KO Ɔ NUNDENƐ 18:6 - Yataa 'a Dɔbɛnɛ Nama

⁶ A bia ka wan, yɔ a‑a mɔɛ n bia buɛ min dɔ, a‑a min si mɔɛ n na, a si‑a gba fea ko a. A‑a gbɛ a kɔɔenɛ min be mɔ dɔ mende n ma, gbɛ min gbasa a ma, gba fea ko a, a fa a 'a kɔpu a.

KO Ɔ NUNDENƐ 18:6 ပူးပေါင်းရင်းမြစ်များ

2 TIMOTI 4:14

Adɛsanda, tonkan ti chɛ, a‑a ko yama wa an ma n na. A sin, Mansa Yataa ɛ a pawa‑a wan a chɛ chɛ wai chɛ ko a.

KO Ɔ NUNDENƐ 13:10

Mɔ ɔ mɔ, Yataa‑a min ma bia mɔɛ a, a mɔɛ chɛ ɛ ma‑a bia an dɔ. Mɔ ɔ mɔ, Yataa‑a min ma fa mɔɛ a, chɛɛ chɛ mɛ a, chɛɛ chɛ mɛ an mbe a mɔɛ chɛ fa‑a pɔɛ. Chɛ gbɛɛ‑a a yian fan ka, mbɛ Yataa 'a mɔɛ n danayaen fan mu, an sin mbe an faa bia wan to.

KO Ɔ NUNDENƐ 14:10

A ɔ, “Yataa wɛɛ, ɛ a 'a faagbandia gbɛ be‑a wan an mɔɛ chɛ n gbɛɛ ma.” A ɔ, “An mbe a 'a faatɛ tɔmbua a faenɛ ɛ gban, an mbe a min‑da wan.” A ɔ, “An mɔɛ chɛ n mbe tɔɔya‑a wan, ta a, a basan sen gbandi ma yawaenɛ a yɔ ta.” A ɔ, “Chɛ ɛ ma‑a wan an na, sa tɔngbɔɛ ya kɔɔ, a basan a 'a maeka n gbɛɛ a.”

KO Ɔ NUNDENƐ 16:19

Mbɛ Babidon duu wa chɛ, a tɛka‑a sawa a, duu gboo chɛ sambaenɛ gbakɔ. Duu wa tɔɛ chɛ n gbɛɛ dunya ma, an bɛɛ yɔn‑da wan. Yataa nii ma nyina ni Babidon duu yama wa chɛ ma. Chɛ an fɛ mu, a‑a a gbɛ tɔmbua chɛ din nɔ mɔɛ n ma, gbɛ min‑na a 'a faatɛ dankama yian.

KO Ɔ NUNDENƐ 17:2

A ɔ, “Mansa wa chɛ nu dunya chɛ ɔ, an‑na waa ma basan fan an duu dia chɛ a.” A ɔ, “Mɔɛ miin sin gbɛɛ an mbe dunya ɔ, an‑na a 'a gbɛ yama chɛ min fan, min mbe yiinachii yama ma munda, a bɛbɛɛ ko tɛ. An gbɛ chɛ sin‑na an bia wan.”

KO Ɔ NUNDENƐ 17:4

Musu chɛ ma bɛnden fan ni chɛndɛ chɛ, koa yawaenɛ ɔ, min ni man tena sanu a, ni sen baa gbanden ba nu, a basan fen baa gbanden dɔ mende n na a ma. Kɔpu ni wan a boo a, min nyanden ni sanu a, ko yama faenɛ a a gban, a basan a 'a duu dia wai yama a.

KO Ɔ NUNDENƐ 18:20

Wo wɛn mbe banda bu ɔ, wo buɔdia bɔ, Babidon yɔn koe a Yataa boo ɔ. Yataa 'a mɔɛ nu, Chisɔsi 'a sɔ mɔɛ gbau gbau nu, wo buɔdia bɔ, wo bɛ Yataa 'a gbonka chɛ mɔɛ n gbɛɛ a. Koe min na mu, Yataa‑a kaa a tɛ Babidon duu wa chɛ ma koe chɛ n ko a, a na‑a miin ma wo a.