KO Ɔ NUNDENƐ 2:14 - Yataa 'a Dɔbɛnɛ Nama

¹⁴ Chɛɛ n bu ɔ ma di koe dɔ n na, a si wo ma. Mɔɛ dɔ nu wo tɛ ɔ, an mbe bea tena kan chɛ an fɛ, Badaan ɛ min chɛ tena, Badaan min‑na Badaki kan, Isɔɛɛ mɔɛ n na dɛ koe a ko yama ɔ. A‑a a ma wan, an‑na daun fenɛ n daun, miin ni bɔ yasi a fania yataa n tena. Mbɛ a yɛ‑a to, a‑a a ma, an‑na koe tɛ.

KO Ɔ NUNDENƐ 2:14 ပူးပေါင်းရင်းမြစ်များ

MATIU 18:7

A yau gba mɔɛ n ko a dunya ɔ, a mu min na, koe n mbe wan nɔ, miin mbe an na dɛ‑a ko yama ma ɔ. Ko yama gbu n mbe ma wan, chɛɛ a yau gba mɔɛ chɛ ko a, min mbe a bɔ mɔ gbu a dɛ‑a ko yama ma ɔ.

CHISƆSI 'A SƆ MƆƐ NU 15:29

Wo ma daun fenɛ daun, mɔɛ n‑na min bɔ yasi a, fen chɛ n tena, miin ma Yataa a. Wo ma soe kan kɔ kan daun, min kanɛ a ma tɛ ni, wo gbu sin ma wii daun. A yɛ to, wo ma koe tɛ. Ni wo ma wo boo chɛ ni to chɛ n dɔ, a nyin fan wo ko a. Wo mmɔ a gbɛ.

CHISƆSI 'A SƆ MƆƐ NU 21:25

Chɛɛ chɛ n tana, miin ma Chu mɔ a, chɛɛ an‑na an kai fa Chisɔsi a, nn‑na gboo nyɛndenɛ a ta wan an tena. Nn‑na a fɔ wan an ye, mbɛ nn ta yiima ɔ, an ma daun fen kan kɔ kan daun, mɔɛ n‑na min bɔ yasi a, fen chɛ n tena, miin ma Yataa a. A yɛ to, an ma wii daun, an gbu ma soe kan kɔ kan daun, min kanɛ a ma tɛ ni. A sin to, an ni an boo bɔ ko tɛ ɔ.”

GBOO DOMI KO A 11:9

Mansa Defidi na‑a bai dɔndɔ gbe chɛ an fɔ suun, a ɔ, “Yataa ni gbai a sɛ an mɔɛ chɛ n ma,” a ɔ, “an ni chɛɛ a a, daun fen chɛ a, min mbe dia an da a.” A ɔ, “Yataa ni an na bea, a ni an tɔɔ.”

GBOO DOMI KO A 14:13

Chɛ an fɛ mu, mmɔ sɛmbɛ kaa a tɛ koe a, mmɔ bɔ Chisianɛ n bakoe ma, ko yama ma koe ko a. Chɛɛ wo e chɛ an ma. Wo ma koe ma, min mbe a ma, wo bɔɛ n ni ka Yataa 'a chia ma.

GBOO DOMI KO A 14:21

A nyin wo ni dasi chɛ n na min, ni an fan mbe a ma, wo ee mɔ dɔ mende n ka‑a Yataa 'a chia ma. Wo ma soe daun, a sin wo ma gbɛ min. A yɛ to, wo ma ko yama kan kɔ kan ma, min mbe a ma, wo bɔ Chisianɛ n bɛɛ ni ka Yataa 'a chia ma.

GBOO DOMI KO A 9:32

Fen na‑a a ma, an nii ma tan ni Yataa tena? Koe min na mu, an yii faen ni an chɛ chɛ wai n fan ma, an yii na nii ma tɛ ni an kai fa buɛ ma Yataa a. An na‑a nama wan sen chɛ ma, sen chɛ min mbe a ma ka, mɔɛ n mbe bea.

GBOO SAA KƆYINDI KO A 1:23

Chɛɛ nn‑na a ɔ yian fan, mbɛ mɔɛ n na‑a kunka mansa fa wan, kɔn gbengbandenɛ ma. Chu mɔɛ n tana, an mbe chɛ ya mainɛ an na. Chɛ n sin, miin ma Chu mɔ a, an mbe a ya dechee wooya bai an na.

GBOO SAA KƆYINDI KO A 7:2

Chɛɛ mɔ sɛsɛ ɛ waa ma basan ko yama ma wan. Chɛ an fɛ mu, a nyin kai kan kɔ kan ni a ta musu ma sɔn, musu kan kɔ kan bɛɛ.

GBOO IBU MƆƐ N KO A 13:4

Basɔmaya wa ni be fuu ma, wo gbɛɛ tɛ ɔ. A sin, wo ma waa ma basan mɔ dɔ mende n na, wo ee miin na fuu ɔ. Koe min na mu, mɔɛ min mbe koe tɛ, ɛ waa ma basan mɔ dɔ mende n na, Yataa ɛ a mɔɛ chɛ gbɛmbo‑a wan.

1 PITA 2:8

Yataa 'a gboo‑a a fɔ wan to, a ɔ, “Mɔɛ n mbe an chenɛ n na tu‑a sen chɛ an na, an sen chɛ, mɔɛ n mbe nama‑a min ma, mbɛ an bea‑a.” An mbe an chenɛ n na tu‑a wan, koe min na mu, an ma dan ni Yataa 'a bai a. Yataa sin‑na a ɔ bɛn ka wan an ko a.

2 PITA 2:15

An ka‑a tea chia ma fion fion, an mbe gbɛ an kun fan ye. An beaen mu gbɛ Badaan na chia an fɛ, Yataa 'a gbonka chɛ mɔɛ chɛ, min ni kai Bɛɔ 'a denɛ a. Badaan nii ma a gbɔsɔ ni ko yama ma koe a, ni a‑a kɔpɔɛ an ma sɔn dechee.

CHUDA 1:11

Koe min mbe an tan‑da, a yau gba an ko a. An puin‑da mɔna chɛ chen gba ɔ, mɔna min tɔ ni Ken, min na‑a a dɔɛ fa. Kɔpɔ koe‑a a ma, an bɔ‑a Badaan gba ɔ, an mbe ko ɔ ko ma wan kɔpɔ koe a. A yɛ to, Kɔya 'a gbunɛ nyɔn sima, an‑na a a bea, min‑na an kasaa pɔɛ.

KO Ɔ NUNDENƐ 2:20

Chɛɛ n bu ɔ ma di chɛ a, a si wo ma. Wo ee ko ɔ ko ma tena, a si musu chɛ ma, Chɛsibɛɛ musu chɛ, min‑na a wandi ya Yataa 'a gbonka chɛ mɔɛ a. Chɛɛ ɛ kanɛ min chɛ tena, ɛ n 'na mɔɛ n sɔ tena chia yama an ma, an mbe ko yama tɛ‑a, a basan daun fen daunɛ a, min mbe bɔ yasi a fenɛ n tena, an mbe miin ya yataa a.

KO Ɔ NUNDENƐ 2:4

Chɛɛ wo ma bɔ chia, ɛ dɔndɔ gbe. Koadia ee to wo faa ɔ chɛndɛ chɛ, yɔ a ni buɛ min dɔ a ɔ a saa a.

KO Ɔ NUNDENƐ 21:8

Chɛɛ mɔɛ chɛ n tana, an gbɛɛ, an baa ɛ ma‑a ta man ba chɛ an na, sen gbandima chɛ ɛ ka min dɔ. Mɔɛ chɛ nu, miin mbe chian sɔ koe a gban Chisɔsi ko a, miin mbe sɛmbɛ dan koe a Chisɔsi a, a basan chɛ n na, miin mbe ko yama sɛsɛ ma. A yɛ to, mɔ fa mɔɛ chɛ nu, ko yama tɛ mɔɛ nu, sua chɛ nu, miin mbe fenɛ n fai, miin ma Yataa a, an bɛ fania fɔ mɔɛ n gbɛɛ a. An mbe ma min chɛ‑a ta chɛ ɔ, an mu an 'na saya fean bɔɛ a, a dankama.”

KO Ɔ NUNDENƐ 22:15

Chɛɛ mɔɛ chɛ n nɛnɛ nu, wuu chɛ nu, an mbe ma‑a an duu wa chɛ fɛnsi kɔ wan. Mɔɛ nu, miin mbe suaya a, ni miin mbe ko tɛ a. Chɛ n bɛɛ miin mbe mɔɛ fa, ni miin mbe fenɛ n fai, min ma Yataa a. A basan chɛ n gbɛɛ a, miin toen mu fania koe n na, an sin mbe fania fɔ tima ɔ tima ko a.