KO Ɔ NUNDENƐ 19:8 - Yataa 'a Dɔbɛnɛ Nama

⁸ Sɛnama koa min be‑a a ma, a ni nyin, ɛ man‑da.” Koe min na mu, koa gbɛ chɛ‑a a ɔ yian fan, mbɛ Yataa 'a mɔɛ n chɛ chɛ wai an fan nɛ.

KO Ɔ NUNDENƐ 19:8 ပူးပေါင်းရင်းမြစ်များ

MATIU 17:2

An ya to‑a wan Chisɔsi a, mbɛ a ya kɔɔɛ bun‑da man‑da yɔ tee, mbɛ a ma doma gbɛ‑a fo fo, ɛ ta‑a man‑da taun a ben doma kan kɔ kan ma. Chisɔsi ma fan‑da ka wan.

MATIU 22:12

Mbɛ mansa chɛ ɔ kamin chɛ ma, ‘N dia nyɔɛ, doma min mbe ka i ma, musu si bɛn dɔ doma ma chɛ a. I don‑da ka ma nɛ?’ Chɛɛ kamin chɛ wɛɛ ma bai ɔ bai fɔ ni.

MAKI 9:3

Mbɛ a ma doma bun‑da man‑da, a gbɛenɛ ɛ fo fo. A gbɛen ni buɛ min dɔ, mɔ ɔ mɔ nii che a ma‑a koa ni gbɛ ka.

DUKU 24:4

Mbɛ an na fii‑a, a si koe chɛ ma. An to‑a chɛ an dɔ, mbɛ a yen ko, mɔ kaima fea bɔ‑a an ya a, an mbe sɔ ɔ an baima, an ma chiienɛ ɛ koa manden ba ɔ.

CHISƆSI 'A SƆ MƆƐ NU 1:10

An ya a sien fan ni tun banda chɛ a, a taen chɛ gbakɔ. Mbɛ a yen ko, mɔ kaima fea n mbe sɔ ɔ an baima, an ma chiienɛ ɛ doma gbɛ wa ɔ.

GBOO DOMI KO A 13:14

Chɛɛ wo e min ma, wo to mmɔ 'a mansa Chisɔsi Chasi kɔ, a ni butuinɛ chɛ wo ko a. Wo sɛmbɛ wo yiima a ta koe a wo faa ma koe yama chɛ n tena, bea koe a an fɛ.

GBOO DOMI KO A 3:22

Yataa ɛ mmɔ ya wan mɔ tandenɛ n na a chen kɔɔ, ni mmɔ‑a mmɔ kai fa Chisɔsi Chasi a. Yataa ɛ chɛ ma wan mɔ ɔ mɔ ko a, min kai faen mu Chisɔsi a. Koe min na mu, a ni ma Chu mɔ a, a ma ma Chu mɔ a, Yataa ɛ mɔɛ gbɛɛ bia dɔndɔ gbe.

KO Ɔ NUNDENƐ 15:4

Yataa Mansa, mɔ ɔ mɔ ɛ samba‑a wan i ma chianɛ a. Mɔ ɔ mɔ ɛ basɔmaya be wan i ma. I wan mu dechee tea Yataa a. Dunya gbɛɛ ɛ na‑a i tando‑a wan, i chɛ chɛ wai chɛndɛ ko a, mɔɛ gbɛɛ ɛ min yen.”

KO Ɔ NUNDENƐ 15:6

Mbɛ maeka wɔnfea chɛ n bɔ‑a Yataa 'a chen chɛ a, kasaa wɔnfea chɛ n mbe ka miin boo ɔ. An ma bɛnden ni doma min dɔ, a gbɛen fan ni fo fo, ɛ man‑da. Fenɛ min ni bun dɔ an kaa a, a nyanden ni sanu an dɔ.

KO Ɔ NUNDENƐ 19:14

Soya mɔɛ miin sin ni banda bu ɔ, an‑na an gbee gbasi wan a gbaa chia a, an mbe si ɔ soo gbɛ an kun ma. An ma bɛndenɛ ɛ koa nyima ɔ, a gbɛenɛ ɛ fo fo.

KO Ɔ NUNDENƐ 3:18

Chɛ an fɛ mu, n mbe wo a si tena, wo ni sanu chɛndɛ chɛndɛ san n ma, min mbe a ma, wo ni nyan. A yɛ to, wo ni koa gbɛ wɛɛ san n ma, a ma koe a doma a, wo ma senɛ min mbe, a mau chɛ ni nun. Wo ni bui wɛɛ san to n ma, a chɛ koe a wo ya a ma, wo ni kaina yen.