KO Ɔ NUNDENƐ 19:19 - Yataa 'a Dɔbɛnɛ Nama

¹⁹ Mbɛ n‑na soe yama wa chɛ yen, an bɛ dunya ma mansa n na. An 'na soya mɔɛ n na sɔnden fan ni gbɛ, chɛɛ bun koe a mɔɛ chɛ ma, min ni si ɔ soo chɛ kun ma, an bɛ a ta soya n na.

KO Ɔ NUNDENƐ 19:19 ပူးပေါင်းရင်းမြစ်များ

KO Ɔ NUNDENƐ 11:7

An mbe ban‑da kɛn Yataa 'a sakana bai chɛ sa‑a, soe ma chianden ba, ɛ bɔ‑a wan son chɛ ɔ, min danka ee ka, mbɛ a‑a chɛɛ bun an ma. Ɛ kun‑da wan an ma, mbɛ a‑a an fa.

KO Ɔ NUNDENƐ 14:9

Mbɛ maeka dɔndɔ na‑a to, chɛ gbaa, a sawan bɔɛ. A wɛɛ, a koɔ‑a wan gbankon, a ɔ, “Ni mɔ ɔ mɔ‑a soe yama chɛ fai, ni mɔ ɔ mɔ‑a fen chɛ fai, min bɔenɛ a a, ko yama mu.” A ɔ, “Ni mɔ ɔ mɔ‑a nyɛn chɛ sa a ya kɔɔɛ, chɛ ma, a boo a, ko yama mu.”

KO Ɔ NUNDENƐ 16:14

Nyina yama ni an na, miin mbe a ma, kamaya koe n mbe ma. An mbe ta wan mansa kan kɔ kan tena dunya ma, an na kan koe a kaina dɔndɔɛ. An ni chɛ ma tena, chɛɛ chɛ koe an na tee wa chɛ ma, Yataa Mansa Wa 'a tee chɛ.

KO Ɔ NUNDENƐ 16:16

Mbɛ nyina yama chɛ nu, an‑na mansa chɛ n na kan kaina chɛ, Ibu mɔɛ n mbe min chee, an dɔ, Amakɛdon.

KO Ɔ NUNDENƐ 18:9

Mbɛ dunya ma mansa chɛ nu, miin‑na waa ma basan a a, a 'a duu diaya chɛ ɔ, an mbe di chɛ‑a wan, an 'na duu wa chɛ ko a. Ni an‑na a sisi yen bɔ‑a, an mbe di chɛ‑a wan, aan an ya ni yawa.

KO Ɔ NUNDENƐ 19:21

An 'na soya mɔɛ n tana, chɛɛ chɛ mɛ a saen chɛ, min bɔ‑a mɔɛ chɛ da ɔ soo gbɛ chɛ kun ma, a‑a an gbɛɛ fa wan. Konde n gbɛɛ, an bu ni te tena wan an su daunɛ a.