Biblia Todo Logo
အွန်လိုင်း သမ္မာကျမ်းစာ

- ကြော်ငြာတွေ -




KO Ɔ NUNDENƐ 19:6 - Yataa 'a Dɔbɛnɛ Nama

6 Mbɛ a ma‑a, yɔ n‑na mɔ fanka kuiɛ a min. An kuiɛ chɛ maen fan ni gbankon, yɔ yii tu kuiɛ waa a, chɛ ma, banda tu kuiɛ gbau gbau. An dɔ, “Mmɔ Yataa tando, mmɔ 'a mansa, gbasaya mansa wa mu an na.

အခန်းကိုကြည့်ပါ။ ကော်ပီ




KO Ɔ NUNDENƐ 19:6
25 ပူးပေါင်းရင်းမြစ်များ  

I ma dɔn ko ɔ ko ni a ma, nn ni ko yama ma. Chɛɛ i ni nn tanka Sitana ma, nyina yama.’ ”


A chenɛ ɛ man‑da taun yɔ kundu bɔenɛ faa ta a. A kuiɛ sin maenɛ ɛ yɔ yii fa ɛ tu buɛ min dɔ.


Yataa Mansa‑a a fɔ wan, a ɔ, a wan mbe a ma fen fen mbe a kuu sɔ, a wan mbe a ma to fen fen mbe che a danka a. A ɔ, a wan ni suun, a wan mbe sanche, a ɔ, a sin mbe ma‑a wan nɔ kuɔ fɔ ko a. A ɔ, a 'a gbasaya danka ee ma‑a.


Mbɛ n‑na mɔɛ koɔ kuiɛ a min, a ka banda bu ɔ. A koɔ‑a gbankon, a ɔ, “Mmɔ 'a Yataa‑a chɛɛ fo gbɛ. Ɛ a 'a gbasaya a tachɛ wan gbɛ, a 'a mansaya dunya kun ma. Yataa 'a Chasi wɛɛ, mmɔ kun ka mansa, ɛ a 'a gbasaya yian‑da wan dunya ɔ. Nyina yama n 'na mansa chɛ ee to sɔ ɔ Yataa chen kɔɔ, a ee to nɔ, kun yama si koe a mmɔ bɔɛ n kun ma su ɔ tee. Nyina yama chɛ fesan‑da nɔ, a a dɛ‑a dunya ɔ.


Mbɛ n‑na mɔɛ kuiɛ a min, a ka banda bu ɔ, kuiɛ gbankon ba yɔ yii tu kuiɛ, ni chɛ ma, banda tu kuiɛ. Kuiɛ chɛ bɔ‑a wan, yɔ kɔninka gbasi mɔɛ ɛ ma a boo a tɔmbɔ‑a a yuu a.


Maeka chɛ da a kuiɛ chɛ gbakɔ, a ma‑a wan yɔ n‑na mɔ fanka wa kuiɛ a min bɔ‑a gbankon, a ka banda bu ɔ. An dɔ, “Mmɔ Yataa tando, mmɔ 'a mansa, bauncha ɛ an boo ɔ, basɔmaya wɛɛ, a basan gbasaya a.


Mbɛ gbakoo bi fea kun ma naanin chɛ nu, an bɛ fɔɛ fen naanin chɛ n na, an‑na an kumbai gbangban, an‑na Yataa tando, min mbe si ɔ a 'a mansaya sea a. An dɔ, “A ni ma ka. Tando ni be Yataa ma.”


A sin, n ma Yataa 'a chenɛ kan kɔ kan yen ni an duu wa chɛ ɔ, samun chɛ koe a. Koe min na mu, Yataa Mansa wandi, an fea sa tɔngbɔɛ a, an fan mu gbɛ an chen chɛ a, an duu chɛ ɔ.


Mbɛ mansa sea dɔndɔɛ chɛ tena banda bu ɔ, banda man mia mia bɔ‑a nɔ, banda wɛɛ, ɛ ta‑a koɔ‑a gbau gbau, sɔnkɔ sɔnkɔ chɛ kuiɛ ɛ ta‑a bɔ‑a. N‑na dambo wɔnfea wɛɛ yen fan, an mbe man‑da nɔ mansa sea chɛ ya kɔɔ. Chɛ n ni Yataa 'a nyina wɔnfea chɛ n fan na.


N ya to‑a ka wan sa tɔngbɔɛ chɛ a, mbɛ a‑a yuu saa tɛ gboo chɛ ma. Mbɛ fɔɛ fen naanin chɛ n dɔndɔ, n‑na a kuiɛ a min, min ni yɔ banda koɔ kuiɛ. A ɔ, “Na wɛ, i ni ta.”


Mbɛ maeka chɛ‑a sanu pani chɛ ya, mbɛ a‑a a a fa ta a, a‑a min ya gbengbe chɛ ma. Mbɛ a‑a fen kunyɛ a diama ta chɛ ya, a‑a a a bɔn dunya chɛ ɔ. A ya kɔɔɛ a, banda koɔ‑a gbau gbau, banda manɛ ɛ ta‑a ben‑da mia mia, sɔnkɔ sɔnkɔ chɛ kuiɛ ɛ ta‑a bɔ‑a, duu gboo wɛɛ samba‑a to gbididi.


ကြှနျုပျတို့နောကျလိုကျပါ:

ကြော်ငြာတွေ


ကြော်ငြာတွေ