KO Ɔ NUNDENƐ 19:9 - Yataa 'a Dɔbɛnɛ Nama

⁹ Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”

KO Ɔ NUNDENƐ 19:9 ပူးပေါင်းရင်းမြစ်များ

DUKU 22:16

Koe min na mu, n ni a ma din wo tena, mbɛ n mbe ee daun fen chɛ sima daun‑da to. Ni n‑na a daun to, fɔ dechee tima min na Yataa‑a a 'a mansaya ɔ yian, mbɛ a‑a a 'a mɔɛ n kun ka fion.”

1 TIMOTI 1:15

Tea bai yen ko, Chisɔsi Chasi na‑a dunya ɔ ko yama ma mɔɛ n baun koe an na. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a. N fan Pɔɔ, ko yama ma mɔɛ n 'na mansa mu n na.

1 TIMOTI 4:9

Tea bai an nɛ. Kɔɔsa bia kan kɔ kan mbe ee chɛ ma, a sin mbe nyan fan mɔ ni dan a a.

2 TIMOTI 2:11

Tea bai yen ko. Mmɔ ma min chɛ‑a mɔ dɔndɔɛ a Chasi a, mmɔ sɔn kɔma n bɛɛ, an na‑a fa‑a wan, an bɛ Chasi a, mmɔ bɛ ɛ ma‑a wan to a a banda bu ɔ.

TAITƆSI 3:8

Tea bai an nɛ, n mbe ka min fɔ tena. N toen mu i ni koe chɛ n ma i ma gbɔsɔɛ a, min mbe a ma, mɔɛ miin kai faen mu Yataa a, an ni tachɛ gbee chɛ a. Chɛ ɛ a ma‑a wan, an ni ko chɛndɛ ma bia an boo fea a, min nyin. A sin, tɔnɔnɛ ɛ wan a ɔ, mɔ ɔ mɔ ko a.

KO Ɔ NUNDENƐ 1:1

Yataa‑a koe chɛ n fan dɔ yian Chisɔsi Chasi a, koe miin ni na tena ma‑a sanche. Yataa na‑a chɛ ma, min mbe a ma, Chisɔsi wɛɛ ni an dɔ yian mɔɛ n na, miin mbe a ko a. Chɛ an fɛ mu, Chisɔsi‑a a 'a maeka sɔ wan, a ni an sakana chɛ a ben a 'a yɔnɛ Chɔn tena.

KO Ɔ NUNDENƐ 1:19

E koe miin dɔ yen tena sanche, an nyɛn, a basan chɛ n bɛɛ a, miin mbe na tena ma‑a.

KO Ɔ NUNDENƐ 10:4

Banda chɛ sɛmbɛ‑a kɛn koɔ koe a, a‑a min gbɛɛ fɔ, n toen ni n ni a nyɛn. Chɛɛ n‑na kuiɛ a min fan, a ka banda bu ɔ, a ɔ, “Koe chɛ n sa i yii ma. I ma an nyɛn gboo ma.”

KO Ɔ NUNDENƐ 14:13

Mbɛ n‑na mɔɛ kuiɛ a min to, a ka banda bu ɔ, a ɔ, “Bai chɛ nyɛn bɛ. I ɔ, a ka sanche ma, mɔɛ miin mbe an kai fa‑a Mansa Chisɔsi a, aan an ni fa, an duaen mu.” Mbɛ Yataa Nyina ɔ, “Tea ko a, an duaen mu. An mbe ee yakɔɔtawa kan kɔ kan dɔ yen‑da to, koe min na mu, an chɛ chɛ wai an mbe an ma konan‑da Yataa tena.”

KO Ɔ NUNDENƐ 17:1

Mbɛ maeka wɔnfea chɛ n dɔndɔ, miin‑na pani chɛ n dɔ wuyan ka, a na‑a n tena, a ɔ, “Na wɛ, n ni a ɔ yian i a, duu dia wa chɛ, Yataa ɛ kaa a tɛ‑a buɛ min dɔ a wakoe ma.” A ɔ, “Duu dia chɛ mu duu wa chɛ an na, min sɔen mu ka yii sɛsɛ n kaa a.”

KO Ɔ NUNDENƐ 17:17

Koe min na mu, Yataa an‑na a chɛ an faa ɔ, an yiima bɛn‑da kaina dɔndɔ, kuiɛ dɔndɔɛ ɔ, an ni an 'na mansaya be soe yama chɛ ma. Yataa faa ma koe ni a a, an ni ma soe yama chɛ kɔɔ, aan Yataa 'a dɔbɛnɛ gbɛɛ kunɛ a ni bia chɛndɛ chɛ.

KO Ɔ NUNDENƐ 2:1

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Ɛfisɔsi duu ɔ. A ɔ, “N fan, mɔɛ chɛ, tɔmbuaka wɔnfea chɛ n mbe min boo a,” a ɔ, “n fan, mɔɛ chɛ, min mbe tachɛ chɛ sanu dambo si fen wɔnfea chɛ n tɛ ɔ,” a ɔ, “n 'na sakana an nɛ.”

KO Ɔ NUNDENƐ 2:12

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Pakamɔn duu ɔ. A ɔ, “N fan, mɔɛ chɛ, n fɛn 'na chɛɛ chɛ mɛ da ɛ a bu ɔ, ɛ a kɔɛ, a a saenɛ ɛ chɛndɛ chɛ,” a ɔ, “n 'na sakana an nɛ.”

KO Ɔ NUNDENƐ 2:18

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Tiyatiya duu ɔ. A ɔ, “N fan, mɔɛ chɛ, n fɛn mu Yataa 'a denɛ a,” a ɔ, “n fɛn ya ɛ yɔ sanku manɛ, n chenɛ ɛ man‑da taun, yɔ kundu min bɔ‑a faa ta ɔ,” a ɔ, “n 'na sakana an nɛ.”

KO Ɔ NUNDENƐ 2:8

Mbɛ a ɔ te to n ma, a ɔ, n ni chɛ nyɛn maeka chɛ tena chɔchi ko a, Simina duu ɔ. A ɔ, “N fan, mɔɛ chɛ, n fɛn mbe a ma fen fen mbe a kuu sɔ,” a ɔ, “n fɛn mbe a ma to fen fen mbe danka, n fan mɔɛ chɛ, n fɛn fa‑a, mbɛ n yɛ‑a to fɔɛ ɔ.”

KO Ɔ NUNDENƐ 21:5

Yataa wɛn sin ni si ɔ a 'a mansa sea a, a ɔ, “A yen ko, n‑na fen fen ma a nama a gbɛ.” Mbɛ a ɔ te to n bɛɛ ma, a ɔ, “Chɛ nyɛn bɛ, koe min na mu, bai chɛ n mu tea bai n fan na, a nyin mɔ ɔ mɔ ni dan miin na.”

KO Ɔ NUNDENƐ 22:6

Mbɛ maeka chɛ‑a a fɔ n ye, a ɔ, “Bai chɛ n mu tea bai n fan na, a nyin mɔ ɔ mɔ ni dan miin na. Yataa Mansa an mbe a Nyina be a 'a gbonka chɛ mɔɛ n ma, min mbe a ma, an mbe a 'a sakana bai sa. A sin‑na a 'a maeka a na, a ni a ɔ yian mɔɛ n gbɛɛ a, miin mbe a ko a, koe miin mbe na tena ma‑a sanche.”

KO Ɔ NUNDENƐ 3:1

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Sadisi duu ɔ. A ɔ, “N fan, mɔɛ chɛ, n fɛn ta mu Yataa 'a nyina wɔnfea chɛ a, tɔmbuaka wɔnfea chɛ n mbe n fɛn boo ɔ,” a ɔ, “n 'na sakana an nɛ.” A ɔ, “N‑na a ɔ sɔn fan, wo e tachɛ tena buɛ min dɔ. Wo tɔ a diama taen mu, mbɛ mɔɛ mu wo a, miin kai faen mu n na, chɛɛ n fɛ mɔ ma wo a ɛnden bɛɛ a.

KO Ɔ NUNDENƐ 3:14

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Daɔdisia duu ɔ. A ɔ, “N fan, mɔɛ chɛ, n fɛn mbe a ma Yataa da a kuiɛ ni to a gba ɔ, n fɛn mbe tea fɔ a si Yataa ma, n fɛn mbe a 'a dunya gbɛɛ kun ma,” a ɔ, “n 'na sakana an nɛ.”

KO Ɔ NUNDENƐ 3:20

A yen ko, n sɔ‑a chenɛ da a, n mbe a tu‑a. Ni mɔ ɔ mɔ‑a n kuiɛ a min, mbɛ a‑a chenɛ da a ka, n mbe don‑da wan a 'a chenɛ a. A sin, nn fea, nn mbe daunɛ chɛ‑a wan kaina dɔndɔɛ.

KO Ɔ NUNDENƐ 3:7

Mbɛ a ɔ te to, a ɔ, n ni chɛ nyɛn maeka chɛ tena chɔchi ko a, Fidadɛfia duu ɔ. A ɔ, “N fan, mɔɛ chɛ, n fɛn kan nyɔ ee, n fɛn teaen mu, a sin to, Mansa Defidi 'a chi ɛ n boo ɔ.” A ɔ, “N fan mbe chenɛ da a ka, mɔ ɔ mɔ ee a da a tɔn, a yɛ to, n fan mbe a da a tɔn, mɔ ɔ mɔ ee a da a ka.” A ɔ, “N 'na sakana an nɛ.”