Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KO Ɔ NUNDENƐ 19:7 - Yataa 'a Dɔbɛnɛ Nama

7 Mmɔ bu ɔ ni dia, mmɔ ni buɔdia wa bɔ, mmɔ ni basɔmaya be a ma. Sa tɔngbɔɛ 'a musu fuu tima che‑a, a sin, a 'a sɛnama‑a a ma bɛn, a fuu koe gbu a.

အခန်းကိုကြည့်ပါ။ ကော်ပီ




KO Ɔ NUNDENƐ 19:7
29 ပူးပေါင်းရင်းမြစ်များ  

Chɛɛ ɛ kɛn an yiinachii chɛ ɔ, a yen ko, Mansa Yataa 'a maeka na‑a a tena cho ɔ. Mbɛ a ɔ, “Chosɛfi, Mansa Defidi 'a dambi ɔ nyɔɛ, i ma sika Mɛi si koe a i 'a musu a. Koe min na mu, a‑a bu min ya ka, Yataa Nyina an‑na a be a ma.


“Yataa 'a mansaya maen fan mu yɔ min ma‑a tai chɛ ɔ. Mansa dɔndɔ ni wan nɔ, min 'na denɛ ni musu si tena. Mansa chɛ na‑a mɔ sɛsɛ chee wan, na koe a bɛn‑da an musu si chɛ ɔ. A sin‑na daun fen ba ɔ bɛn ka wan an ko a.


Wo ma‑a yɔ bɔi denɛ nu, miin mbe an kun ti ma kɔn tena a na koe a chenɛ a, a ka musu si tɔmbɔɛ ɔ. Min mbe a ma, ni a na‑a, a ni chenɛ da tu, an mbe chenɛ da a ka‑a wan a ye bui chɛ a.


Sɛnama tana, musu fuu kai an ta mu a a. Chɛɛ an kai chɛ bɔɛ tana, min mbe ta a ya ɔ, dɔbɛn chɛ koe a, a too an ma sɔenɛ ɛ ma dechee. A bu ɔ dia‑a wan, ni a‑a musu fuu kai gbu kuiɛ a min. N ta buɔdia da faen mu ka wan gbɛ.


N faa gbaaen mu kaka wo ko a, yɔ Yataa faa gbaaen mu buɛ min dɔ. Koe min na mu, wo e wan yɔ sɛnama, min ma kai koe ɔ sɔn. N‑na wo yan mɔ dɔndɔ gbe an ko a, min mu Chasi a.


Koe min na mu, gbasaya ɛ wan mɔ kaima boo ɔ, a 'a musu kun ma, yɔ gbasaya ɛ buɛ min dɔ Chasi boo ɔ, chɔchi kun ma. Chasi wandi gbu sin, an mbe mɔɛ n gbɛɛ baun chɔchi ɔ, miin maen mu yɔ a gboo wandi.


Ko wa dɛgbɛ, an dɔ nundenɛ ɛ ka. Chɛɛ n mbe a fɔ tena, mbɛ a sien mu Chasi an ma, an fea chɔchi a.


Mmɔ wan mu Yataa 'a mɔɛ n na, tea tea ko a. Koe min na mu, mmɔ wan mbe Yataa fai a Nyina 'a gbasaya ɔ. Mbɛ mmɔ yɛ‑a, mmɔ‑a buɔdia bɔ, mmɔ ma koe a mɔ dɔndɔɛ a Chisɔsi a. Mmɔ ma mmɔ kai fa ni ko dɔ mende kan kɔ kan na, mɔ gbu ɛ che min ma‑a.


A sin, a tima chɛ kɔɔ, duu gboo samba‑a wan, a ma chianden ba a. An duu wa duenɛ si tena tanɛ a, kaka dɔndɔɛ yɔn‑da gbae. Mɔ wu wɔnfea n (7,000) fa‑a. Mɔɛ tɔɛ n chian‑da wan, a ɔ benden ba a, mbɛ an‑na Yataa tando, banda bu ɔ mansa.


Mbɛ maeka chɛ ɔ te n ma, a ɔ, “Chɛ nyɛn gboo ɔ. Mɔɛ chɛ n duaen mu, miin cheeen mu sa tɔngbɔɛ 'a musu si tena, daun chɛ koe a.” Mbɛ maeka chɛ‑a a fɔ to n ye, a ɔ, “Bai chɛ nu, min fɔ‑a ka, Yataa da a bai chɛndɛ chɛndɛ n fan nɛ.”


Mbɛ Chuusaɛn bɛɛ, Yataa 'a duu wa chɛ, n‑na a wɛɛ nama yen, ɛ yii‑a a ka Yataa tena banda bu ɔ. An duu wa chɛ, a ma bɛnden fan ni, a ma chiienɛ ɛ chɛndɛ chɛ, yɔ ni sɛnama ma bɛn‑da a chɛɛ ko a.


Mbɛ maeka wɔnfea chɛ nu, an dɔndɔ na‑a. Maeka chɛ nu, pani wɔnfea chɛ n ni miin boo ɔ, kasaa wɔnfea dankama chɛ n faen ni pani miin na. Mbɛ an maeka chɛ koɔ‑a n tena, a ɔ, “Na wɛ, n mbe sɛnama chɛ yian i a, min mbe na tena ma‑a sa tɔngbɔɛ 'a musu a.”


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ