an bakoe ma. Dɔndɔ dɔndɔɛ a, mɔ ɔ mɔ na‑a min ma dunya chɛ ɔ, a nyɛndenɛ ɛ gboo chɛ ɔ, kaa a tɛ‑a an ma.

KO Ɔ NUNDENƐ 20:13

A tima chɛ a, mɔɛ miin na‑a to yii ɔ tee, an bɔ‑a wan. Mɔɛ chɛ n bɛɛ, miin ni faa a, an bɔ‑a wan. An gbɛɛ ta‑a wan Yataa chen kɔɔ, kaa a tɛ koe a an bakoe ma. Kaa chɛ a ɛ tɛ‑a, a ka an chɛ chɛ wai n fan ma dunya ma.

KO Ɔ NUNDENƐ 22:12

Mbɛ Chisɔsi ɔ, “A yen ko, a ɔ ee yansan tena to, mbɛ n na‑a. N mbe na‑a wan tɔnɔnɛ a, mɔ ɔ mɔ‑a kuiɛ a yɛ koe a, yɔ a na‑a wai min nyɔn sima chɛ.

KO Ɔ NUNDENƐ 6:8

Mbɛ a yen ko, n‑na soo yen, a gboo maenɛ ɛ panfuan. Mɔɛ min ni soo chɛ kun ma, a tɔ ni Saya. A bɔɛ min sin ni na tena, a gbaa chia a, a tana, a tɔ ni Faa. Gbasaya been fan ni an ma, dunya chɛ ɔ mɔɛ n kaka dɔndɔ kun ma, ni an mɔɛ chɛ n du‑a kaina naaninɛ a. Gbasaya be‑a wan an ma mɔɛ n fa koe a, chɛɛ chɛ mɛ a. A yɛ to, an ni an fa daun fen daun sɔɛ a, ni gbandi yama a, a basan bia chɛ soe n na.