KO Ɔ NUNDENƐ 19:12 - Yataa 'a Dɔbɛnɛ Nama

¹² A ya ni wan yɔ ta sanku manɛ, a kunɛ sin na, mansa banfua sɛsɛ an ni si ɔ a a. A gboo wɛɛ ma, tɔɛ nyɛnden fan ni a ma, mɔ ɔ mɔ ma min sɔn, fɔ a dɔndɔ gbe dechee.

KO Ɔ NUNDENƐ 19:12 ပူးပေါင်းရင်းမြစ်များ

MATIU 11:27

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma ko ɔ ko kun ma. Fa dɔndɔ gbe an‑na n sɔn chɛndɛ chɛ. N bɛɛ n dɔndɔ gbe an‑na Fa sɔn chɛndɛ chɛ. N‑na mɔɛ miin ya Fa sɔn koe a, an bɛɛ‑a a sɔn fan chɛndɛ chɛ.

MATIU 21:5

“Wo a fɔ mɔɛ n ye Chuusaɛn duu wa chɛ ɔ, wo ɔ, an ni an ya a ta, an 'na mansa yen ko na‑a an tena. Wo ɔ, a ɔ ma panda ni. Wo ɔ, a sin mbe si ɔ sofɛ an kɔ, sofɛ den tɔngbɔɛ kaima.”

MATIU 28:18

Mbɛ Chisɔsi gbɛn‑da an ma, mbɛ a ɔ, “Fa min mbe banda bu ɔ, a‑a gbasaya gbɛɛ be n ma, fen fen kan kɔ kan kun ma, banda bu ɔ a basan dunya chɛ ma a.

DUKU 10:22

Mbɛ a‑a a fɔ mɔɛ chɛ n ye, a ɔ, “Fa‑a gbasaya gbɛɛ be n ma, ko ɔ ko kun ma. Fa dɔndɔ gbe an‑na a ɔ sɔn chɛndɛ chɛ, mɔɛ min mu n na. N bɛɛ n dɔndɔ gbe an‑na a ɔ sɔn chɛndɛ chɛ, mɔɛ min mu Fa a. N‑na mɔɛ miin ya Fa sɔn koe a, an bɛɛ‑a a ɔ sɔn‑da wan chɛndɛ chɛ, mɔɛ min mu Fa a.”

CHƆN 17:11

Sanche chɛ ɔ gbɛ, n mbe chia an na, na koe a i tena. N tana, ɛ gbɛ buɛ min dɔ, n mbe ee ma tena to dunya chɛ ɔ. Chɛɛ an tana, an mbe wɛ nɛ chɛ a ɔ. Fa, i wɛn kan nyɔ ee, an kun ma fɛn, min mbe a ma, an ni ma mɔ dɔndɔɛ a an nyɔn tena, yɔ mɔ ɛ buɛ min dɔ. Chɛ ma i 'a gbasaya ɔ, i na‑a gbasaya min sima be n ma.

CHƆN 17:12

Tima min na nn bɛ ni an na, n na‑a an kun ma fɛn fan chɛndɛ chɛ. N na‑a chɛ ma i 'a gbasaya ɔ wan, i na‑a gbasaya min be n ma. A sin, n ma fo nin bɛ an dɔndɔ wɛɛ a. Chɛɛ an dɔndɔ mu dechee, i na‑a min bakoe fɔ, mbɛ a tana ɛ na‑a wan a wandi nimisa‑a. Chɛ ɛ ma‑a wan, min mbe a ma, min nyɛnden mu i 'a gboo ɔ, a ni bɔ a a.

Gboo Ɛfisɔsi Ko A 1:21

Chasi chɛ, a 'a mansaya, a 'a gbasaya, a danka ee. A benden mu fen kɔ fen ma, dunya chɛ ɔ, a basan dunya a, min bɛɛ ɛ na tena. A benden mu nyina yama n 'na mansa n gbɛɛ ma.

GBOO IBU MƆƐ N KO A 2:9

Chɛɛ mmɔ‑a a ɔ sɔn fan Chisɔsi ɛ gbɛ buɛ min dɔ. Tima ɛnden ko a, Yataa na‑a a don fan maeka n 'na gbasaya kɔɔ. A na‑a a ma wan mansa a, tando ɛ min ma, a basan basɔmaya a. Chɛ ma‑a, a mu min na, a na‑a tɔɔ wan saya ɔ. Chɛ ko a, Yataa 'a koadia demanɛ ni a ma, a ni saya ɔ yen mɔɛ gbɛɛ ko a.

KO Ɔ NUNDENƐ 1:14

A kundi min ni a kun ma, a gbɛen fan ni fo yɔ fen gbɛ, yɔ fande funku wɛɛ. A ya sin ni man tena wan yɔ sanku manɛ.

KO Ɔ NUNDENƐ 12:3

Mbɛ n‑na kamaya koe wa dɔ mende ɔ yen to ma‑a banda bu ɔ. A yen ko, n‑na fɔɛ fen ba dɛgbɛ wa yen, yii ɔ fenɛ, min gboo bɔen mu fai gboo a. A yawaenɛ ni, a kunɛ ɛ wɔnfea, a bena n sin mbe tan. A kun wɔnfea chɛ n na, mansa banfua ma bɛndenɛ an ni si ɔ an gbɛɛ a.

KO Ɔ NUNDENƐ 13:1

Mbɛ n‑na n ya a ta, n‑na soe wa yen, soe ma chianden ba, ɛ bɔ‑a yii ɔ. Chɛ nɛnɛ bena ni tan, a kunɛ ɛ wɔnfea. Mansa banfua an ni si ɔ a bena tan chɛ n kan kɔ kan na. A kun chɛ n sin gbɛɛ, tɔɛ nyɛnden fan ni an ma, tɔɛ miin ni mainɛ a Yataa tena.

KO Ɔ NUNDENƐ 19:16

Doma kai chɛ min ni a ma, a woo kun ma, tɔɛ an nyɛnden ni a ma, min ni Mansa Wa 'a Mansa a.

KO Ɔ NUNDENƐ 3:12

Mɔɛ min mbe sɔ‑a gban Yataa ko a, n mbe a ma‑a wan soo ɔ bia‑a, Fa Yataa 'a chenɛ a. A sin, a ee bɔ‑a nɔ kuɔ fɔ ko a. N mbe n 'na Yataa tɔɛ nyɛn‑da wan a ma. A yɛ to, n mbe duu chɛ tɔɛ nyɛn‑da wan a ma, Chuusaɛn nama, Fa Yataa 'a duu wa chɛ, min mbe na‑a, a ka a tena banda bu ɔ. N mbe yɛ‑a wan to, n‑na n fandi gbu tɔ nama nyɛn a ma.”

KO Ɔ NUNDENƐ 6:2

Mbɛ n‑na n ya a sɛ, mbɛ n‑na soo gbɛ yen. Mɔɛ min ni si ɔ a kun ma, tamba a dɛ fenɛ an ni a boo a, mbɛ mansa banfua be‑a a ma. A ni ta tena a 'a soo chɛ a, a ni chɛɛ sɛsɛ kun bia, a ni kun a chɛɛ ma nyɔɛ n ma.